_ايه اللى موقفك فى الشباك كده
=هشش اخرسى سيبينى اركز
_تركزى فى إيه؟!
=فى أيوب الساعه سته ونص زمانه نازل دلوقتى علشان شغله
_هتفضلى تراقبيه لغايه امتى فهمينى مزهقتيش
=لا مش هزهق الحب دق باب قلبى من غير معاد حب واحد ميعرفنيش اصلا حبيته بكل تفاصيله بعرف أخباره من أم محمود مرات البواب ومن عم محمد البقال وغيره مجرد مابشوف طيفه قلبى بيرفرف اسمه أيوب عنده 26سنه بينزل الشغل الساعه سته ونص وبيرجع خمسه المغرب مش بيدخن بيخرج مع اصحابه بعد الشغل يوم الجمعه يوم راحته الوحيد عنده اخت متجوزه ومسافره برا مع جوزها امه ست طيبه وعايشه معاه وباباه متوفى من ست سنين اتخرج من الثانويه بمجموع عالى جداً وكان متفوق فى دراسته جدا وبيخلص فى شغله جدا جدا دى حبة من الحاجات اللى عرفتها
_فاضل إيه تانى متعرفيهوش
=يعنى حبه حاجات كده نبقى نعرفها بعدين
_للدرجادي بتحبيه
=حبه اتمكن من قلبى خلاص
_هيعرف امتى
=لما الحب يدق باب قلبه
_والحب هيدق باب قلبه امتى
=لما يسمح لقلبه الأول انا منتظره مستعده انتظره العمر كله
_يبخت قلبه بيكى لو حبك
=يابخت قلبى أنا بحبه.. أحيييه ده نزل شوفتى حلو ازاى وهو متشيك وبيركب عربيته علشان يلحق يروح شركته ربنا يحفظه يارب
_ليه محسسانى يا نور إنه ابنك مش حبيبك
=وماله ابنى وحبيبى وجارى وعمرى
_ده انتى لحستى خالص أسيبك دلوقتي شكلك مجنونه
______
=قلبى فضحني وخلاها تعرف إنى بحب أيوب مش حب يومين ولا شهر لا دول7سنين..7سنين حبه بيزيد جوايا شعور بيكبر وكأنه حالف مهو طالع من قلبى من وانا بنت 17 سنه من ساعه ما نزل من المانيا وجه يكمل هنا وانا بحبه من أول يوم شوفته وانا قلبى وقع لأجل خطوته سبع سنين وانا براقبه من ورا الشيش عرفت تفاصيله ونمط حياته هادى وعاقل وجان فى نفسه كده بيحب التنظيم قد عينيه عنده استعداد يموت نفسه علشان الشغل شركته مافيهاش واحد بس كسول مختارهم بنمط معين.. قلبى وقع فى تفاصيله بدعى كل يوم إنه يبقى من نصيبى سبع سنين حاطه فيهم إيدى على قلبى لقلبى ينكسر كنت سمعت زمان إن الدعاء بيغير القدر أهم شئ اليقين يكون جوانا كنت بدعى بإلحاح سبع سنين بدعى منتظمه فى قيام الليل بدعى فى كل سجده هو بالى دايما أتمنى إنه يحس بقلبى
_______
_نور قدمتلك على شغل فى شركه
=إيه ده ومقولتليش ليه
_عادى يعنى المفروض يتصلوا انهارده انا اديتهم السى ڤى بتاعك
