- أية دول؟
- إمسكي معايا بسرعة انتي لسه هتنحي، ها عِدي باروكة، لبس رجالي، حظاظات بالهبل، ساعات رجالي، برفيم رجالي، كوتشي شبه رجالي، شنط باك، هيد فون، كدا تمام ولا ناقص حاجة؟
- أية دا كله! اية هتجيبي هدية للكراش؟
- لا دول ليا أنا
- ليكي!
- لبسي من النهاردة
- نعم !!
- إفهمي يادنيا، هو مش عاوز يتعرف عليا علشان مبيخطلتش بالبنات صح او بمعني اصح ميعرفش حتي إني صاحبة أخته ولا يعرف إني عارفة أدق تفاصيل حياته.
- اه
- ولا يعرف إني عايشة أهتم بالي يحبه وأكره الي بيكرهه.
- دا من هبلك، وبعدين؟
- ولا حتي يعرفني أنا شخصيًا، يمكن لمحني مرة أو أتنين في الشارع بس الاكيد إنه ميعرفنيش
- جميل
- طب لو أنا كنت ولد؟ لا ومعاه في نفس الكلية وفي نفس القسم؟
- كان اتع..أية!! انتي بتفكري في أية؟
- في الي جيه في بالك بالظبط
- رحمه انتي اتجننتي، يستحيل دا يحصل
- إسمعي بقي، هو شهر واحد هحضر معاه المحاضرات وكدا كدا كليته كلية نظري وأنا هذاكر هنا في البيت علشان كليتي، شهر واحد بس وهختفي من حياته كلها
- انتي مجنونة و أنا لا يمكن اسمحلك بالهبل دا.
- ها أية رأيك في شكلي؟
- شيل بس إيدك من وسطك يا أبو الرجولة
عدلت وقفتي - أحم، ها أنفع؟
- ادي دقني اهي وربنا لتتكشفي من اول ٣٠ ثانية
- متقفليهاش في وشي بقي
طب أعملها إزاي يعني؟ اروح اقعد جنبه ؟
آية دا هشقطه يعني! ركزي انتي ولد انتي ولد
احية ازاي أنتي وولد في جملة واحدة!
ايوا الولاد بيتعرفوا علي بعض إزاي يعني؟ اوف منك يا رحمه كان لازم أدرس أبعاد الموضوع من كل الزوايا قبل المغامرة الملحمية دي
- هاي
- نعم!
مش دي يا خايبة، فيه ولد في الدنيا بيقول هاي لصاحبه!
مديت إيدي وحاولت أشد دراعي بقوة - أنا يزيد
مد إيده ومسك إيدي - عاشت الاسامي وأنا زين.
سألني فجأة - أنت جديد هنا في القسم يا يزيد؟
- ها! اه أنا كنت في جامعة المنصورة ولسه ناقل القاهرة من اسبوعين بس.
- لا حمدالله علي سلامتك
- الله يسلمك
بصلي بإستغراب خوفني - مالك يا صاحبي حاسك مش علي بعضك
- لا لا أنا تمام، تعبان بس شوية، أنا مروح أشوفك بكرا.
خرجت من المحاضرة وحاولت امشي بهدوء ومجريش زي الهبلة، أو سوري الأهبل في الشارع، ركبت عربيتي وروحت لعمو أمين الترزي.
- عملتي الي في دماغك يا رحمة؟
بصتله بإحباط - أية رحمة دي ! للدرجادي الرجولة مش لاقيه عليا ؟
- بعيونك الخضرا دي؟ لا مش نافع
- ياربي، دا أنا اتعرفت عليه النهاردة
- وعرفك؟
حكيتله الي حصل فضحك بصوت عالي
- كنتي جريتي في الشارع وحضنتني شنطتي ودورتي حوالين نفسك بالمرة
- أية دا ! انا فعلا كنت هعمل كدا
- علشان يقولوا عليكي متوحدة
ضحكت - كان هيبقي شكلي ملفت اوي لو فعلا كنت ولد وعملت كدا
- جيه في بالي خيالات تانية
- عم أمين ! قدر إني بنت
- ما المصيبة انك انتي الي مش مقدره أبعاد الموضوع
مسكت خيارة وقلعت الباروكه - ماهو بختي النحس
- طب خليني معاكي للأخر، دلوقتي قربتي منه
- حلو
- وشاركيته اهتماماته
- جميل
- وبقيتي اكتر من صاحب
- عظيم
- وبعدين ؟
- بعدين أية؟
- الخطوة الي بعدها، هتعملي أية يعني؟ هتقلعي بروكتك في يوم من الأيام وتقولي صاحبك الي حبيته دا بنت ! هتبرري إزاي ؟
