شافته وقلبها دق جامد بقت تشوفه ع فترات بعيده وكل مره تحسه أنه حزين وبيكبر عن سنه رغم أن شوفته بتفرحها لكن حزنه مضايقها جداا وتقول ف سرها "اه لو تعرف مكنش ده حالك وده حالي " كانت حاسه انها كانت تقدر تسعده وطلعه من اكتئابه ده فجاءة ايد بتسحبها كانت شهد صاحبتها بس متعرفش عنه لأنه كان سرها الوحيد ..
_ يلا يا بنتي هنتاخر ع الدرس
= اييه... خلاص يلا
"يومها عدي وهي سرحانه فيه لحد ما روحت وتقريباا مفهمتش حاجه من درسها ....
"مسكت قلمها واكتبت ع كشكولها "بلجاء ف شوفتك للصدف " سمعت صوت مصطفي اخوها وهي بتفكر فيه
حسيت انه هيعرف يطمنها عليه رغم أنها ف العادي مبينه انها مش طايقاه بس من جواها حاجه تانيه راحت اوضت مصطفي ..
_مصطفي
=ايه يا زفته
_هو محمود صاحبك مبقتش اشوفه معاك ليه هو انتم اتخاصمتوه ..
= لا مش متخاصمين ولا حاجه
_امال مبقتش تقف معاه ليه ..هو دخل كلية ايه اصلا
= انت مالك يا ود .. ومن امتي بتسالي ع صحابي !
"ارتبكت جامد ووشها احمر وبداءت تجمع كلام "
_ تصدق انا غلطانه اني بسال ع حاجه تخصك ...مش هو ده اللي كنت بتقول صاحبي واخويا وكان مبيسبكش وانت تعبان واخر مره كان معاك عند الدكتور !!
= انتي بتعيريني ولا ايه .. وبعدين مش ده اللي مكنتيش طايقاه
"ابتسمت عشان فعلا مكنتش طايقاه ودلوقتي مش طايقاه بسبب غيابه "
_ خلاص يا عم مش عايزه اعرف حاجه ..سلام
"عارفه أن اخوها بيجي بالعكس وهيقوله لما هي متبقاش عايزه ...كان دايمااا بيجي يحكي عنه وهي تعمل مضيقه ومش عايزه تسمع فيحكي اكتر وهي تدوب من الفرحه "
= ود
_ عايز ايه
= عايز اخد رايك ف حاجه
_ لا مش عايزه ...انا مشغولة جداا لدرجة مش ورايا حاجة
= بطلي رخامه بقا
_تؤتؤ .
= يبقا هحكي غصب عنك انا اخوكي الكبير وتسمعي كلامي
"بتبرق له ببراءة "
_بتقول غصب ايه
= قصدي هحكيلك غصب عني عشان انتي اختي حبيبتي
_ ايوه كده "بتقولها بانتصار وبتدعي يكون عن محمود كالعاده "
=انا طلعت ندل جداا
_وايه الجديد
=هقوم ع فكره "بان ع وشه أنه مضايق جداا"
_خلاص اسفه والله
= محمود ابوه مات وقبل الامتحانات بتاعت تالته ثانوي ب ٣ شهور وانا معرفش ومسالتش عنه حتي ..كنت شوفتي الفترة دي كنت عامل ازاي مكنش قدامه غير هندسه ومش بفكر غير فيها بس ولما لاقيت غاب كده بعد شهر اتصلت بيه لاقيت تليفونه مقفول ولما سالت أصحابنا قاله نفس الكلام فكبرت دماغي قال ايه عملت اللي عليا وزعلت منه كمان وقولت مش هكلمه اتاريه باع الايفون بتاعه عشان يعرف يصرف ع البيت من تمنه فترة الدراسه وقعد من الدروس كلها ومحدش عرف عنه حاجه من ساعتها بس جاب مجموع زي ما كان أبوه عايز جاب ٩٥٪ بس دخل كلية آداب عشان يعرف يشتغل وقبلته من شهر بالصدفه ف المواصلات مبقتش عارف اضربه عشان معرفنيش ولا احضنه بسبب اللي شافه ..كبر اوي يا ود وربه دقنه والحزن بأين عليه اوي ..حاولت اديلوا فلوس رفض تخيلي بعد ما كان اللي ف جيبي ف جيبه والعكس ..
"كانت بتسمع كلام مصطفي عنه وقلبها يتقطع عليه بس مقدرتش تمسك دموعها بس بينت لاخوها أن من تأثير كلامه مش اكتر بس من جواها كانت حسه انها هي اللي مقصره معا كانت حسه انها تقدر تبقي سند ليه مش حمل "
= طب انتي بتعيطي ليه ده صحبي انا ومعيطش ...
_ عشان معندكش دم
= ربنا يخليكي .. ها اعمل ايه انا حاسس اني واطي اوي يا ود والله و تعرفي معتبنيش بعد كل ده ولا قالي أنه زعلان وقالي "الناس كلها مشاغل يا مصطفي ومحبتش اتعبك معايا خصوصا كنا ف الامتحانات " هو طيب كده فعلا ولا مبقاش شايفني جدع زي الاول ..انا هتجنن يا ود
"بتجمع قوتها كلها وتبتسم وفكرت شويه "
_ بص يا واطي
= هضربك يا زفته انت انا ع اخري ..
