" ياربى ايه الزحمه دى انا كان مالى ومال محطة مصر "
_ بطلى نفخ وبرطمه يا رهف
= يا بابا يعنى كان لازم نروح فرح ابن صاحبك دا انت عارف انى بتخنق من الزحمه
_ يا حبيبتى دا صاحب عمرى وياما جاملنى وهتتبسطى اكيد انتى عمرك ما روحتى مرسى مطروح وبطلى رغى بقى وتعالى ورايا
= ونعم الابوة والله تعالى ورايا ويسيبنى ويمشى فى المولد دا يارب اتخطف وما تلاقينى ياحج ... اوتش
- اسف مكنش قصدى
= فتح يا استاذ هى مش نقصاك اصلا
- ما قولت اسف عن اذنك بقى
= مهى ناقصه كمان حد يخبطنى وهو شبه الدولاب كدا اااه يا كتفى يانى
انا رهف لسه متخرجه من كليه السن وفى الاجازة وبابا اصر اننا نسافر مطروح علشان فرح ابن صاحب عمره انا مليش غير بابا بعد وفاة ماما .... انا بحب السفر وكنت هموت واروح مكان فيه بحر بس بتخنق من الزحمه اكتر حاجه بتضايقنى ومش بحب كمان اروح مكان معرفوش انا بتكسف وبخاف اه اجتماعيه وبحب الناس بس بخاف من الناس الى مش عرفاهم طلعت القطر وقعدت جنب بابا وطلعت الروايه بتاعتى اتسلى فيها لحد ما نوصل وفضلت اقرا فيها ونمت شويه وبابا صحانى ونزلنا ولقينا صاحب بابا مستنينا
_ حمد الله على السلامه يا رؤف واحشنى ياراجل
_ وانت كمان والله يا سعيد ... اعرفك بنتى رهف
_ اهلا وسهلا يا بنتى والله وكبرتى واحلويتى
= شكرا اوى ياعمو
_ ربنا يحميكى يا حبيبتى
_ طب مش يلا نتحرك يا سعيد
_ معلش يا رؤف نستنى العريس كان عنده شغل فى مصر وجاى معاكوا فى نفس القطر
_ بجد امال فين
- انا اهو ازيك يا بابا ازيك يا عمى
_ فارس يابنى ما شاء الله كبرت وبقيت راجل
_ ربنا يخليك يا عمى
_ اعرفك يابنى بنتى رهف
= مهو سلم على كتفى يا بابا
- والله اسف انا كنت مستعجل
= حصل خير عريس بردو ولازم نعذرك .... بصلى وقتها بصه غريبه عينه كانت غامضه وملامحه حزينه استغربت اوى بس مهتمتش ومشينا ووصلنا البيت ورحبوا بينا اوى وكان بابا اجر الشقه الى جنبهم لانها كانت فاضيه بس دخلنا قعدنا معاهم وكان فى بنت ملزقه كدا كانت قاعده جنب فارس وكانت العروسه مع الاسف زوقه وحش اوى حاطه كيلو ميكب على وشها وطرحتها يدوبك مغطيه نص شعرها والنص تانى خارج برا دا مش حجاب اصلا دا استهبال كنت تعبانه وعايزة انام اوى وزهقت منها ومن كلامها رغايه جدا وكنت حاسه ان فارس مش طايقها اصلا
= بابا ممكن نستأذن لانى عايزة انام اوى
_ حاضر يا حبيبتى يلا .... بعد اذنك بقى يا سعيد علشان رهف ترتاح شويه
_ ماشى يا رؤف بس هنتعشى سوا ان شاء الله
_ ان شاء الله بعد.اذنكم
= دخلنا وغيرت هدومى ووقفت فى البلكونه شويه كان المنظر يجننن والهوا تحفه كان نفسى انزل اقف قدام البحر بس كنت هموت وانام فقولت اخليها بكره ونمت وبابا صحانى علشان نروح عند عمو سعيد علشان العشا فارس كان عنده اختين مريم ومروة عسل وانا حبيتهم اوى وفضلنا نتكلم ووضبنا السفره وكلنا اتجمعنا وحظى كنت قدام فارس والبنت الملزمقه دى جنبه
= هى مش هتروح ولا ايه
~ سمعتك عالفكرة هما هيتعشوا ويمشوا
= بصراحه مش طيقاها يا مريم
~ ولا انا ولا حتى فارس
= طب ليه هيتجوزها
~ بعدين هحكيك بقى
= ماشى يا سوسه
~ هههههههه اششش بابا هيسمعنا
= خلاص اهو سكت ،،،،، خلصنا وقعدنا مع بعض كلنا وهما مشيوا اخيرا ياربى خنيقه اوى فارس سابنا ودخل البلكونه كان شكله مخنوق اوى فرحه كمان اسبوع فعلا واضح انه مش طايقها بس ايه الى جابره عليها هو صغير علشان حد يجبره يمكن ليه ظروفه يا رهف .... يمكن ،،، روحنا ونمت وصحيت برى اوى وقولت لبابا انى هنزل على البحر نزلت وفضلت اتمشى وابل رجلى فى الميه وكنت فى منتهى السعاده واتخضيت على صوته
- شكلك بتحبى البحر
= جدا بحبه اوى وكنت هموت واجى مكان فيه بحر
- .........
