= بس انا بحبك!
_انا مِحتاجاك كصديق .
= طب نعطى بعض فرصه تانيه .
_ دا فعلا اخر كلام .. وانت المفروض تكون مقدر.
=موافق.
'' اسمى مازن .. ٢٤ سنه .. او بالادق ٥سنين بس مهو انا عمرى ابتدى اول معرفت اجمل وارق انسانه ع وجه الأرض _ مليكه _.... عمر تخيلت انك تحب حد ٥سنين كاملين ويوم ما تروح تعترفله بحبك يقولك محتاجك كصاحب بس .. وافقت وكمان هتجوزها عشان ع الاقل هصحى كل يوم اشوفها.. يعنى وهتكلم معاها ومش هيبقى فى حاجز بينى وبينها.. اه بحبها للدرجه دى لدرجه انى هتجوزها عشان ابقى صاحبها ''
'' مليكه اعرفها من اولى جامعه اول يوم شوفتها فيه عرفت ان دى ال هتغيرلى حياتى فضلت كتير جدا احاول اكلمها واعمل خطط مع صحابى عشان تحبنى بس للاسف ماكنتش بتنفع كنت بتعامل معاها كأختى بس كنت واثق انها هتبقى حلالى فيوم من الأيام .. هى اه غامضه شويه او كئيبه ممكن معقده بس القلب اما بيحب ما بيشوفش اى حاجه غير مميزات مميزات وبس .. هى يتيمه باباها ومامتها متوفين من وهى صغيره عاشت مع عمها واتوفى السنه ال فاتت فمبقاش ليها حد .. وانا كمان بابا وماما متوفين من وانا عندى ١٨ سنه وبالتالى اناكمان مليش حد وورثت عن بابا اكبر شركه لإنتاج الحديد فمصر ''
'' حددت معاها ميعاد لكتب الكتاب واخدت اتنين صحابى يبقوا الشهود .. وكتبنا الكتاب ''
مليكه:- هنام فانى اوضه..؟!
انا بعد مشورتلها ع الاوضه الخاصه بيها:- دى
مليكه:- وانت .
انا بتنهيد:- الاوضه ال جامبك دى .
مليكه:- تمام انا هنام.
انا:- وانا كمان هقعد شويه وادخل انام
مليكه:- تصبح ع خير.
'' اكتفيت بابتسامه .. وهى دخلت وانا عملت قهوه وفضلت افكر فيها وازاى اخليها دايما فرحانه .. من اول مشوفتها وانا حاسس ان دى رسالتى فالحياه _انى اخليها فرحانه_''
'' فوقت من تفكيرى ع صوتها ال قادر يسفرنى بلاد فدقايق
رفعت راسى وبصتلها كانت حلوه اوى كانت لابسه بجامه نبيتى ضيقه جدا عليها وكانت فارده شعرها .. كانت فعلا ملكه .''
مليكه:- اسفه انى طلعت كدا بس فعلا مفيش هدوم معايا غير من دول .
انا ببتسامه:- لا عادى انتى شكلك كدا حلو اوى.. وبعدين انا زى جوزك يعنى .
'' ابتسمت وسكتت وانا فضلت باصصلها ''
مليكه:- هى كل الاوضه فيها ال فاوضتى .
انا :- هى أوضتك مش عجباكى.
مليكه :- لاء هى حلوه اوى.. ركن الصلاه ال فيها ، وو المكتبه ال ملايانه رويات .. ومكنه القهوه .. ومكنه الكتابه والمكتب الكبير ال عليه كل الكتب بتاعت دراستى دا كله حلو حلو اوى.
'' كانت لمعه عيونها العسليه وحركات اديها وابتسامتها وهى بتوصف الاوضه كانوا واخدنى فحته تانيه .. كنت فرحان انها فرحانه .. وكنت ندمان انى معملتش اكتر عشان هى تفرح اكتر "
