#اسكريبت
تالياا:هتجنن واعرف مين بيبعتلي الماسدجات دي؟
هنا: ايوا يا عم..يابختك
تاليا: يابختي ايه بس؟! انا هتجنن احساس يضايق انك تبقي مش عارفة مين اللي بيبعت..
هنا: ياستي كراش سري
تاليا: كراش اي!! تلاقيه حد مستفز بيتسلي
*المنبه بيرن* (6.00 A.M)
بتفتح الفون
ماسدج مجهولة(نفس الميعاد): صباح الفل💙انهاردة رابع يوم ليكي ف الكلية..بتمني ان يكون يوم خفيف عليكي وزي القمر زيك🌸
(ابتسمت بهدوء) وقامت من السرير
-صباح الورد يا مامتي
=صباح النور ياحبيبتي..عقبال ماتاخدي شاور وتصلي اكون خلصت الفطار
-يا ماما قولتلك قبل كدة ماتتعبيش نفسك انا هجهز كل حاجة..
=مافيهاش حاجة ياتاليا انا بعمل اللي بقدر عليه
-ربنا يديكي الصحة يا ست الكل
*البس اي..البس ايي؟!
البس الفستان الاسود..ولا الكاشمير؟!
لا لا الاوف وايت احلي ولا الموڤ..لا خلاص الاوف وايت
=يلا يابنتي هتتأخري..ساعتين قدام الدولاب؟
-لا يا ماما هي ساعة ونص بس دايما ظالماني كدة
=ههه..انا عارفة مش هخلص من كلامك
رجعت البيت...واليوم عدي طبيعي زي اي يوم
*تاني يوم*
((6.00 A.M ))
تاليا بتفتح الفون
ماسدج مجهولة: صباح الفل💙...فستان امبارح كان حلو بس الكاشمير كان احلي عشان اوسع وكنتي فيه قمر..
تاليا: اي ده؟! نفسي اعرف مين؟ وعرف منين الوان فساتيني... وبيشوفني فين؟ وهو ماله اصلا..طيب هلبس الاوف وايت كل يوم بقي عِند فيه الشخص الرخم ده
~واقفة حيرانة كالعادة قدام الدولاب...لاقيتني لا اردايا بخرج الكاشمير..اي ده؟! لا لاااا مش هلبسه...هلبس الاوف وايت عِند بقي...بس الكاشمير فعلا اوسع واحلي خلاص هلبسه..
راجعة من الجامعة لاقيت ع باب الشقة..بوكس هدايا مكتوب عليه تاليا ، استغربت جدا..فتحته لاقيت فستان شبه الكاشمير وواسع زيه بس احلي ولونه باوف وايت..استغربت جدا ومكتوب عليه اسمي!!
دخلت الشقة وريحت شوية واتغديت..دخلت اوضتي واليوم خلص
6.00 A.M
*الماسدج اليوميه المجهولة:الفستان ده هدية صغننة كدة عشان بتسمعي الكلام فرحت بيكي..ماتلبسيش الاول بقي..
طبعا اي حد مكاني هيقول ياااه اي الجمال ده والرومانسية دي وجو الروايات اللي واكل دماغكم ده..الحقيقة بقي اني كنت مخنوقة..لاني مش عارفة كل ده من مين..يعني لو شوفت الشخص ده هرمي الهدية في وشه..مش بقبل اصلا هداية من حد غريب..بس اشوفه فين يا ربي!!
تاليا: انا مضايقة بجد يا هنا
هنا:انا مش فاهمة اي اللي مزعلك..حد لاقي الجمال ده بس
تاليا: مهو المشكلة انا مش عارفة من مين ده كله..
هنا: ههه رومانسية بلاا هدف
تاليا: ها؟
هنا: هاا اي ده انت مش في الدنيا خالص..وتقوليلي زعلانة؟ ده انتي سرحانة
تاليا: سرحانة في الهزار اللي بيحصل..اي شغل الالغاز ده بس!!...ما يقول هو مين؟
ياانسة بعد اذنك ممكن نقعد في الكافتيريا نشرب حاجة وانقل كشكول المحاضرات منك؟
=هو زمايل حضرتك الولاد اللي كنت واقف معاهم مش معاهم كشاكيل محاضرات؟ولا الجامعة كلها مافيهاش حد...
