دخلت محاضرتي لقيت الدكتور لسه مجاش ولقيت محمد قاعد روحتله
_صباح الخير
=صباح النور يا ولاء
عامله ايه
_بقيت كويسه بعد ما شوفتك
=ذاكرتي امبارح
_لا =ليه بقيي
_اصل انت كنت وحشني اووي وكنت بفكر فيك
=ليه هو حد قالك ان اسئله الامتحان هتيجي عليا انا علشان تفكري فيا وتسيبي مذاكرتك
_يا ريت
=يا ريت ايه
_اسئله الامتحان تيجي عليك
هطلع الاولي في الامتحان =طيب اسكتي بقي علشان الدكتور جاه
الدكتور جاه وبدا يشرح وانا مكنتش مركزه معاه كنت طول الوقت باصه على محمد
انا بحب محمد من زمان وقولتله اني بحبه بس انا معرفش هو ليه كل ما اقوله اني بحبه بيتهرب مني بحس ساعات انه بيحبني جداا من خوفه عليا وغيرته لما اتكلم مع زمايلي
وساعات تانيه بحس انه عمره ما حبني من طريقته الباردة دي معايا
بحاول ابعد عنه على قد ما بقدر بس مش بقدر بحس اني بموت لو مكلمتوش او مشوفتوش
انا مش عارفه هو ليه بيعمل معايا كده زهقت من معاملته ليا
كل يوم بدعي ربنا يحنن قلبه عليا لاني تعبت من معاملته دي
المحاضره خلصت وروحنا على الكافيه نشرب قهوه
_محمد
رد عليا وهو بيلعب في التلفون
=امم
_انا عايزه اسالك سؤال
=اتفضلي
_بس عايزاك ترد عليا بصراحه
ساب التلفون من أيده
=في ايه يا ولاء عايزه ايه
_هو انا ليه كل ما اقولك بحبك بتتهرب مني
ممكن تقولي لاني تعبت من التفكير =ولاء الكلام دا مش وقته خالص يلا نروح
_شوفت اهو انت بتتهرب تاني اهو
نفسي اعرف ليه
انت مش مصدق ليه اني بحبك يا محمد
متقوليش الكلام دا مش وقته بعد اذنك
=عايزه تعرفي ليه
حاضر
علشان انا عمري ما هشوفك غير اختي يا ولاء احنا نعرف بعض بقالنا اكتر من ١٤ سنه وانا عمري ما شوفتك غير اختي الصغيره ال بخاف عليها عمري ما اتخيلت اني احبك
ومش عايز احرجك وانتي مصممه انك تقوليلي انك بتحبيني
انا زهقت يا ولاء
علشان خاطري خلينا اخوات واصحاب احسن
بصتله وابتسمت
_حاضر يا محمد وانا اسفه لو دايقتك
عن اذنك انا لازم اروح دلوقتي
=شوفتي يا ولاء انا مكنتش عايز اقولك ليه
اديكي زعلتي اهو وانا مكنتش عايزك تزعلي
_بس انا مش زعلانه يا محمد انا بس تعبانه وعايزه اروح انام
سلام
هشوفك بكره
سيبته ومشيت
_____
كان لازم اعمل كده لو مكنتش قولتلها كده كانت مش هتذاكر وهتسقط انا منكرش اني بحبها ويمكن اكتر من حبها ليا بس ال بيحب حد بيخاف على مستقبله وبيبقي عايز يشوفه احسن حد في الدنيا وهي لو قولتلها اني بحبها مش هتذاكر وهتسقط كده احسن لينا عارف انها هتعذب شويه بس دا علشان مصلحتها واول ما نتخرج هروح اتقدملها علطول
اتصلت بصاحبي اياد وقولتله اني عايز اقابله
_____
سيبته وخرجت برا الجامعه وبدات اعيط عمري ما كنت اتخيل انه يشوفني اخته عمر معاملته معايا ما قالت كده اللمعه ال بشوفها في عينيه لما بكلمه عمرها ما قالت كده انا كنت طول عمري بحبه وكنت بستني اليوم ال نتجوز فيه بس هو قالي انه مش بيحبني وانا لازم ابعد عنه
