-اسر بعصبيه: هو أنا مش قولتلك قبل كدا متلبسيش البتاع دا تاني
-ساره بصوت عالي:اولا اسمه خمار ثانيا ملكش حق توافق عليه أو لا هو عاجبني ومقتنعه بيه ومش محتاجه رأيك
-اسر: ايوا بس انا خطيبك وقريب هبقي جوزك
-ساره:لا دا ف احلامك بقا معلش أنا مش هكمل معاك اتفضل دبلتك اهي
*سابته ومشت ولما وصلت البيت كان أهلها عرفوا باللي حصل*
-مامت ساره:اي اللي عملتيه دا ي بنتي بس كان الموضوع يتحل براحه
-ساره:مكنش فيها براحه ي ماما صدقيني وانا اكيد هيجيلي احسن منه وهيبقي عاوزني كدا ولو مجاش اديني قاعده معاكي يجميل
-مامت ساره بضحكه:ربنا يخليكي ليا ي حبيبتي ويوعدك باللي يفرح قلبك
-ساره:يارب ي ست الكل عامله غدا اي بقا
-مامت ساره:محشي ورق عنب عشان الهبله صاحبتك وعملت بشاميل عشانك
-ساره:اوبا دا الموضوع كبير اويي
*جرس الباب بيرن*
-فاطمه:سااااامو عليكوووو
-ساره:داخله المدبح ف اي
-فاطمه:هي عامله ورق عنب صح؟
-ساره:يختااايي عليكي وعلي بطنك يختي ادخلي غيري هدومك ي بت يلا لحد م احضر السفره
*دخلت غيرت وخرجت*
-ساره: يختي هدومي محلياكي ازاي قمر
-فاطمه:اي دا ساره حبيبتي بقيتي نرجسيه امتا؟
-مامت ساره:بس بقا انتي وهي وكلوا يلا
-فاطمه:تسلم ايدك ي ست الكل بجد
-مامت ساره:الف هنا ي حبيبتي
-فاطمه:بسسس سرحانه ف اي؟
-ساره:ها ابدا مفيش
-مامت ساره:سابت خطيبها النهارده
-فاطمه:اه بحسب،،هااا بتقولي اي لي؟
-ساره: بطلي رغي وهبقي احكيلك
*بعد م أكلوا وصلوا المغرب،ساره حكت لفاطمه كل اللي حصل*
-فاطمه:كويس انك عملتي كدا بجد بقا حد يبقي شايف القمر دا قدامه ويعمل كدا
-ساره:اتعمي ي بنتي نعمل اي
-فاطمه:بقولك اي عندي مشوار بكره ف الكليه هخلص شويه ورق كدا م تيجي معايا
-ساره:طب اشطا
*تاني يوم الصبح*
-فاطمه:اي القمر دا لي ي بنتي خطفه القلب ع الصبح كدا
-ساره:بس ي بكاشه يلا
*وصلوا الكليه*
-فاطمه:هتدخلي معايا ولا تستني هنا
-ساره:هستناكي بس متتأخريش
-فاطمه:حاضر
*قعدت ف مكان قدام الكليه،وف شاب لمحها اول م دخلت مع فاطمه وفضل يبص عليها وفجأه*
-الشاب:بسم الله ماشاء الله تبارك الرحمن انتي بجد ي انسه ولا جرافيك؟
-ساره ب استغراب: افندم؟
-الشاب:أنا اسف بس بجد حاسك ملاك مش حد طبيعي كدا زينا انتي حلوه كدا طبيعي ولا بسبب الخمار؟
-ساره:هتفرق حضرتك؟وبعدين انت بتتكلم معايا كدا
-الشاب ب ابتسامه:أنا اسمي يوسف وانتي؟ولا اقولك ي ملاك
-ساره:لو سمحت مينفعش كدا
*فاطمه جات*
-فاطمه:ف اي ؟
-ساره:مش عارفه والله يلا بينا لو خلصتي أو همشي أنا
-يوسف:فاطمه ازيك
-فاطمه:يوسف اخبارك اي بتعمل اي هنا يبني
-ساره:هو انتي تعرفيه؟
-فاطمه:يوسف كان عضو معايا ف اتحاد الكليه مقولتش بتعمل اي هنا
-يوسف:كنت جاي اخلص ورق كدا وبعدين ربنا بيحبني عشان اشوف الجمال دا ع الصبح
-فاطمه:اتلم طب اشوفك بعدين بقا سلام
-يوسف: فرصه سعيده
-ساره:شكرا
*بعد م مشوا*