= ساكت ليه
- بسمعك
= انت كمان بتحب البحر
- اه جداااا الوحيد الى بحكيله اسرارى ومش بيدايق منى
= بس ممكن تحكى لأى حد تانى اسرارك وميدايقش بردو
- محدش بقى بيستحمل حد ولا يحب يسمع حد
= لا طبعا فى كتير
- زى مين مثلا
= انا مثلا انا بحب اسمع الناس جدا ويمكن علشان كدا محبوبه اوى ومع ذلك بردو انا رغايه اوى
- يعنى ممكن تسمعينى انا ؟
= احم طبعا لو حابب تتكلم ممكن اسمعك ،،،، سكت وقعد على الرمله وقعدت جنبه بس بعيد شويه
- ......
= عالفكرة صمتك دا فى حد ذاته كلام ومعنديش مانع اسمع صمتك بردو
- انا مخنوق اوى
= من خطيبتك صح ،،، بصلى واتصدم
- عرفتى منين
= باين اوى بصراحه وبعدين محدش يطيقها خطيبتك دى
- ليه بقى
= يابنى ملزقه اوى ومايعه كدا حاجه يع اوى يعنى
- هههههه فعلا
= امال ليه وافقت عليها
- بابا وماما نفسهم يفرحوا بيا وباباها شريك بابا فى شغله وجو جواز المصالح دا
= اسفه فى الى هقوله انت مش صغير ولا محتاج علشان توافق لازم ترفض انت راجل يعنى محدش هيغصبك على حاجه
- انا وافقت عليها علشان زهقت من زنهم خصوصا انى ملقتش بنت تخطف قلبى
= دا مش مبرر يعنى انك تستحمل زنهم ولا انك تتجوز البت الملزقه دى
- هو انتى غيرانه ولا ايه مالك متعصبه كدا
= وانا انا هغير ليه يعنى ان شاء الله وانا مالى انا مش بحب السلبيه بس فكر شويه لسه عندك فرصه
- تعرفى انك بتبقى حلوة اوى وانتى متعصبه وعيونك العسلى دى تجننن فى الشمس
= احم انا لازم اطلع لانى اتاخرت وفكر فى كلامى باى،،، قومت مشيت من قدامى بس نده عليا
- رهف
=......
- شكرا اوى
= العفو عد الجمايل بقى
جريت من قدامه وانا مكسوفه وقلبى بيدق جامد اوى هو بصراحه زى القمر وخسارة فى البت الملزقه دى اوعى يارهف تعشمى قلبك اوعى لالالالا دا هيتجوز اخر الاسبوع هو خاطب يا رهف بلاش هبل كبرت دماغى وطلعت فطرت مع بابا وعدى اليوم ومشفتوش خالص تانى ومريم ومروة جم قعدوا معايا وقالولى انهم زهقانين واتفقنا اننا نعمل احتفال بكره ونرقص ونهيص ومشيوا ودخلت عملت نيسكافيه ودخلت البلكونه كان الجو حلو اوى وفضلت سرحانه لحد ما انتبهت لصوته
- الى يشرب لوحده يزور
= خضتنى يا فارس
- اول مرة تنطقى اسمى مكنتش اعرف انه حلو كدا
= بطل نحنحه ونبى
- هههههههه لسانك طويل اوى
= اه فعلا
- طب هاتى حبة نيسكافيه
= هروح اعملك
- لا انا عايز من بتاعك
= خد بصتلى فيها بطنى هتوجعنى اصلا
- لا عينى مش وحشه متخافيش
= واضح واضح
- كلمينى عن نفسك يا رهف
= انا رهف عندى 22 سنه لسه متخرجه من كلية السن بحب قراية الروايات جدا مجنونة روايات وبحب النوتيلا اوى واممممممم بس
- وبتحبى البحر وبتخافى من الضلمه والادوار العليا وبتخافى من القطط موووت
= ايه دا ايه دا عرفت الفضايح دى منين من بابا اكيد
- فعلا ههههه قالى كل فضايحك
= الحج دايما مسيحلى ونعم الابوه والله
- طب خدى شوية نيسكافيه ومتزعليش
= هات
- ثوانى مش هتقرفى
= لا ليه يعنى
- ......
