اسماء._ انتى يا بت
رنا._.......
اسماء.- انتى يا بت ردى عليا هو انا بكلم نفسى
رنا._ والله ربنا انعم علينا بالأسامى عشان ننادى على بعض بها مش عشان نقول لبعض يا بت
اسماء._ ها خلصتى.. مش وقت فلسفه وحياة طنط. يخربيت رخامتك يا شيخه
رنا.- استنى بس سيبينى اعيش الدور شويه يا بت انتى
اسماء.-والله ربنا انعم علينا بالأسامى عشان ننادى على بعض بها مش عشان نقول لبعض يا بت
رنا.- اى دا انتى زعلتى
اسماء.-........
رنا.- طب خلاص هصالحك. بصى شايفه الحيطه دى
اسماء.- شايفاهه يا ختى وواحده كمان قصادى اهى
رنا.- روحى اخبطى رأسك فيه.. اى قولتى اى
اسماء.- مقولتش حاجه يا حببتى بكح...
رنا.- اه بحسب
رنا.- سمكه بقولك صحيح الامتحانات عالأبواب وعايزين نزاكر. عايزين نعمل جدول عشان نلحق نلم المنهج
أسماء.- اى دا بجد الامتحانات عالأبواب
رنا.- اه والله
اسماء.- طب قومى افتحيلها
رنا.- ههههه خفه.
اسماء.- خلاص بقى بجد نتكلم جد شويه. انتى عايزانى الم المنهج
رنا.- ياريت والله
اسماء.- ليه انتى نشراه بقالك كتير ولا اى
رنا.- قومى يا بت غورى من وشى.
اسماء.- خلاص والله. كفايه هزار. يا شيخه امتى نسيتينى كنت عايزة اقولك اى... قولى كنتى عايزة اى على ما افتكر
رنا.- كنت بقولك عايزين نذاكر
اسماء.- ياريت والله دا بيقولوا المنهج صعب اوى
رنا.- بيقولوا اهه بيقولوا.محنا هنجيب كحك وبيتى فور
اسماء.- الله انا بحب البيتى فور اوى بس بحب الغريبه اكتر. الاقى عندهم غريبه
رنا.- لا يا حبيبتى هتلاقى عندى انا...... خدى يا جزمه
اسماء.- خلاص والله
رنا.- يابنتى اسمعينى بقى.
اسماء.- اهو انكتمت اهو اخلصى عايزة تقولى اى
رنا.- عايزين نتزفت نزاكر شوفتى الانجليزي اد اى محتاجين نزاكره اول واحد عشان نلحق نخلص. ولا الفيزياء والامتحانات اللى المستر عمال يعملها ولا الكيمياء وعمك هوند وعمك ديموقراطيس اللى هيجيبوا اجلنا دول ولا الاحياء ياختاى دى محتاجه سنه بحالها عشان تتزاكر. ولا الفرنساوى ولا العربى والرياضه دى كوم تانى بقى بالذات الاستاتيكا طين. انا فالاستاتيكا فله. ها نبدا باى بقى. سمكه. انتى يا بت. انتى سرحتى فاى....
اسماء.- انا عايزة اكل بيتزا
رنا.- الله يخربيت اليوم اللى عرفتك فيه.
اسماء.- كان يوم جميل اوى والله كنا طابخين يومها اى بقى يا رانون. كنا طابخين رقاق ولحمه كان طعمهم اى مقولكيش.
