_افتح الباب علشان ارجع لماما ..!
_لا.!
_هنط من الشباك، انت عارف انى مجنونه واعملها.!
_متهوره بس بحبك!
_ولا مش وقت محن ونحنحه ، بقولك افتح الباب!
_طيب أهدى!
_هو انا بشد فى شعرى ياحبيبى؟
كان بيكلم وهو جاى عليا _طيب عايزه اي دلوقتى؟
_ارجع مكانك!
حط ايده على شعرى واتكلم بهدوء _طيب اي مزعلك ؟ انا موجود اكلمى قوليلى مالك..
عيطت _مش عارفه بس انا عايزة ارجع عند ماما دلوقتى
_مي اعقلى ، اي عايزه اروح عند ماما دى؟
_ شوف بتكلم ازاى ومفكرنى عيلة !
_طيب اقعدى بس..
_وارجع عند ماما تانى؟
_هبقا اوديكى ، بس اقعدى ، قوليلى مالك؟
_مش عارفه ، بس انا مكنتش حبه موضوع الارتباط دلوقتى وكنت خايفه منه ، انا عايزه اكمل الباقى من حياتى وسط رواياتى وكتبى وسريرى ، مش حمل مسؤوليه تانيه، ومش شايفه نفسى قد المسؤليه دى ، هو بابا شافك كويس وانا بردو شوفتك كويس علشان كده وافقت ، فاهمنى؟
_طيب ماانا عارف ان انا كويس !
_حسن... !
_مش شرط تكونى قد المسؤليه من الأول ، انا وانتى هنساعد بعض...
_ممكن نفشل وتبقا النهايه الطلاق !
_وممكن تنجح وتبقا النهايه بيبى شبهك !
_متوقعش أن النهايه هتبقا حلوه ، مش كل حاجه بتبقا نهايتها حلوه زى مااحنا متخيلنها، العالم مش وردى اوى كده..
_بس انا بالنسبالى النهايات بتبقا حلوه..
_دا انت بقا !
_انا وانتى واحد !
_لما نزعل من بعض هنبقا اتنين !
_وليه نسيب للزعل مساحه بينا؟
_يعنى انت مش هتزعلنى ابد؟
حضن ايدى _مقدرش ازعلك ولو زعلتك مش هسيبك زعلانه !
_متأكد؟
_زى ماانا متأكد من حبى ليكى ، وان هخليكى تحبينى..
اكتر مخاوفى اتحققت ، كنت خايفه اتجوز وانشغل ببيت واسره وغيرو وانا شايفه نفسى غير مستعده للحاجات دى كلها ، شايفه نفسى لسه صغيره ملحقتش أحقق احلامى كله ، خايفه شكلى يتغير ويبقا وحش بعد الجواز مش عارفه اي السبب بس انا متخيله كده ، هو اه بيحبنى واه طيب وكويس.، بس انا سوء حسن أو غيرو انا رافضه الفكره...
_بتعيطى ليه؟
_كنت بعملك اكل والطبق اتكسر
_انتى كويس أهم حاجه؟
_اه
_فداكى الدنيا كله
_اي رايك اجهزلك اكل؟
_والله لو عايزه معنديش مانع
_طب ماترجعنى لماما.!
_نفس حوار الصبح تانى
اتعصبت _ايوة عايزه ارجع لماما
مسك الحزام بتاعه كان مرمى على السرير _عايزه تروحى فين يا مي؟
خوفت _بقولك تاكل اي ياحبيبى؟ علشان انت ماكلتش..
دخلت المطبخ وانا تايه ومش فاهمه حاجه لا انا عايزه لماما دلوقتى حالا بالا فالا
حمرت بطاطس و قطعت خيار كفايه عليه....
ماشى ياحسن بقا انا ترفع عليا الحزام يالا ، الرجاله كلهم صنف واحد مصطفى أبو حجر قاعد براا
_مصطفى مين ؟
_.....
رفع حاجبه _الاكل خلص؟
_اه... وبالسم
_بتقولى حاجه ياحبيبتى؟
_بقول بألف هنا على قلبك!
حطيت الاكل وقعد ياكل
_الاكل كان حلو اوى تسلم ايدك.!
_اي الاحترام دا؟ مش كنت هتضربنى بإلحزام؟
_علشان شايف الهانم عقلها صغير اوى !
_فين كلامك ال كنت بتقوله فين؟ فين وعودك؟ فين حبك؟ فين دلعك ليا؟ طلقنى ياحسن دلوقتى
_اكلك جميل جدا تسلم ايدك ، بس انتى أجمل !
ابتسمت_بجد ياحسن يعنى انا جميله و.. انت بتضحك عليا علشان تسكتنى صح؟
بصلى بهدوء واتكلم _وكمان القهوه هتبقا حلوه من ايدك اوى
_اسكت ياحسن داانا بعملها حلوه اوى ولا النسكافيه كمان... انت بتضحك عليا تانى ، طب افتح الباب بقا لرمى نفسى من البلكونه واجبلك مصيبه
_تشربى نسكافيه؟
_بتهزر! انت جايبلى نسكافيه كمان؟
_اه جايبلك علبه جوا!
ابتسمت _شكرا يا حسن انت جميل اوى
_مش أجمل منك !
