- يووووه ي نورين مش ههرب منك يعني متبقيش خنيقه كداا .. اي يعني اتأخرت شويه و يلا عشان عندنا محاضره
- ابتسمت بكسره .. معاكي حق انا خنيقه فعلا .. أنا هتمشى شويه روحي انتي
- و دا من امتى ي ست نورين .. دا انتي دايما لازقه فيا و مش بتعرفي تتحركي من غيري
- ضحكت بسخريه .. ياستي هعفيكي من برودي شويه زعلانه ليه
- بضحك عندك حق عالاقل مش هلاقي الشيخه نورين تقولي حلال و حرام لما أبص لحد
زعلت عشانها بس الكلام معاها مبقاش يجي بفايده .. هسكت و هدعيلك ربنا يهديكي
- همشي أنا بقاا
- دا اي الافراج داا هههههه سلام
مشيت و الدنيا اسودت قدامي كنت ماشيه و مش عارفه رايحه فين .. كلامها بيتردد فعقلي .. افراج .. للدرجادي كنت خنقاها ؟؟ .. لازقه فيا .. عندها حق أنا عمري ما اعتمدت على نفسي .. ضحكت بوجع دا أنا لما بجيب كيس شبسي بخليها تشتريلى .. أنا ازاي خجلي وصل لمرحلة اني مليش شخصيه .. مين نوريين .. أنا عايشه ازاي .. لازم اتغير و أول حاجه محتاجه ابعد و اعتمد على نفسي
رجعت البيت لقيت بابا قاعد بيقرأ كتاب .. ماما بتتفرج على التلفزيون .. اختي ماسكه فونها .. اخويا اكيد قاعد فأوضته .. احنا عيله اووي ما شاء الله .. كان نفسي نبقا عيله بجد كان نفسي بدل م كل واحد لوحده نقعد و نتكلم مع بعض و نتشارك
دخلت غيرت هدومي و صليت و طلعت ..
- ماما
- الاكل عندك فالمطبخ
- مش عايزه آكل
- باستغراب .. عايزه فلوس ؟
- و لا فلوس ي ماما
- اومال عايزه ايه ؟؟
- عايزه انقل م الجامعه .. لقيت بابا ساب الكتاب و اختي سابت فونها و مستغربين ..
- عايزه تنقلي فين ؟؟
- عايزه انقل كليتي ف اسكندريه
- بابا باستغراب .. اسكندريه ليه ؟؟ انتي بتبقي نازله هنا و خايفه تتوهي هتعملي ايه هناك
- ارجوك ي بابا محتاجه اعتمد على نفسي .. و دا مش هيحصل غير لو بعدت .. عشان خاطري ساعدني و وافق
- ماما بعصبيه .. يوافق على ايه مستحيل طبعا
- بابا بهدوء .. موافق
- ماما بزهول .. موافق على ايه دي لو حد كلمها بتعيط هتتعامل مع ناس غريبه ازاي
- عشان كدا بقول موافق .. احنا طول عمرنا عازلينها عن الناس .. و دا حقها و دي شخصيتها .. سبيها تصلح اللي احنا مقدرناش نعمله .. ورقك فخلال يومين هيكون منقول جهزي نفسك .. و هشوفلك سكن قريب م الكليه هناك