-ساره:انسان مش طبيعي بجد
-فاطمه بضحكه:عمل اي بس فهميني
*حكت اللي حصل*
-فاطمه:اوبااا دا عمره م عملها مع حد يوسف محترم جدا وانا اشهدله بكدا انتي بس اللي وقعتيه بالبنفسجي القمر دا
-ساره:اتلمي انتي كمان
-فاطمه:حاضر يلا نروح نشرب اي حاجه
*عند يوسف بعد م روح*
-مامت يوسف:حمد لله على السلامه ي حبيبي اتأخرت لي؟
-يوسف:كنت قاعد مع القمر
-مامت يوسف بضحكه:من ورايا كدا مين دي
-يوسف:والله م اعرفها
-مامت يوسف:ازاي بقا؟
-يوسف:أنا كنت داخل الكليه لقيتها واقفه زي الملاك بالظبط ي امي كانت لابسه فستان ابيض وعليه خمار بنفسجي كانت شبه الملايكه وضحكتها ضحكتها مزيكا هاديه واول م اتكلمت معاها فتحت ف وشي نشره الاخبار😂🙂
-مامت يوسف بضحكه:أنا حبيتها من وصفك ليها بس انت لقيتها كدا مكنش ينفع تتكلم معاها طبيعي كانت هتصدك
-يوسف:مقدرتش بصراحه ربنا يوقعني فيها تاني وانا هروح اتجوزها والله
-مامت يوسف:ربنا ينولك اللي ف بالك ي حبيبي
*بعد اسبوع ف كافيه،ساره كانت قاعده لابسه هاند فري ماسكه ف ايديها روايه،دخل يوسف الكافيه واول م قعد شافها وابتسم فضل متابع كل حركه بتعملها لو ضحكت أو اتأثرت بجمله وهي بتشرب القهوه بتاعتها لحد م هي شالت الهاند فري قام وقف ف نص الكافيه*
-يوسف بصوت عالي:ياااارب لي يارب مخلقتنيش كتاب؟طب يارب أنا مسلم لي الملايكه مش بتدخل عندي
*الناس فضلت تبص عليه ومستغربين وكذلك ساره*
-يوسف:م هو ي جماعه حد يفهمني يعني اي اشوف الانسانه اللي هناك دي قصدي الملاك دا *وشاور علي ساره* واعيش طبيعي بعدها
*راح نحيتها*
اعتبريه جنان اعتبريه مفيش عقل اي حاجه بس انا بطلب ايدك قدام الناس دي كلها
*ركع علي رجله*
تتجوزيني ي ملاكي؟
-ساره:قوم ي يوسف الناس بتبص علينا مينفعش اللي بتعمله دا انت مشوفتنيش غير مره يعني اي عاوز تتجوزني انت مش صغير لكدا عن اذنك
*مشت،عدي يوم اتنين اسبوع كان كل يوم يشوفها ويحاول يتكلم معاها عرف عنها كتير من فاطمه ومن الناس واتمسك بيها اكتر لحد م ف يوم*
-يوسف:لازم تقعدي وتسمعيني أنا بقالي اسبوعين مروحتيش من بالي ي ساره بحاول اوصل لرقمك اي اكونت ليكي معرفتش كلمت فاطمه عرفت منها مكان بيتك بس مرضتش اروح عشان معملش ازعاج وعرفت منها انك جايه هنا النهارده انا مش عارف هتصدقي ولا لا بس انا حبيتك لمستي جزء ف قلبي اول م شوفتك ف الكليه حسيت أن أول مره اشوف بنت ف حياتي مع أن البنات قدامي كتير وكل يوم بس فيكي حاجه مختلفه معرفش انتي ساحره بقا ولا اي بس فرحان باللي حصل انا اول مره اعمل كدا واكيد فاطمه قالتك وانا لسه عند كلامي وعاوز اتجوزك
-ساره: يعني انت معندكش مشكله مع خماري أو بعد فتره مش هتقولي اقلعيه
-يوسف:تقلعيه؟تقلعي اي أنا عمري م شوفت ولا هشوف حد حلو كدا ف الخمار وبعدين انتي بتعملي فرض عليكي اصلا
-ساره بضحكه:ماشي أنا موافقه
*وضعتك بقلبي عسي المقام بالمُقيم يليق*💙
