- ولاء
= عايز ايه يا محمد على الصبح
- اكويلي القميص الرصاصي على ما اخد حمام عشان عندي مشوار مهم
= ليه كنت الخدامه اللي امك مخلفهالك
- لا يا حبيبتي أنا قولت كدا بردو
= مش كاويه حاجه
- يا سلام يا حبيبة أخوكي ولا يهمك بقولك صحيح
= ايه يا اخويا
- هو الحزام بتاعي فين أصلي مش شايفه وهو بصراحه وحشني وعاوز اسمع صوته وهو بيطرقع على جسم حد
= عاوز القميص بس ولا اكويلك الفانله اللي تحته هي كمان
- لا يا حبيبتي كتر خيرك القميص بس
= حاضر يا اخويا يا حبيبي
- اه متنسيش تمسحي الجزمه عشان متعفره من المشي
= لأ بقا انت زودتها أوي طب مفيش قمصان
- لقيت الحزام لقيته خلاص اهو كان واحشني والله
= تحب أغسلك شراب أو حاجه
- لا يا حبيبتي كتر خيرك هدخل أخد حمام واطلع
= حمام الهنا يا قلبي
- يخليكي ليا
* دخل الحمام ورغى الصابون على جسمه وعلى وشه وهي قفلت المحبس *
- انتي يا جاموسه ياللي برا المايه مالها
= محدش بيرد
- بت يا ولاء يا قنفدة الكلب والله هطلع اقتلك
= سكوت تام
- وحيات امك همسح الصابون بالفوطه واطلع اقتلك
= بتقول ايه يا محمد يا حبيبي فيه ايه
- حبيبك وحياة امك ما انا سايبك
= يا محمد الماسوره بتاعة المايه انفجرت في الشارع والشارع غرق والجيران غرقو واحنا غرقانين برا بس بيلحقوه اهو ثواني بس والمايه هتيجي
- والله يا بومة الكلب لو ما فتحتي المحبس لطالع فاتحه بوشك
= يا محمد محبس ايه دلوقت بقولك الجيران غرقو وبابا وماما وبيطلعوهم من الماسوره هروح اشوفهم واجيلك
- بت يا ولاء رجعي المايه يا بت والله هطلع اموتك
= بتسكت تاني
- يا حيوانة الكلب يا روح العفانه
= بتسكت
- طيب انا بلبس وطالع وحيات امك لاكتفك وانزل فيكي ضرب لحد ما يبانلك صاحب
= *المايه بترجع *
- انتي فاكره لما ترجعي المايه دا هيرحمك مني والله ما هسيبك
= يا محمد الحمدلله أنقذو كل الغرقانين وصلحو الماسوره هي المايه جات يا حبيبي
- *بيسكت ومبيردش والمايه شغاله*
= يا محمد خلصت طيب
- *بيسكت *
= يبني انت روحت فين
- * بيسكت 5 دقايق وبعدين المايه اتقفلت تاني *
= يا محمد يبني رد متقلقنيش
- * بيسكت وباب الحمام اتفتح لوحده *
= محمد انت هنا * بتبص في الحمام ملقتش محمد ولا هدومه *
- * نط من شباك الحمام وجا من وراها * عااااااااااا تعالي بقا وحيات امي ما هسيبك
= أعااااااا والنبي والله هعملك كل اللي انت عاوزه
- ما انتي هتعمليه بس والله ما هسيبك
= اعاااااااا والنبي الحزام لا الحزام لا والنبي يا محمد والنبي أعاااا
- الحزام لااا، الحزاااام اااااه
= اااااااأعاااا حرام عليك هموت يا محمد والنبي
- القميص فين يا بت
= اهو في الأوضه في الأوضه هو والجزمه وماسحهالك بهدووووووومي
- الحزااااام لااااا
= أعاااااا والنبي خلاص بقا
* بيدخل الأوضه لقى القميص متغرق في حلة مايه والجزمه راميه عليها ألوان مبوظاها*
- هقتلك هتمووووتي النهارده وربي هتموتي
* بتقفل عليه الأوضه بالمفتاح من برا *
- بت يا ولاء افتحي يا بت ورايا معاد مهم
= والله لو عملت قرد ما انا فاتحالك وماما نايمه وبابا في الشغل شوف مين بقا هيفتحلك
- طب خلاص افتحي ومش هضربك تاني خلاص هبقى أمور وهسمع الكلام ولو على القميص والجزمه عادي يعني ما انا عندي غيرهم هغير وامشي وهسيبك
= لأ كداب انت لو طلعت هتموتني
- يا حبيبتي هو فيه أخ هيموت أخته يا عبيطه
= اه انت وانا مش فاتحه
- يا بت انتي اتقي شري وافتحي الباب والله لو كسرته وطلعت هكسرك
= طب تعرف اني كنت هفتحه بس عشان كلامك دا مش فاتحاه
- خلاص يا حبيبتي معلش افتحي عشان اجبلك الكابري اللي بتحبيها وانا راجع
= هتجبلي الكابري بجد
- طب هو انا كنت كدبت عليكي في حاجه زي دي قبل كدا ومجبتش
= لا كنت بتجيب بس انت هتطلع تضربني
- طب وعد مني اهو مش هطلع اضربك
= انت قولت وعد
- اه والله يلا
= طب انا هفتح واستنى دقيقه اما اتخبى
- حاضر يا ستي افتحي بقا
* أول ما فتحت ولسه بتجري لحقها من شعرها واخدها سوبليكس نزل بيها خمستاشر بوكس على اربعتاشر فينش عملها ارتجاج في المخ وصدمه نفسيه عنيفه وفقدت الذاكره ولما فاقت أقنعها إنها كانت الخدامه بتاعتهم وخلاها كوت القميص ونضفت الجزمه
