* "قُدرَ لِقلوبنا التلاقي بعد تَشتتٍ وافتراقْ"..!♡
سلسبيل ا...
- عارفه عارفه بصي بس من غير نقاش كده..
-*أيوه!!
-مرفووض
*ليه!؟
-وكماان بتسألي ليه يعني مش كفايه العريس لا بتسألي ليه!! أقولك أنا لسه بدرس ومخلصتش بس في سبب ممكن يخلينا أتجاوز دول وأوافق
*إي؟!
-هو إسمه إي؟!
*أ...
-باااس بااس يعني مش كفايه عريس وأنا مخلصتش تعليمي لأ جيبنلي خاازوق وبتسألو برفض ليييه..بصو أي حد غير آدم أنا مش موافقه
*يبنتي آدم ده مش موجود أصلا ده ف قصصك بس!!
-إيييه كمان مش موجود يعني جايبين عريس وكمان خازوق وبتسألو برفض ليه وكماان تقولو آدم مش موجود لا إلا دي إنتو بتغلطو فيا جاامد أوي... ومش موافقه بردو..!
*إنتي مش عندك إمتحان بكره قومي ذاكري؟!
-هو أنا قولت مش موافقه!!
*آه!
-لا دي غلطه مطبعيه وأستاهل ضرب الشبشب عشان غلطاتي بقت كتير أنا بقول أنا مش نافعه ف التعليم جوزوني أحسن
*ربنا يهديكي أو يهدك أيهما أقرب
-سيد عيب دا انتي ماما يعني مينفعش تدعي عليا
*خلاص ربنا يهديكي يا سلسبيل روحي اتنيلي
*
*-طب هطير أنا أذاكر بقا
*.........................
*سلسبيل: وعليكم السلام.. انتي بتغفليني وبتذاكري متتكسفيش قولي انك بتغفليني وبتذاكري
*أماني: والله لسه ماسكه الزفت بحاول أفهم
*سلسبيل: غوري طب عشان منسقطش وهحاول ألم الباب كده ولو في حاجه وقفت معايا هكلمك
*أماني: اشطاا
*.......................
*تاني يوم بعد الإمتحان
*سلسبيل: كان امتحان زي الدكتور بتاعه.. حليتي إزاي ابت انتي خلصتي بدري
*أماني: أصل زين جارنا شرحلي
*سلسبيل بخبث: زين آااه
*أماني: إي البصه دي؟! ف اي؟!
*سلسبيل بمكر: لا ولا حاجه وهو شرحلك ازاي يا عسل؟!
*أماني بضحك: أمه جت عندنا وماما قالت اني مش عارفه اذاكر الباب فمامته بعتته بس كده وانا مرضتش احرجهم بس كده
*سلسبيل بسخريه: انت هتقوليلي!
*أماني: يخربيت شكلك مش هتسكتي... إستني إي النوتس دي؟!
*سلسبيل: آااه دي بشغبط فيها كده
*أماني بخبث: بتشغبطي! ولا بتكتبي لسي آدم الخيالي بتاعك!!؟
*سلسبيل: بت بت انتي كلتي دماغي وانا مش فضيالك.. يلا نروح
*أماني بضحك: يلا يختي يلا
*...............
*تاني يوم مكنش عندهم محاضرات ف
*أماني بتكلم سلسبيل ف الفون: بت قوليلي آدم بتاعك ده صفاته إي... إرغي عشان الملل
*سلسبيل: إممم عيونه خضره
*أماني: وه! وإي تاني؟!
*سلسبيل: بصي شاب فتنس كده!
*أماني: فتنس؟!!
*سلسبيل: إممم يعني بعضلات وطويل
*أماني: سقف الطموحات ف السما إيه تاني إشجيني؟!
*سلسبيل: واثق ف نفسه كده عنده برود جليد وبكون بيتعصب بسرعه وباد بوي محترم بيصلي
*أماني: أنا فين أنا مين؟! هو انا ليه حاسه إن الجملة الأخيره متناقضه منين برود ومنين بيتعصب منين باد من انهو حته محترم!!
*سلسبيل: لا دي حاجه يصعب شرحها
*أماني: طب روحي نامي واتغطي كويس
*سلسبيل بملامح خبيثه: إي أخبار زين؟!
