-اتأخرتي كده ليه؟
= كنت بلبس واتأخرت عادي كالعادة يعني واي الجديد؟
-طيب يلا يختي عشان منتأخرش عشان المستر ده بيقولوا صعب ومش عايزين نتطرد من أول حصة.
= ايوا بقا يارب ألاقي واحد حلو هناك احبه ونعيش قصة حب عظيمة ونعيش في تبات ونبات ونخلف يوسف وجنات.
-تاني يا ريم السيرة دي مش قولتلك تغضي بصرك وتحفظي عفتك مش أي حد تبصليه ولو بصيتي لحد بالغلط تستغفري عشان مش تشيلي ذنوب
= يوووه بقا مش هنخلص من السيرة دي كل شوية غضي بصرك هو انا روحت كلمتهم؟ ده مُجرد إعجاب.
-مفيش حاجة اسمها كده قال الطبري رحمه الله: يكفوا من نظرهم إلى ما يشتهون النظر إليه، مما قد نهاهم الله عن النظر إليه
قَالَ رَسُولُ اللَّهِ صلى الله عليه وسلم لِعَلِي: يَا عَلِي لاَ تُتْبِعِ النَّظْرَةَ النَّظْرَةَ، فَإِنَّ لَكَ الأُولَى وَلَيْسَتْ لَكَ الآخِرَةُ
وعَنْ جَرِيرٍ قَالَ سَأَلْتُ: رَسُولَ اللَّهِ صلى الله عليه وسلم عَنْ نَظْرَةِ الْفَجْأَةِ، فَقَالَ: اصْرِفْ بَصَرَكَ. رواهما أبو داود.
وأما تعمد نظر المرأة إلى الرجل الأجنبي من غير شهوة أو خوف فتنة، فقد ذهب بعض أهل العلم إلى جوازه، فإن كنت تنظرين إلى أستاذ الجامعة من غير شهوة، فلا بأس بذلك على هذا القول، وراجعي الفتوى رقم: 7997.
والله أعلم.
ها فهمتي ولا أقول تاني؟
=فهمت، استغفر الله العظيم
حبيبتي انا مش عايزة حاجة غير إني أشوفك مبسوطة وتعيشي قصة حب زي م انتي عايزة بس بالحلال، يعني يحارب الدنيا كلها عشانك، مش أي حد وخلاص، مش تتجوزيه لمجرد انه شكله حلو أو مجرد إنه بيقول كلمتين حلوين ربنا وحد عالم بما في نفوس الناس، احنا بس نخلص من السنة دي وندخل الجامعة ونعيش قصة حب جامد أوي.
=ان شاء الله.
"أنا اسمي حبيبة ودي صديقة طفولتي ريم آه هي مجنونة شوية بس قلبها أبيض، مُغرمة بالروايات ونفسها تعيش قصة حب جامد أوي، بس ده مينفعش لعدة أسباب منها اننا في ٣ث واحنا الاتنين علمي يعني لازم نشد حيلنا عشان نجيب مجموع عالي وندخل نفس الكلية، هي مشكلتها انها وحيدة ومحدش بينصحها غيري بس "ولا حياة لمن تنادي"، المهم عدت السنة على خير ودخلنا احنا الاتنين نفس الكلية (كلية الشعب)، بس طول الثانوية كنت بحاول على قد م اقدر اني انصحها عشان تحاول تحفظ عفتها وهي كانت بتحاول لحد م جه يوم كان الفاصل لصداقتنا"
= حبيية الحقيني، فاكرة الولد الحلو اللي قولتلك عليه ابو غمازات ده.
انتي مش هتبطلي قرف بقا ياريم؟
= قرف، أنا قرف يا حبيبة شُـكـراً يا صحبتي، شكراً يا أختي.
ايوه قرف، مش انا قولتلك ١٠٠ مرة متفكريش فيه ولا تبصيله، انا شوفتك وانتي واقفة معاه ومش أنا لوحدي كذا بنت من صحابنا شافوكي وقالولي، هي وصلت بيكي انك تقفي مع شاب أجنبي عنك وتضحكي معاه انتي اتجننتي؟ انا قولتلك ان آخرة عدم غض بصرك هيوديكي ورا الشمس وانتي مسمعتيش كلامي، عجبك كده سيرتك بقت على لسان اللي يسوى واللي ميسواش؟ فين صحبتي المحترمة المتربية العفيفة اللي مكنتش بتخلي حد يقرب منها؟ معقول انتي اتخدعتي فيه لمجرد ان شكله حلو؟
= انتي ازاي تكلميني كده؟ بكره يخطبني واعيش قصة الحب اللي انتي بتتريقي عليها وبكره أوريكي.
لو قربتي من البني آدم ده تاني يبقا تنسيني وتنسي صداقتنا، انتي مسمعتيش عنه من أول يوم جينا فيه الكلية انه بتاع بنات وبيتسلى؟
= لا بس حبني أنا غير كل البنات اللي عرفهم هو قالي كده.
هه! قالك؟ بكره تندمي انك مسمعتيش كلامي، بكره تعرفي انك خسرتيني وخسرتي نفسك الأول، سلااام.
...............
" يارب انت عارف انها طيبة وبتلين وبتقسى بكلمة، يارب ابعدها عن الشخص ده، انا مسامحاها، يارب رجعها ليا من تاني هي روحي ومش عايزة حاجة غير سعادتها، يارب"
" بعد حوالي شهر كنت في كافيتريا الجامعة كنت قاعدة لوحدي لقيت ريم جاية وبتعيط"
-باعك؟
=نرجع؟
-انسي.
=انتي صحبتي.
-وانتي بعتيني.
=انا ندمانة.
-وانا نصحتك بدل المرة عشرة بس الشيطان ضحك عليكي وصورلك الشر في صورة خير، انا عطيتك فرصة وانتي ضيعتيها، فضلتي انسان حقير عني وبعتيني عشانه.
= انا مليش غيرك ممكن نرجع صحاب تاني؟
-لما تثبتيلي انك تستاهلي الفرصة.
=اوعدك اني اتغير، انا مليش غيرك.
-لما اشوف هتعملي اي؟
..............
-ريم بقولك اي؟ شوفتي القمر ده؟
=استغفر الله العظيم، استغفري ربك يا حبيبة وغُضي بصرك
-مفيش حد أصلاً، بس كنت بختبرك.
=" وما كُنا لنهتدي لو أن هدانا الله"
الحمد لله الذي مّن عليّ برفيقة شبهك.
"ويُرسِل الله لنا رسالات على هيئة أشخاص"
اختاروا الصحبة الصالحة، الصحبة اللي تُرشدك لطريق الخير
