- انا يا عمي يشرفني ويسعدني إني أطلب إيد بنت حضرتك
=تعمل إيه بإيدها؟
- مقصدش المعنى الحرفي ههههه.. أنا أقصد إني أكمل نص ديني وكدة
= وإيه علاقة إيد بنتي بنص دينك ؟
- أقصد إني عايز اتجوزهاا
= وتتجوزها ليه؟
- عشان بحبها
= وبتحبها ليه؟
- عشان لو لفيت الدنيا دي كلها مش هلاقي ضفرها
= لا يبني أنت لو لفيت الدنيا دي كلها هاتدوخ وهاتفرهض وهاتخلص فلوسك ومش هاتعرف تتجوز وبعدين مين قالك إن ضفرها ضايع وبندور عليه ؟
- واضح يا عمي إنك رافض الموضوع بس بترفض بطريقة شيك
= موضوع إيه ؟
- جوازي من سلمى
= طب ما تتجوزها وأنا مالي
- مش لازم حضرتك توافق
= مين قال لازم.. انا قلتلك لازم هي قالتلك لازم
- لا بس دي الأصول عشان كدة طلبت منها أشرب معاك الشاي
= طب وعجبك؟
- إيه هو ؟
= الشاي😂
- يا حاج أنت راجل كبير وقد أبويا متخلنيش اتغابي عليك
= وأنا مش هجوز بنتي لعيل قليل الأدب زيك مش بيحترم اللي أكبر منه
- أنا أسف يا عمي
= على إيه يبني
- تصدق إني راجل وقح إني فكرت اتجوز
= وأنا مش هجوز بنتي وقح زيك واتفضل من غير مطرود
يخرج العريس وعلى وجهه اعتى علامات الغضب لتدخل سلمى دامعة لوالدها وترتمي في حضنه
- كنت عارفة إنه ميستهلنيش
= يا حبيبتي ده مستحملش خمس دقائق هيستحمل نكدك وزنك طول العمر إزاي زي منا استحملت أمك هو فاكر بنات الناس لعبة ولا إيه؟
- حقيقي يا حاج انت عملة نادرة ياريت كل الرجالة زيك 😂❤