مهما كان حبي ليه قد ايه طالما هو مش بيحبني مش هذل نفسي قدامه
رنا صاحبتي اتصلت بيا
مسحت دموعي ورديت عليها
_الو يا رنا
:خلصتي محاضرتك
_ااه
انتي هتخلصي امتي
علشان عايزه اتكلم معاكي
:انا اصلا مروحتش المحاضره اياد قالي بلاش
_طيب هتيجي
: انا في بيتك اساسا
انتي فين
_لسه خارجه من الجامعه وجايه اهو :طيب ما تتاخريش
_ماشي
قفلت مع رنا وركبت عربيتي وروحت على البيت وفتحت ودخلت اوضتي
_كان بيت اهلك هو علشان تيجي وتفرحي في اووي كده
:مش قادره اعمل اكل الصراحه فعزمت نفسي انا واياد علشان نتغدا عندكم وطنط تطبخلنا اكله حلو من ايديها
_هو مفيش كرامه : ولا دم وحياتك
المهم قوليلي مالك
صوتك مكانش عاجبني في التلفون
_مفيش كنت مخنوقه شويه عادي
: قوليلي يا لولو يا حبيبتي ايه ال حصل
اتخنقتي انتي ومحمد
_وانتي عرفتي منين
:شكلك مش طبيعي قوليلي ايه ال حصل من غير كدب
حكيت لرنا على ال حصل وال محمد قالهولي
: وبعدين
_وبعدين ايه
:هتعملي ايه
_هبعد عنه ومش هفكر فيه تاني
:يا سلام
هو بمزاجك يا ولاء
هو قلبك دا لعبه هتقدري تتحكمي فيه حب دا ابعد عن دا متفكرش في دا اكره دا لو كان الموضوع كده مكانش حد غلب انتي عمرك ما هتنسي محمد وعمرك ما هتبطلي تفكري فيه
_ يعني عايزاني اعمل ايه يا رنا
اهزق نفسي علشان بحبه يغور الحب لو هتهزق بسبب ال بحبه واتهان انا غاليه على نفسي يا رنا وهفضل غاليه ومش هسمح اني اتهان علشان واحد مش بيفكر فيا ومش بيشوفني غير اخت ليه
انتي عندك حق فعلا انا مش هعرف انساه بس كمان مش هعرف اكون معاه زي الاول
الباب خبط
_ادخل
ماما دخلت
_ايه يا بنات مش هتطلعوا تقعدوا معانا ولا ايه
:جايين اهو يا طنط
_اومال فين اياد يا رنا مجاش معاكي ليه
:جاي بليل يا طنط بعد المحاضره
_ربنا معاكم ويوفقكم يا رب ويقومك بالسلامه
:ادعيلنا والنبي يا طنط علشان عايزه اطلع صافي السنادي
علشان حاملي مع الدراسة صعب جدا وانا خايفه والله
_ان شاء الله هتنجحي يا بنتي ______
اياد خلص محاضرته وجالي الكافيتريا
_عاملت مصيبه ايه تاني
حكاتله على ال حصل
_الله يخربيتك يا شيخ ال انت عمالته دا
=علشان ابعد ولاء عني يا اياد
وبعدين انا اصلا هروح اتقدملها بعد ما نتخرج
_يا سلام وهي ولاء هتوافق كده
مشكلتك انك مش عارف ولاء ولاء اعند من اي حد وكرامتها عندها فوق اي حاجه
مش بسهولة هتسامحك
علي قد ما ولاء بتحبك علي قد ما ممكن تنساك في لحظه علشان ال انت عمالته دا يا محمد
اسمع مني انا ابن عمتها وعارفها اكتر منك
=لو بنت خالك عنيده فانا اعند منها يا اياد
سيبت اياد ومشيت
____
بليل اياد جاه واتغدينا مع بعض قاعدنا مع بعض نضحك ونهزر وبعدين اياد اخد رنا ورواحوا
تاني يوم روحت الجامعة ودخلت المحاضره وروحت قاعدت جمب محمد
_صباح الخير
=صباح النور
_عامل ايه
=الحمد لله
الدكتور جاه
والمحاضره بدات وكنت مركزه في المحاضرة جداا
بعد المحاضره خرجنا
_محمد معلش روح انت اطلبلنا قهوه وانا جايه وراك
=ليه وانتي رايحه فين
