فتنة الجزء الأول

5

حلقة 5💔
ليلة تعدات طويييلة على محمود لي كان يسابق في الريح و قدامه طريق أضلم .. طريق زاد قلب عليه المواجع .. كل مرة فكرتو ترجع بيه لسنين تعدت و تجي مبين عنيه صورت زوز صغار تواما يلعبوا و صياحهم قلب الدنيا ..زوز صغار مزالوا مراو شي من الدنيا أما الموت خطفهم بأبشع طريقة ... صغاروا أمير و ليث إلي قبل ميسكر عليهم في قبر دفن قلبو معاهم... و تعدات الليلة أطول على "فتنه" إلي من أول ما تخلقت وجات لدنيا الناس الكل رفضتها.. أولهم بوها لي عذبها في صغرها و بعد لوحها لراجل الوحيد لي جا ودق الباب ... راجل أكبر حتى من بوها... سكارجي و فيه صفات الشيطان الكل زاد تفنن في عذابها.. غصة في حلقها و حرقة في قلبها خلاتها تنقم على روحها ... وقفت قدام المراية و شقت جبتها بقوة و بقت تتأمل في جمالها .. جمال خلاب يسحر أي حد تاقع عنيه عليها.. جمال عذب أمها المرحومة قبلها و يعذب فيها هيا اليوم ... لي يراها من الرجال فمو يتحل طاقة زينها مش عادي سبحان الخلاق.. يقول أكيد تتجيبلي العار و تفضحني و النساء الكل يكرهوها كره العما من الصغرة يقول هذي فاسدة و هما مراو منها شي.. تربت في دشرة صغيرة ناسها قلوبهم حجر صوان.. زادت ميلت راسها و بقات تثبت في تفاصيل بدنها ... عنين كبار لونهم أزرق فاتح مايل للقري bleu -gris ...أشفار كحل طوال و ملفوفين.. فم صغير اما مليان و أحمر و في طرف من فوق بوست خاله .. خدود موردين .. وجه طفولي و بشرة بيضاء ناصعة...شعر أرطب و غزير لونه أكحل ليل كيف حياتها يوصل لآخر الدريار... قدمت شوي من المراية و حطت يدها على شفايفها المفلوقين و لي متبنن منهم حد.. عدت يدها على رقبتها و بعد على صدرها .. صدر أبيض معبي و واقف ... هبطت يدها على فخذها و كبست بقوة و قهرر .. فخذ مسقول و مغري... فخذ عذري لحد الآن برغم إنها معرسة ليها عامين ... معرسة براجل عمره 60 سنة و هي لي في عز العطاء .. بنت 19 عام ...
#ريما