= تعرف اني بحبك!
_تعرفي اني زهقت منك!
ارحميني شويه بقي
=مهو انا مش هرحمك غير لما تحبني
_وانا مش هحبك يا روان واهدي ومتخلنيش امشي من هنا بقي
=ايوه يعني انا لو سكت هتحبني
قام بعصبية_يووه بقي
انا غلطان اصلا اني جيت اقعد معاكي شويه
سابني ومشي
=الله انت سايبني ورايح فين طيب طيب تعالى وانا مش هتكلم في الموضوع دا لحد ما نروح
طب الحساب طاب
سابني وخرج من الكافيه
هو الحب عيب ولا حرام؟! هو انا علشان بحبه من صغري يذلني بالشكل دا هو انا اذيته في ايه علشان كل دا انا كل ذنبي انا حبيته وحبيت اي حاجه بيحبها وبقيت اهتم بكل تفاصيله وبعمله الحاجات ال بيحبها ومبعملش الحاجات ال مبيحبهاش افتكر انه مش هيلاقي واحده تحبه وتكون راضيه ب عيوبه اكتر من مميزاته اكتر مني عمر عصبي جدا وصوته عالي بس انا حبيته ب كل ما فيه وهو مش راضي يحبني ولا يديني نص الاهتمام ال انا بدهوله يمكن ال انا بعمله دا اكبر غلط لاني بطلب منه يحبني غصب عنه بس انا بحبه ومش عايزاه يكون ل غيري فكرة انه ممكن يكون ل غيري في يوم انا مش قادره استوعبها طول عمري بحلم ب اليوم ال احنا هنتجوز فيه ويكون ملكي لوحدي ويحبني انا وبس حاولت كذا مرة اني اتقل عليه ومحاولش أكلمه بس مبقدرش في كل مرة بجري عليه اكلمه
كنا في فرح بنت خالنا وطول الوقت باصه عليه ومبتسمه وهو كان بيحاول يتجنبني ومش بيبص ليا نهائي خرجت من القاعه شويه ورجعت لقيته واقف مع واحدة وقاعدين يضحكوا ويهزروا مع بعض وباين عليه انه مبسوط
قربت منهم ب غيرة وعصبيه
=عمر انا عايزه اتكلم معاك دلوقتي حالا
_مش وقته يا روان بعدين
=بقولك دلوقتي يا عمر يعني دلوقتي
اتنهد
_بعد اذنك يا حنين ثواني وراجعلك
بعدنا انا وهو عنها
_خير يا روان في ايه مالك
بصاتله واتكلمت بعصبيه
=مين ال انت واقف معاها دي
_حنين بنت عمي
ثم انتي مالك يا روان اقف مع مين ومقفش مع مين
=مالي اني بحبك وبغير عليك يا عمر
_وانا قولتهالك قبل كده اني ولا عمري حبيتك ولا هحبك وكفاية بقي تدخل في حياتي لاني زهقت منك ومن تدخلاتك دي ابعدي عني بقي الله
سابني ورجع ليها
قلبي وجعني اوي من كلامه كل ال انا بعمله دا علشان بحبه وبغير عليه وهو مصمم يوجع قلبي ويتعبني معاه سيبك القاعه وانا قلبي بيتقطع و الدموع كانت مغرقه وشي
تاني يوم فضلت قاعدة في اوضتي مبردش على تلفوني ولا خرجت من اوضتي اصلا
مرة واحده الباب اتفتح ورنا وإحسان صحابي دخلوا بعصبية
-:ممكن افهم انتي قافله تلفونك ليه من الصبح قلقتينا عليكي
=بقولك ايه يا رنا انا مش ناقصه صداع ولا اي كلامة زيادة كفايه ال انا فيه
إحسان قعدت قدامي
(:وهو ايه بقي ال حضرتك فيه أن شاء الله
=فيه اني زهقت وكرهت معني الحب زهقت من اني احب عمر من غير اي مقابل زهقت من معاملته ليا وكرهه ليا واني ذلة نفسي قدامه وفي كل مرة بيهني وانا قلبي مش قادر ولا يكرهه ولا يحب غيره
رنا ربعت ايديها واتكلمت بحزن علي حالي
-:الغلط كله منك يا روان
=مني انا؟!
ليه هو انا ال قولت ل قلبي يحبه ويتعلق بيه ولا انا ال قولت ل قلبه يذلني ب الشكل دا
الحب عمره ما كان ب ايدينا يا رنا
-: عندك حق يا روان الحب عمره ما كان ب ايدينا بس مشاعرنا هي ال ب ايدينا انتي غلطتك الوحيده انك اظهرتي حبك ليه وبالرغم من عدم تقبله ليكي بردو كنتي جمبه ومعاه وبتشحتي حبه ليكي مع انه كان ممكن يحبك من غير محاولاتك في انه يحبك يا روان
ابعدي عنه شويه خليه يحس بعدم وجودك وتوحشيه خليه يحس انك فارقه معاه ويكتشف لوحده انه بيحبك
=تفتكري اني محاولتش
بالعكس يا رنا انا حاولت ابعد عنه بدل المرة 10 وكنت بحاول مكلمهوش بس مبقدرش في كل مرة كنت بجري اكلمه علشان بيوحشني ويومي بيكون وحش من غيره اول ما بيرن عليا بجري علي التلفون وبرد عليه بسرعه يا رنا مش قادره ابعد
(:روان احنا عارفين كويس اوي انه صعب عليكي انك تبعدي عنه بس انتي لازم تعملي كده علشان هو يحس ب قيمتك وانتي تعرفي قيمتك عنده
=مش هقدر يا إحسان مش هقدر والله
-:لا هتقدري يا روان مش بمزاجك دا غصب عنك واحنا مش هنسيبك تكلميه بمزاجك او غصب عنك
التلفون رن وكان هو مسكت التلفون وفضلت باصه عليهم شويه وللتلفون شويه كنت هرد بس رنا سحبت التلفون من ايدي
-:احنا بنقول ايه وانتي عايزه تعملي ايه يا روان
=يا رنا
-:بلا رنا بلا زفت انا قولت مش هتكلميه يعني مش هتكلميه يا روان
بصيت ل احسان
(:متبصليش كده كلام رنا صح وانا كمان مش هسمحلك تكلميه
اتنهدت وسكت