-احم جبهتي طارت
"ابتسمت بداخلها ولكن اظهرت العكس واخذت تنظر بلا مبالاه"
=ع العموم هديهولك المرة دي تصوره بسرعة..لاني لازم امشي.. لاني عمري ما رفضت مساعدة حد..بس كنت بعرفك اني مش عبيطة بس
-مهو بصراحة انا كنت عاوز اتكلم معاكي بس عشان انتي دايما بتكسفي اي ولد يكلمك
=عشان بيكلموا بعدم احترام..بغرض التسالي واللعب بقلوب البنات..وانا عمري ماهسمح لحد بكدة يا كابتن
-والله انا عمري ما فكرت كدة اني اتسلي ولا الكلام الفاضي ده..يمكن فيه كدة كتير بس مش كله..صدقيني..وعلي فكرة انا بحب شخصيتك دي ولما بشوف انك بتكسفي اي حد يفكر بس انه يتجاوز حدوده معاكي بفرح اوي بيكي ولما بشوفك كمان لابسة الفستان الكااااا...اوبااا....هو فين الكشكول؟؟!
=استني..استني بس كشكول اي؟؟..هو انت بتاع الفستان الاوف وايت؟..بتاع الماسدجات ؟
-امممم انا..وقعت في الكلام..لا ومش اي واقعة..بصي م الاخر حبيتك..بس ماكانش فيه فرصة مناسبة ولا كان عندي الشجاعة اني اقولك
-ليه هااكلك يعني؟!
=حاجة زي كدة..رغم انك رقيقة وهادية بس كنت بحسك كدة بطل يعني
-بطل؟ انت مش محترم اصلا
=اسف والله اقصد جامدة كدة وحش
-مش بقولك مش محترم..
(بنرفزة)=ياستي اهدي بقي اهدي افهمك..اقصد محترمة ومش بتدي فرصة لحد
(ابتسمت بخجل)- امممم اذا كان كدة ماشي..سوري لو اتعصبت شوية
=شوية اي بس ونيلة اي ياشيخة..ده الله يكون في عوني
-عونك؟ ليه بقي ان شاء الله
=فكك مش مهم..ماعلينا فين الكشكول؟ هصوره بسرعة
-اهو..
*بعد مرور اسبوع*
ماسدج من مجهول بس دلوقتي اصبح معلوم طبعاا واصبح كريم:
صباح الفل💙..بما ان انهاردة الجمعة احب اعرفك ان مافيش كلية وان النهاردة اجازة..استعدي بقي
"الله علي معلوماته الفظيعة..انهاردة الجمعة؟ وكمان اجازة؟! ابقي سلملي ع حمادة هلال يا كريم والصحبة الكريمة..شكله اتجنن..واستعد اي؟ اكيد هيعمل مصيبة اروح فين بس ياربي
-اي يا جماعة بتعملوا اي قالبين الشقة كدة ليه؟
=بنضف مانضفش الشقة يعني؟
-اساعدكم طيب؟
=اه تعالي
-لااا؟! ااوكي هروح انام تاني
(الام)=البت دي هبلة ولا اي اندهوهالي عشان تساعدنا قبل مالناس يجوا وكمان تجهز
(زياد اخوها)-مانقولها يا ماما..هي دي حاجة تستخبي؟
(سلوي الام)=مهو كريم اللي صمم اني مااقولهاش..قال اي مفاجأة بلاا وجع قلب
(تسنيم اختهااا):الله ع الرومانسية ياااه
زياد: طب اسكتي بدل ماامد ايدي عليكي
تسنيم: هو انا اتكلمت ده انت شخص رخم
سلوي:اتخانقوا قدامي لحد ما الناس يوصلوا
*What's app message*
-من رقم غريب-
"انا عندي لعينيكي كلاام محدش غيري في الدنيا يقولوا في يوم من الاياام ليكي او لنااس تانيه..ولو كل الكلام اتقال عينيكي في غربتي موال..هخلق منه معني جديد معني فاق كل الخياال"
الاغنية اللي انا بحبهاا وده الكوبليه المفضل لياا كمان...سرحت مع الكلمات وانا بقرأها
قطع اندماجي صوت الباب ولاقيت تسنيم جاية الاوضة جري وبتقولي جهزتي يا تاليا؟
تاليا:هو مين برا يا تسنيم؟
تسنيم:ناس مهمة جدااا بالنسبالك..البسي احلي حاجة واخرجي
"لبست فعلا احلي حاجة وخرجت"
اللي عملت حسابه لاقيته...مش قولت
اكيد عامل مصيبه
-يابني حد يتقدم لحد من غير مايعرفه كدة؟
=يابنتي...حد يقابل حد في بيته بقلة ذوق كدة..؟
-افرض مكناش عاملين حسابك في الجاتوه مثلاا..العصير ع قدنا بس
=جاتوه اي وعصير اي؟ ششش اسكتي..المهم شوفتي الاغنيه ع الواتس؟
-اه دي الاغنية اللي بحبها جدا
=عارف طبعا
-انت كمان بتحبها؟
=لاا خالص
-اومال؟
=بحبك انتي 💙