رنا.- غورى يا بت من وشى
اسماء-والمزاكرة يا رانون
رنا.- مش عايزة ازاكر. كرهتينى فالثانوى وسيرته
اسماء.- ايوا بقى
رنا.- توهى توهى ادى دقنى ان فلحنا السنه دى
اسماء.- يختى سيبك من المزاكرة دلوقتى
امك طابخه اى النهاردة
رنا.- اسمها الست والدتك مش امك يا بيئه
اسماء.-اه سورى، الولية امك طابخه اى النهاردة؟
رنا.- تصدقى انك عايزة تنضربى
اسماء.-واهون عليكى يا رانون
رنا.- صدقى صعبتى عليا بس هتنضربى برضو
اسماء.- طب استنى طه اما أكل عشان تبقى بطنى مليانه
رنا.-طه جبتى طه دى منين يا حيلتها
اسماء.- من عند الراجل اللى على اول الشارع
رنا.-شوفتى البت عملت اى النهاردة
اسماء.- كفايه تنمر عايزين ربنا ينجحنا
رنا.- هننجح ازاى واحنا مبنذاكرش يا فالحه
اسماء.-الدعاء يغير القدر
رنا.- لا والله. دا ازاى بقى ان شاء الله
اسماء.- ادعى قولى يارب انجح السنادى والسنه الجايه هزاكر. وعد
رنا.- وحياة امك
اسماء.- وحياة ابوكى ياختى
رنا(متعصبه).- بصى بقى مهو هنذاكر يعنى هنذاكر احنا ثانويه عامة يابنتى
اسماء.-حاضر والله انتى قلبتى على الحاج ابراهيم كدا لى
رنا.- بتخرجينى عن شعورى
اسماء.- معلشى المرة الجاية هخرجك الملاهى
رنا.-هنتنيل ولا مش هنتنيل
اسماء.- انتى عايزة تتنيلى
رنا.- ياريت والله
اسماء.- طب يلا بينا عالنيل
رنا.-غورى يا بت من هنا
اسماء.- استنى بس خلاص يلا نحط جدول مزاكرة
رنا.-اتفضلى يا هانم
اسماء.- نبدأ بالسهل عشان نفسنا تنفتح
رنا.- انتى همك دايما على بطنك يابنتى
اسماء.- خدنا اى مالتعليم غير وجع القلب. رضا البطن اهم من اى شئ
رنا.- يلا يا ام بطن
اسماء.- انا معنديش بطن يا ابراهيم.. هقوم اوريكى والله
رنا.- اخلصى اعملى الجدول عشان انا مش هخلص من لسانك.ربنا واخد من طولك ومطول فى لسانك
اسماء.-.. يلا عشان انا هنام منك حالا
رنا.- عارفه منا ساعة مجبلك سيرة المزاكرة ابو نوام بيجيلك
اسماء.- دا دليل على حبى للمزاكرة يا هبلة
رنا.- انتى هتقوليلى
اسماء.- بصى يا ستى هنبدا. بالفيزياء عشان قوانينها كتيره. تمام؟
رنا.- تمام
اسماء.- وبعدين الكيمياء عشان قوانينها كتيره برضو وبعدها رياضه بحته وناخد اسبوع راحه عشان عملنا انجاز عظيم اوى. وبعدين بعد الراحه نزاكر استاتيكا وانجليزى. وناخد اجازة وبعدين نرجع تانى نزاكر عربى وفرنساوى. وناخد اجازة اسبوعين عشان ناخد نفسنا ونرجع مع آخر حاجة الأحياء
رنا.- على كل الاجازات اللى حضرتك حطاها احنا كده هنذاكر للملاحق ان شاء الله
اسماء.-ماشاء اول مرة اكتشف انك ذكيه. محنا هنمتحن ملاحق
رنا.- انا عارفه ان دى اخرتها. بت يا اسماء عايزين نذااااااااكر يا مفتريه
اسماء.- والله ربنا أنعم علينا بالأسامى عشان ننادى بيها على بعض بها مش عشان نقول لبعض يا بت
رنا.- الشبشب دا لسة جايباه جديد وهوا هينزل على جسمك تعالى هنا يا جزمه
اسماء.- هاكل واضربينى
انا رايحه اشوف امك طبخت اى عشان انا جعانه
رنا.- استنى خدينى معاكى. بلا مذاكرة بلا قرف
اسماء.- اه والله يا اختشى
(بعض الأصدقاء حبهم لا ينكتب ولا ينحكى)
