-تعرفي يا أنسه أنا ركبتك جنبي مخصوص
=ربنا يعزك
-عارف إنك هتقفي وأنتي وراكي جامعه
=ربنا يخليك
-مش أي حد يركب جنب كرسي السواق
=الدنيا لسه فيها خير
-وهتتشحططي بقي وأنا قولت اركبك جنبي
=ربنا يعلي مراتبك
-أنتي فيكي شبه من مراتي
=أكيد حلوه
-هو أنتي حلوه يا أنسه
=ربنا ياخدك
-كانت بينا أجمل قصه حب بدأت فوق السطوح
=أحم ، سطوح إيه
-أنا عارفه نيتك دي ، بس أنا هوضحلك
=دا أنا خمس دقايق ونازله ، مره تانيه بقي
-أصل مراتي دي كانت جارتي وكان البيت لازق في البيت
=أه
-وأنا كنت مش بطيقها عشان كانت عصبيه وتنكه في نفسها
=أه
-زيك كدا
=أنا بقول أنزل أحسن
-جه في مره كنت طالع فوق السطوح لقيتها بتنشر وواقفه ورا الستاره الحمرا وكان في عز الضهر
=القصه دي فيها أغتصاب
-انزلي يا انسه ، أنزلي
=كمل كمل أنا أسفه
-أنتي مخطوبه !
=أه الحمدلله.
-فالمهم قبل ما انزل بدكر البط لأمي وكنت شايله تحت باطي كدا سمعت صوت شهيق عياط
=وأكيد هيا الي بتعيط
-لا دي مرات دكر البط عشان خطفته منها ، مالك يا انسه
=انا قولت أخمن
-أنتي تسكتي خالص ، فالمهم مشيت بدكر البط تحت باطي وروحت علي سطح بيتهم لقيتها ورا الستاره بتعيط
=كما توقعت
-فأنا مش عارف أعمل إيه ، أكلمها هتصدني بتناكتها بس انا أشفقت علي حالتها
=روحت أنت أغتصبتها
-هو خطيبك عارف بهبلك دا
=الحقيقه لا ، هو لسه بيستكشفني
-فأنا مسكت دكر البط وقربته من وشها من ورا الستاره كنوع من أني أخليها تضحك
=الله ع الرومانـ..
-راح دكر البط هبش ودانها بسنانه وأنا بقا الي مستنيها تضحك وهستلطفها وتستلطفي روحت لقيت كف رانن علي وشي
