-دا سيف وصل اهو تعالى ياحبيبي شوف مين عندنا
-معلش ياماما تعبان وعايز انام
-طب سلم عَل بنت عمك وخطيبتك يعني
-حاضر ياماما
-ازيك ياسيف
-الحمدلله ياريم وانتي
-الحمدلله اتصلت عليك قبل مانزل تلفونك مغلق ف قلقت جيت اطمن عليك
-طب مَش اطمنتي يلا مع السلامه
بصتله بصدمه واحراج امه اتكلمت
-سيف ايه الي بتقوله دا انت مجنون عيب كدا
دموع ريم نزلت -طب هستأذن انا ياطنط
-استني عندك انا نازل اوصلك
-لاء شكراً
-قولت كلمه ومش هتنيها وباس راس امه ونزلوا
ف السياره
-سيف هو انا عملت حاجة وحشه؟
-مش مهم ياريم وانا مش حابب اتكلم دلوقت
-طب مَش احنا بنحب بعض من واحنا صغيرين ليه النهارده متغير اول مره تعاملني كدا واتفقنا لو في حاجة بتشاركها مع بعض
صوته علي-قولت مَش وقته ياريم مابتفهميش
عيطت-خلاص اسفه
وصل عند بيتها قبل ماتنزل
-مَش عايزك تزعلي مني ياريم معلش حقك عليا
-ولا يهمك ياسيف انا مقدره تصبح عَل خير
-وانتي من اهل الخير يارب
وراحت لبيتها وسيف لبيته
-عايزه اعرف بقا ينفع الي عملته مع ريم دا انت اول مره تبقى معاها بالشكل دا
-امي ارجوكي مَش قادر اتكلم
-طيب مالك ياسيف عينك فيها حاجة مزعلاك قولي انا اكتر واحده هتفهمك
دموعه نزلت -انا انا مستحيل ابقى اب يا امي
شهقت-سيف!ايه الي بتقوله دا انت لسه متجوزتش وايه خلاص دخلت ف علم الغيب استغفرالله
-لاء ياأمي روحت انا وصحابي يعمل تحاليل قبل مايتجوز ويطمن وانا عملت بالمره لقيت الدكتور قال اني نسبة اني ابقى اب ضعيفه جداً
-طب اهدى يابني والدكتور قال ضعيفه ومفيش حاجة صعبه عَل الي خلقنا
-ونعم بالله بس يا امي مَش عايز اظلم ريم معايا
-يعني عملت كدا معاها عشان تكرهك وتبعد تبقى عبيط دا انتوا مفيش زيكم ف حبكم لبعض معرفش جبتوه منين دا كله ياواد
-ايه يا حجة ماتخمسي يعني
-شوف الواد بقا انا هحسدك دا انتوا نور عينيا بس مينفعش تزعل ريم منك بالشكل دا وانا عارفه مهما يحصل مَش هتكرهك متبقاش قاسي معاها بالشكل دا يابني