_ خلاص يا عم قلبك ابيض ..بص يا عم هتجبلوه هديه حلوة وتعبرله عن اسفك وكل حاجه قلبك ليه وهو هيقدر ده عشان هو عارفك من جواك ..
= تفتكري ؟؟
_ جداااا ❤️
=طب اجبلوا ايه ؟
_ هاتلوا ساعه تكون لونها اسود شيك كده وسكارف عشان استايلوا قمصان كله ف هيليق صدقني !!
= حيلك حيلك ومين هيدفع
"كانت عايزه تقوله انا بس عشان زودتها النهارده جامد ف انها تجيب سيرته "
_ انت مش زعلته ..صالحوا بقا
= تفتكري هتعجبه ؟؟
_جداا ع فكره مش زوقي "ضحكت بس افتكرت أنه حزين ف كشرت فجاءة "
=صحيح انتي عارفتي منين أن استايل محمود قمصان و ايه اللي فكرك بيه ؟
"حسيت باحراج ووشها احمر "
_اييه ....شوفته النهارده بالصدفه وانا رايحها الدرس وبعدين كنت بشوفه لما كان بيجيلك .. ف حاجه يا مصطفي
=لا خلاص .. انا هجيب اللي قولتيلي عليه وابقا اقولك حصل ايه
_ لا مش عايزه اعرف حاجه ومتوجعش دماغي ويلا امشطلعبرا ..
= دي اوضتي !!
_ متقولش الكلام ده قدام حد عشان ميضحكش عليك 😅
= يلا يا بت من هنا
"كان عاملة متماسكه قدام اخوها لكن لما راحت اوضتها محستش بنفسها لاقت الدموع بتنزل لوحدها عليه وازاي ضحي ب حلمه أن يدخل كلية هندسه عشان امه واخواته لحد ما راحت ف النوم ...
..................
"صحيت من النوم نفسها تشوفه جدااا بس تشوفه ازاي بس غير بالصدفه، راحت دروسهاا و باين عليها الحزن والتيجي الصدفه ف المترو بعد مودعت شهد وتقبله جي عليها بيعدل السكارف ع قميصه الاسود ودقنه اللي شكلها جميل فضلت مكانها بتبص عليه وشافها ف بداء يقرب عليها و مقدرش يشيل عنيه من عليها كان شكلها جميل وهي بالخمار الاسود وهي بشرتها بيضه كانت ملفته بس فجاءة هي عيطت لما قرب مسافه وحسيت أنه هيمشي ف لحظها بتعيط لان اصلا عينه متشلتش عنها ... قرب عيطها زاد "
=ود ... بتعيطي ليه
"شكلها حلو اوي وهي بتعيط وعنيها بتقفل و جميلة وهي بتضحك والأجمل لما تكون الضحكه ليا "
........................_
= ف ايه طيب اتكلمي حد ضايقك ،حصلك حاجه ، حد ضايقك
"هي ساكته صوته حلو جدااا وعنيه حلوة قوي من قريب بتهز دماغها بالنفي بس "
= يا بنتي ردي عليا طيب متقلقنيش ..بتعيطي ليه
......................_
= اتصلك ب مصطفي طيب ؟
_ لا
= طب اتكلمي
_ مصطفي حكالي حصل معاك ااايه ....وان باباك مات
"بتقولها وصوتها بيقطع من العياط "
= تقومي تعيطي كده ...
_ مش عارفه بقا
"عايزه تقوله افهم انت بقا "
= خلاص طيب امسحي دموعك دي !!
"ابتسامة ونفذت الأمر كأنه ابوها وهي عيلة صغيرة "
= بس حلوة كتباتك اللي ع صفحتك دي .. انتي مرتبطه ب حد
" ف دماغها بتقوله ايه الغباء ده ود مين اللي ترتبط بحد غير محمود "
_تؤتؤ ... من أمتي ؟
= من اول حاجه كتبتيها لحد امبارح "بلجاء ف شوفتك لصدف "
_عجبتك ؟
"بص ف عينها "
= جدااا ... ود اود تكوني ليا 💙
"ضحكت ووشها احمر زاد جمال وبعدها ارتبكت "
_انا لازم أمشي عشان مصطفي هيزعقلي !
= زوقك حلو ع فكرة عجبتني الساعة والاسكارف
"برقت ف صدمه "
_ ايه ..عرفت منين؟
"ضحك ب عظمة "
= مش انتي بس اللي بتعرفي توقعي مصطفي بالكلام ... عملتها قبلك من اول يوم شوفتك فيه يا ود ...
_ يعني انت ...
= بحبك وقولت لمصطفي والمفروض هياخد رايك ف البيت كمان
_بجد ؟
= اود تكوني ليا "كانت من ضمن كتاباتها "
_ ضحكتله
"اجمل لو كانت ليا 💙"
