حب سارين

22

#حب_سارين (ملاكي)      الكاتبة/نسرين محمود

#الثانيةوالعشرون.      #الجزء_الثاني  حدثت عام 1999

وتندمت كِد ماتعبت عليج
امشي براحتج ماريد احاجيج
ياورده عشك ياأخر اهواي
يبس عودج ودموعي تزكَيج
تردني بلا يموعد وانه مشتاكَ
محسبه حساب رد وشريج

كلمات الشاعر #ابوالاكبرالناصري

ضياء كملت طريقي شفت سيارة واكفة بصفحة عبرتها ومشيت ...

سمعت صوت طلقة وكفت لمحت شخص من بعيد جان واكف وبصفة مرة واكعة بالارض گلبي حسني هما شكلهم مألوف والسيارة هم أي أي تذكرت هاي هية نفسها السيارة الي شفتها بالعرس نزلت من ركض من السيارة  تقربت جانت هية نفسها سارين حبيبتي و بنت گلبي

سارين جانت واكعة بالارض فاقدة وهوا جان شايل السلاح تخبلت حسيت روحي خسرتها وبعد ماأشوفها..

  صحت بصوت عالي "ولج سارييييييييييييييين .....شفتة هوا التفت علية

سارين جانت واكعة بالارض فاقدة وهوا جان شايل السلاح تخبلت حسيت روحي خسرتها وبعد ماأشوفها

أيهم "جان دمي فاير منها بسبب الي سوتة كلت أخذها لمكان وحدنا ردت أخوفها حتى بعد متعيدها

وجهت عليها  السلاح شفتها ارتبكت والخوف واضح عليها خلت اديها وضمت راسها بينهم دنكت للأسفل

ضربت طلقة بالهوى شفتها رأسآ وكعت التفتت جان اكو سيارة عبرتنا بعدين وكفت ورجع أستدار صاحبها

أقترب علينا انتبهتلة شكلة مصدوم صاح بصوت عالي"ساريييييييين

بلحضتها عرفت هذا هوا الحقير الي حاولت تهرب ويا فرحت وكلت بداخلي"جيت واللة جابك يانذل اليوم لازم اصفي حسابي وياك

هوا رأسآ من شاف سارين ركض باأتجاههه من شفتة بسرعة سحبت أقسام وضربت طلقة بأتجاهه بس ماردت اصيبة وأدخل روحي سجونات بسبب واحد مثلة ..

ضياء ماأهتميت الة وتوجهت لسارين أريد أطمن گلبي وأتأكد مصاير عليها مشيت بخطوات سريعة بس حيلي يرجف ..أحجي مع روحي"معقولة هاهية خسرت حبيبتي معقولة ماتت.

سارين"جنت كاعدة بالكاع ومدنكة راسي وسادة اذاناتي سمعت صوت طلق بقيت جامدة وگمت اتهمس بجسمي اشوف وين أنصابيت...

شوية وضلمت عيوني فقدت توازني  وگعت بالگاع ...

فزيت على صوت صياح  صوت مو غريب علية حسيت روحي داأتخايل ...

سمعت صوت طلقة ثانية أنضربت عرفت بلحضته مداأتخيل و هذا ضياء رفعت راسي تمنيتة مجاي شگد جنت محتاجتة بس متمنيتة يجي خفت يصير بية شي  ويتأذة فكرت باأمة شكد تحبة وتخاف علية...

باوعت لروحي اتهمس بجسمي مجان اكو أي نزف حجيت بگلبي"معقولة أيهم مضربني لعد ليش أغمى علية احتمال من الخوف ؟