AICE’S POINT OF VIEW
Pasukan na naman! Bagong lipat na naman ako ng school. Anak ng tupa naman oh!
Ayos na dun sa dati kong school tapos ‘yung isa kong kaklaseng babae pagbintangan ba naman akong gumagamit ng droga?! Punyeta! Hindi ko nga alam itsura no’n, gumamit pa kaya? Sa sobrang inis ko ayun nasa ospital, comatose... Hehehe!
Bad ko ba?
Kaya ayun napalipat ako sa school na ‘to. Sayang din yung gang ko sa dati kong school... Kainis!
Tama po ang basa niyo, may gang po ako. Likas sa mga Hernandez ang pagkakaroon ng gang. Siyempre mana ako sa mga kuya ko... Hehehe.
“Aiceee! Bumababa ka na dyan! Aalis na tayo!” sigaw ni Kuya Cooler.
“Bababa na!” sigaw ko pabalik.
Inayos ko muna ang necktie ng bago kong uniform bago ako bumaba.
Simple lang ang uniform ng bago kong school na papasukan. Maroon na pleated skirt na two inches above the knees, white long sleeve na pinatungnan ng maroon na blaizer at pulang necktie.
“Oh! Aga aga nakabusangot ‘yang mukha mo! Lalo kang papangit niyan!” asar ni Kuya Ice sa akin ng makababa ako.
Sama ng ugali ng mga kuya ko ‘no?
“Wow ha? Hiyang hiya naman ako sa’yo? Kahit hindi bumasangot ‘yang mukha mo, para pa rin ‘yang pang biyernes Santo!” sarkastikong sabi ko sa kaniya. Sinamaan niya ako ng tingin.
Hinding hindi ka mananalo sa ‘kin, kuya!
Akmang babatukan niya ako pero naunahan siya ni Kuya Cooler.
“Aray! Ano ba?! Bakit kailangang mambatok pa?!” sigaw ni Kuya Ice.
Nadali mo bro!
“Tigilan niyo na nga ‘yan! Tara na baka malate pa kayo!” sabi niya sa amin at naglakad palabas. “Oh ano pang tinatanga tanga niyo diyan? Dalian niyo na late na ako sa meeting ko!!”
Ayy! Harsh naman ni Koler!
“Aalis na nga lang dami pang sinsabi,” bulong ko pero halatang narinig ‘yun ni kuya.
Masamang tingin ang ipinukol niya sa akin.
“Kuya, baon ko,” nakangiting sabi ko sa kanya.
“‘Yan diyan ka magaling! Pagbaon ‘di mo makalimutan,” singhal niya sa akin. “Ayusin mo lang ‘yang pag aaral mo! Tatamaan ka talaga sa ‘kin ‘pag may ginawa ka na namang kalokohan!”
“Grabe naman, kuya, good girl na kaya ako,” sagot ko.
“Good girl, good girl. Magtino ka!” Sabay abot sa akin ng kulay asul na papel.
BINABASA MO ANG
Binibini ng Daisy:Ang Section D | ✓
Teen FictionSection D, isang section na puro lalaki, magulo, maingay, puro pala-away. Mga siga at barumbado, pero maasahan mo. Paano kung mapunta ka sa Section'g ito? Aice, isang babaeng madalas nadadawit sa gulo at napapa-away, medyo barumbado, saksakan ng ka...