*أماني بتوتر: زين.. زين مين؟!
*سلسبيل بمكر: هو في عشروميت زين!!
*أماني: آااه زين جارنا كو... أقصد معرفش
*سلسبيل بمكر: اشطا صدقتك
*أماني: بت غوري مش نقصاكي
*سلسبيل بمكر: زين مزعلك ف اي يقمر؟؟!
*أماني: هشتم أنا ماسكه لساني بالعافية سلام
*سلسبيل: أم... يلهوي دي قفلت ف وشي ونعم الصحاب الصحاااب ماتت
**إنتي بتكلمي نفسك؟!
*سلسبيل: آه يا ماما بنتك مجنونه عادي
*عوض عليا عوض الصابرين ياارب..
*وقفلت الباب وطلعت
*سلسبيل بإستغراب: إي الناس دول ؟!
*............
*تاني يوم الصبح
*سلسبيل ماسكه الروايه و بتقرأ فيها وهي مستنيه أماني
*: إحمم الروايات ممله مش كدا؟!
*سلسبيل بصت لقت حد حاطط إيده ف جيبه ومبتسم إبتسامه جانبيه وبعدين غضت بصرها وبصت ف الأرض واتحركت خطوتين بعيد عنه وسندت ع الحيطه وراها وفتحت تقرأ تاني
*: ع فكره أنا بكلمك؟!
*سلسبيل: ع فكره وانا مردتش عليك يبقي تحط كوتشي ف بؤك وتسكت ومتكلمش
*بصلها وعيونه واسعه من أثر الصدمه: ع فكر...
*سلسبيل: إنت عبيط يبني قولتلك متكلمش معايا وبردو بتكلم لو إنت بتفهم بالمتشقلب قولي عشان ابقي عارفه... عيال ملزقه اووف
*ومشت بعصبيه
*وهي ماشيه خبطت ف حد:أنا آسفه
*ولسه بتبص لقت...
*سلسبيل:يا فرده شراب كل ده تأخير
*أماني: كنت جعانه طب أمشي من غير م آكل
*سلسبيل:لا وده ينفع؟!
*أماني:متنرفزه ليه؟
*سلسبيل بصتلها وسكتت
*أماني:إممم طب يلا لما تهدي قوليلي
*.........
*بعد ما خلصوا المحاضرات
*سلسبيل:دكتور رزل رزاله ارزل من دكتور نجوي
*أماني:كنتي متنرفزه من إي الصبح؟!
*سلسبيل: عيل مستفز بيغلط ف الروايات وده اللي لا يمكن أسمح بيه
*أماني بصدمه: يعني مش عشان بيرزل عليكي تؤ تؤ عشان بيغلط ف الروايات بني آدمه بعقل بقره
*سلسبيل: ثانكس يا بيبي يلا نروح
*أماني بتريقه: ثانكس يا بيبي نينينينينينيني
*وضحكوا هما الاتنين مع بعض
*..........
*الساعه 12 منتصف الليل فون سلسبيل بيرن
*سلسبيل بنوم: ألوو
*:....
*سلسبيل بصدمه: يبنتي انتي غبيه انتي مقوماني من الزفت عشان تقوليلي إن زين إتقدملك ربنا ينتقم منك يا بعيده... بس عارفه كنت عارفه والله
*أماني: بت مينفعش أبان مدلوقه كده
*سلسبيل وهي بتبص لضوافرها وبتلعب فيهم : يبقي نعمل خطه
*أماني: يا خووفي منك
*سلسبيل: وإذا ذُكرت الثقه اقترنت بإسمي يا ماما عيب عليكي
*أماني: قولي
*سلسبيل: خطه بسيطه قولي مش موافقه وصممي وبعدين لما يزهق يخطب واحده تانيه عشان حضرتك مش عايزه تباني مدلوقه
*أماني بصدمه: إنتي عبييييطه يا بت إنتي؟!
*سلسبيل بهدوء وبرود: إنتي اللي هبله قال مش عايزه أبان مدلوقه قال... إنتي طول عمرك مدلوقه يا روحي مجتش ع المرادي سلام ومتتصليش بيا عشان هنام... تصبحي ع خير
*وقفلت الخط وقالت بسخريه
*:قال مش عايزه تبان مدلوقه داهو واقع وهي واقعه...