_هعمل حاجه وارجعلك
=ماشي بس متتاخريش
سيبت محمد ومشيت
______
روحت اجيب قهوه وفضلت مستنياها ربع ساعة قلقت عليها قومت ادور عليها
فضلت ادور عليها لحد ما لقيتها واقفه مع خالد زميلنا في الجامعة
روحتلهم
=بتعملي ايه عندك يا ولاء
_ازيك يا محمد عامل ايه
=اكيد انا احسن منك
_مفيش يا محمد انا قابلت خالد وواقفت اتكلم معاه شويه
=والله
طيب معلش يا استاذ خالد انا عايز ولاء في موضوع مهم
لو مش هتزعل يعني
_لا ازعل ليه
طيب يا ولاء انا هستناكي في الكافيتريا خلصي وتعاليلي =لا معلش انا هاخد ولاء نتكلم برا الجامعه اصلها تعبانه ومش هتقدر تحضر المحاضره
عن اذنك
شديت ولاء من ايديها وبعدنا عن خالد
_في ايه يا محمد مالك
=ايه ال موقفك مع ال اسمه خالد دا
_نعم
وانت مالك اصلا
=لا مالي ونص كمان
_ايوه ودا ليه =علشان علشان انا اخوكي ال بيخاف عليكي وبيحميكي
_واياد بيعمل ايه
شكلك ناسي ان اياد ابن عمتي واخويا في الرضاعه واكتر واحد ممكن يخاف عليا
ومش من حق اي حد تاني يخاف عليا
عن اذنك
ولاء مشيت
الظاهر ان اياد كان عنده حق
شكلي كده هتعب معاها اووي في الشهرين الجايين دول
بس هنشوف مين فينا ال هيكسب يا لولو
عدا شهر كل يوم القيها واقفه مع ال اسمها خالد ومش بقدر اتكلم
لحد ما قررت اني اعترفلها بحبي
دخلت المحاضره بعد شويه لقيتها جات
_صباح الخير يا محمد
=صباح الفل
عامله ايه انهارده
_الحمد لله
=مالك شكلك تعبانه
_جدااا
منمتش دول الليل اصلا
=ليه كده
_كنت بذاكر
=معقوله
انا اصلا مفتحتش كتاب بقالي كتير
_ليه
دا حتي انت بتحب المذاكره وعايز تطلع من الاوائل
=بسببك
_بسببي انا
ليه هو انا عملت ايه
=طول الليل قاعد بفكر فيكي علشان انتي وحشاني خالص
دا انا حتي كنت هكلمك بليل علشان اسمع صوتك
_افندم؟!
ايه ال انت بتقوله دا يا محمد انت اتهبلت
=اتهبلت علشان بعدتك عني
ولاء انا بحبك و
ولاء قاطعتني
_محمد الكلام دا مش وقته خالص واظن انت بنفسك قولتلي
انك شايفاني اختك
ايه ال غير كلامك
وبعدين احنا عندنا امتحانات كمان شهر واظن بردو الامتحان مش هيجي عني علشان تفكر بيا عن اذنك
سابتني وخرجت من المحاضره
انا عارف يا ولاء هخليكي تسامحيني ازاي
_____
كنت فرحانه اووي لما سمعته بيقولي بحبك
بس كان لازم اعمل فيه نفس ال عاملاه فيا واعذبه شويه
تاني يوم دخلت الجامعه وروحت على المدرج بتاعي فتحت الباب لقيت المدرج كله مليان ورد وبلالين
لقيت محمد دخل المدرج
بصتله
_ايه دا
=ورد احمر وبلالين
_بمناسبه =اني بحبك
_للاسف احنا اخوات
سيبته وخرجت من المدرج وروحت الكافيتريا
لقيت الارض كلها مليانه ورد ولقيت يافطه كبيرة مكتوب عليها
محمد بيحبك يا ولاء
عمركم ما هتكونوا اخوات
محمد جالي
_اووف
انت مش هتسكت بقي ولا ايه
=لسه اخوات
_اممم
=طيب بحبك
_لا
=وحشتيني
بصتله وضحكت
=اييه
_اييه
=قوليلي بحبك
_مستحيل
=وحياه محمد عندك
_لااا
=طيب تعرفي اني مذاكرتش امبارح خالص
_ولا انا
=ليه بقي
ضحكت
_كنت بفكر فيك 💓💓
