=حطي إيديك فوق إيدي
_هنعمل ايه!
=هنلعب
'مسك إيدي وسحبها وحطها فوق إيده.
=كيلو باميه
_ايه!
=هنلعب كيلو باميه، واللي هتطلع إيده مُختلفة هيغمي عنيه
_بس أحنا اتنين بس
=هيجي فريد صاحبنا
'بصلي فجاه.
=بس بقولك
_قول
=هتحطي إيدكِ فوق إيدي أنا ماشي!
_يعني أيه !
=متحطيش إيديكِ فوقه، او يكون تحت إيديكِ ماشي!
_اممممم اشمعنا يعني!
'قرب مني ورجع خُصله نازله من ضفيرتي لورا.
=محدش يحقله يلمس إيدكِ غيري
'سكت وبصيت بعيد بـ إحراج.
=بغير عليكِ.
=أتفقنا؟
_حاضر، أتفقنا.
أمي دايمًا بتقولي لما تلعبي مع حد العبي مع حد في سنك، ولما تعوزي تلعبي أوعي ولد يلمسك علشان دا عيب، اخويا او أبويا لما كان يشوفوني بلعب مع عيال الشارع كانوا يزعقوا لي جامد وكإني أجرمت، بس الميس بتاعت الفصل فهمتي شوية حاجات ما فهمتهمش في البيت، وبقيت أعمل بيهم، فهمتني إن دول أخواتي وأنا من وقتها بتعامل على الإساس دا، بس مبقتش مُتأكده أوي من ناحيتهُ من النُقطة دي !
~1 2 3 خلاويص
=لسسسساااه
~اجيب البوليس!
'ضحكت وانا بجري علشان استخباه فـ لقيتهُ وقف
=أنتِ بتضحكي على أيه!
_ضحكت عليه
=هو قال حاجة خلتك تضحكي كده!
_آه اصلهُ كان بيقول ااج..
'بصلي بغيظ.
=بيضحكك اكتر مني!
_ا.....مش ع...مش عارفه بس بيضحكني
=بس أنا بضحكك أكتر
_هيسمعنا ويجي يمسكنا كده!
=أنا هقول لـ ربنا عنك
_هتقوله أيه!
=هقوله إن فريد بيضحكها أكتر مني وانا زعلان عشان هي بتضحك فـ هطلب مِنهُ إن لما يقول حاجة تانية أنتِ متضحكيش عشان مزعلش تاني مِنك
'ضحكت.
_وتزعل مني ليه!
=أنتِ ضحكتي أهو يعني أنا بضحكك أكتر! مش كده!
_امممم مهو أنا مش عارفه بس أنتِ تزعل ليه من ربنا!
=علشان بَحبِك
_أيه!
=سمعت بابا بيقولها إنهارده لـ ماما، وكان بيتخانق معاها علشان بطلت تقولها لهُ
فـ قلها اللي بيحب حد بيقوله بحبك.
'اتكسف لإني أمي مفهماني إن الكلام دا عيب.
=مش هتقوليلي بحبك زي ماما ما رديتش تقول لـ بابا برضه!
_وهي مردتش تقوله لهُ ليه!
=علشان زعلها
_في ايه!
=بص لـ بنت في التلفزيون وقال عنها حلوة!
فهي اضايقت بس انا مش عارف هي اضايقت ليه بس البنت كانت حلوة!
'سكت.
=مش هتقولهالي!
_لا
=كانت حلوة شبهك
'طلعت وانا بجري اول ملمحت فريد وصل لمكان بعيد عنا علشان اجري منه وميمسكنيش.
_بس انا محدش شبهي.
كُلها كانت تفاصيل جميلة بتجمع الود بين عيلتين ميعرفوش حاجة عن بعض غير إنهم شُباكهم بيطل على شُباكنا، كُلها كانت وبقيت عند فعل كان ومتحركش لـ مكانهُ!
_فهمتي !
°بحاول يا ماما
'ضحكت على حركة حواجبها.
_تعالي أقعدي هنا
'جت وقعدت فـ اخدتها على رجلي وانا بضمها.
_تعرفي إن شعرك جميل اوي!
°زيك أنتِ
_أنتِ بنتي اللي ربتها
°عارفة
_تعرفي أنا بحكيلك القصة دي ليه !
أولًا أنتِ كبرتي كفاية إني اقولك، سنك مبقاش صُغير وفي حاجات لازم تفهميها ومش عيب إنكِ تفهميها، وعلشان اللي انا اتربيت عليه واتمنعت من فهمهُ مش هخلي سؤال في نفسك غير بـ إجابة عندي!
ثانيًا علشان أبن الجيران لازم يلزم حدوده معاكِ! وثالثًا مينفعش تطلي في الشُباك كده كُل شويه!
°بس أنا ب....
_الكلمة دي لما كُنت بقولها لـ أُمي زمان كانت تضربني بـ القلم بس انا مش هعمل كده، وهقولك إن الكلمة دي كبيرة عليكِ فـ إنكِ تقوليها!
عارفه إنتِ بتحبيه ليه! علشان أنتِ قلبك حلو وبيحب كُل الناس و....
°أنا عايزه اتجوزه
'ضحكت وانا بنزلها من على رجلي.
_يابت أنتِ لسه مبتعرفيش تنطقي اسمك على الكلام اللي بتقوليه دا
قولي اسمك كده!
°نوييي
_بس بس
_اسمك نورلين
_تعرفي معاه
'بصت فوق وحركت كتفها فـ حركة تلقائية
°معرفش
_نورلين، نور يعني الضوء يعني النور اللي مخلي عيونا تشوف من غيره هنشوف ضلمة، ولين يعني لين في الأمور، وسهولة في الشيء، تعرفي إن أنا اللي سميتك كده!
°ليه يا ماما!
_علشان أنتِ النور اللي بيخليني اشوف بسهوله ولو ضعتي ومبقتيش موجوده انا مش هعرف اشوف!
مش اخدتي قصة إن في حد كان ربنا مأنعمش عليه بنعمة البصر، وماشي وعربية كانت هتخبطة علشان مكنش شايف!
°وفي واحد طيب جيه ومسك إيديه، الميس قالتنا إنهُ كان شُعاع نور في ضلمة
_بس خلاص وأنتِ شُعاع نوري في كُل الوقت
يبقى لازم تحافظي على نفسك علشان انا اعرف اشوف، مش عايزني افضل مفتحة دايمًا برضه يا نورلين !
'طبعت بوسة على خدي وحضتني.
°طبعًا ياماما جميله
_ماما بس!
°حاضر.
_يبقى هتعملي ايه!
°اعمل ايه!
_هتحافظي على نفسك على طول علشان انا اعرف اشوف!
°حاضر
_وتركزي في دراستك علشان تطلعي دكتورة لـ إتعب تعالجني!
°حاضر
_وتبعدي عن اي كلام او حاجة ممكن تبعدك عني وتخليني مشوفش من غيرك تاني!
°حاضر
_ومتقفيش في البلكونة غير لما اكون جمبك!
°حاضر
_فين بوسة ماما جميلة!
°حاضر يا احلى ماما