= سرحت ف ايه
- افتكرت حد عملت معاه كدا ووقتها قالى انا بقرف
= مين الى قالك كدا خطيبتك الملزقه
- انتى قرده عالفكرة
= دى ناس خنيقه ياعم خلى البساط احمدى ونعيش عيشة اهالينا
- تعرفى ان دمك خفيف اوى وشقيه جدا
= اي نووووو
- ههههههههه تعرفى بقالى كتير مضحكتش كدا
= اى خدمه ياعم هات عشه جنيه بقى
- منين يابنتى دا المعلم محبوس وعليه فلوس
= اسلفك طيب
- يا شيخه كفى نفسك بس
= يابنى دا انا اغنى واحده فى بيتنا معاك من جنيه لجنيه ونص
- لا كريمه اوى والله
= لا انا رهف مين كريمه دى
- واحده كدا
= طب يلا ادخل نام بقى علشان صدعت كل دا رغى ايه دا
- بقى كدا طب يلا ادخلى نامى
= تصبح على خير
- وانتى من اهلى يارب
= بصتله وسكت وفضلنا باصين لبعض ،،،،، احم باى
- باى
= دخلت وكنت مبسوطه اوى معرفش ليه بس مبسوطه يالهوى انا عماله اتعلق بيه فوقى يا رهف فوقى وقتها عيطت اوى علشان مينفعش اتعلق بيه هو خاطب وخلاص هيتجوز نمت من كتر العياط وصحيت على صوت بابا بيقولى اننا هنفطر هناك ياربى يعنى هشوفه انا مش قادرة على كدا لا يا رهف انتى قويه روحنا ودخلت المطبخ للبنات علشان اساعدهم
~ صباح الخير يا رورو مال عينك منفخه كدا
= مفيش يا مريم سهرت بس كتير
~ رهف فى حاجه مزعلاكى
= لا ابدا انا كويسه يلا نخرج الاكل ،،، وانا لسه خارجه لقيته فى وشى ومبتسم اوى وشكله زى القمر
- صباح الخير يا رهف
= صباح النور .. بعد اذنك
- استغربت اوى من اسلوبها وعينها المنفخه احنا نايمين مبسوطين ياترا فيها ايه قعدنا ناكل وقعدت قصادى ومكلتش ولا لقمه كانت بتلعب فى الاكل بس قومنا وشيلنا الاكل وشديتها من ايدها لاقرب اوضه قدامى
= انت اتجننت ازاى تمسك ايدى وتشدنى كدا
- مالك من الصبح وانتى مش متظبطه
= انا كويسه ملكش دعوة بيا واياك تمسكنى كدا تانى
- رهااااف اتكلمى معايا عدل انا هادى اه بس لسه مشوفتيش عصبيتى مالك احنا نايمين امبارح كويسين فى ايه وايه الى قلبك كدا
= عيطت اوى ملكش دعوة ملكش دعوة بيا يا اخى
جريت من قدامه وروحت على شقتنا وكنت منهارة معقوله اتشد لحد.بسرعه كدا ازاى بس
_ رهف حبيبتى مالك ايه الى حصل
= بابا خلينا نرجع انا زهقت من هنا
_ ليه يا حبيبتى فى حد زعلك
= قلبى واجعنى يا بابا
_ ليه يا قلب بابا
= مفيش يا بابا هنام شويه بس وهبقى كويسه
حاولت انام معرفتش قومت وعملت نيسكافيه ودخلت البلكونه وفضلت سرحانه كتير
- رهف
= فارس ... بعد اذنك
- رهف استنى عايز اعرف فى ايه ومالك انا زعلتك فى حاجه
= ابدا يا فارس محصلش حاجه
- طب خليكى معايا ... اااا عايز اخد.رايك فى حاجات للفرح لاننا هنعمله هنا على البحر وعايزك تساعدينى ممكن
= غمضت عينى بوجع كمان انا الى هظبطله حاجته ،،، اكيد ممكن اساعدك
- يبقى نتقابل بدرى بقى الصبح
= وخطبتك متعملش حاجتها ليه بنفسها
- نزلت مصر تجيب شوية حاجات نقصاها
= تمام ،،، هو انت مش لابس دبلتك ليه
- عادى بنساها
= امممم طيب
- تعرفى انها وحشتنى
= وحش لما يكلك يا بعيد
- بتقولى ايه
= ولا حاجه انا هنام
- تمام وبكره مهندس الديكور هيجى علشان يظبط كل حاجه ولازم تكونى موجوده
= تمام باى
- باى
= اروح اقتله واخلص الى بيقولى وحشتنى دى ازاى يعنى معقوله يكون حبها بس هو قالى انه مش بيحبها ياربى هموت من الغيرة عااااا هتجننن طب والله لأوريه ويا انا يا هو ولما نشوف بقى مين هيجنن مين
