حلقة 22
حكاية فتنة غريبة ياسر و متخطر على بال حد .. أصل كان ما جاتشال حفصية هي لي حكاتها و هو حضر على جزء منها مستحييييل كان يصدقها ... حكاية توقف المخ أما تحمم القلب ... حس إنها الدنيا مكنتش عادلا معاها و عطاتها بالضهر و قست عليها أكثر من اللازم ..تنهد و شعل سيقارو ... جبد جبدة طويلة منو .. وحك لحتو بتوتر ... لفت راسو يمين و يسار يشوف في الضلام داير بيه ... قدم قعد فوق الكنبي و سند راسو لتلي و غرق من جديد في التخمام ... متردد مش عارف يعمل لي قتلو عليه حفصية ولا لا !!! ... الحكاية مستصعبها ... جاتو حكايا حولة و أندرا كفاش ... هو من الصغرة تربا على الرجلة و تعلم مليح مليح ميتعداش على حدود الرجال .. حتى لو كان صلاح الواطي ... فما حاجة في كلام حفصية مش مفهومة .. فما حلقة ناقصة لازم يعرفها ... حس روحو حكاية فتنة تعنيه و هو جزء منها .. لازم يعرف الحكاية كاملة ... لازم في أقرب فرصة يحكي معاها.. أصل هو لازمو يرجع لتونس عندو إجتماع مهم اكيد راهي الشركة محروبة و قالبين عليه دنيا ... حس مخو تحرق قال نمشي نرقد و الصباح رباح...
طلع الدروج متوجه لبيتو ... لمح ضو بيتها يشعل ... قدم ناحيت بابها من غير ميفكر مرتين و دقدق عليه ... هذي خصلة من خصلات محمود المميزة و هي قلت الصبر هههه ... كيف يحط حاجة في بالو يطبقها طول .. من غير ما يخمم لا في مكان و لا في زمان ... فتنة كانت فايقة ... وجايع بدنها مش مخليتها ترقد ... لابسة سوتيان و سليب برك خاطر مش حاملة حتى حكاية على بدنها ... ضرب السبتة متع صلاح هرالها بدنها الحاصل ... لفت روحها بملحة خفيفة دوب حطتها حطان على بدنها .. فرقت شعرها و فردتو لقدام باش تغطي بيه صدرها أكثر و قالت بصوت رقيق "أدخل"... محمود دخل حاطط يدية في مكتوبو ... يقدم من الفرش بمشية كلها رجولة و شموخ ... فتنة مسكينة مش قادرة ترفع راسها من الحشمة و تخزرلو عكس محمود لي قرب منها أكثر و قاعد يتفحص في بدنها بالقطعة بالقطعة ... من اليوم هو متأكد إنو فتنة بنسبة ليه مغناطيس ...
- تحسنت تو ؟
يا ربي حتى من صوتو يدل على رجولة!!! صوت خشين و ثابت
- إيه ... حم .. حم..حمد الله ... هههه حتى الكلام هرب عليها !! حاشمة عالأخر من الموقف لي هي فيه .. بالزهر وين يراها يلقاها شبه عريانة !!! "ههههه الله غالب يا فتنة وخيتي زهرك بالإنحراف" .. محمود ثبت فيها لقاها تخزر لصدرها الباين و تغطي فيه .. فهمها طول فاش تخمم و ضحك على حشمتها ...قدم من الفرش قعد على الحرف و شبك يديه ... عطاها بضهر و وجهو متلفت للباب ... محبش يحشمها ...
-
عطاها بضهرو وبدا يحكي
- فتنة أنا مروح ... جيتك الليلة باش نحكي معاك كلمتين .. نحبك تسمعني مليييح ... كلامي هذا أول وآخر مرة باش نقولو ...الوقت ضيق ... خمم و خوذ قرارك و الليلة إعلمني بيه
البنات زعمة شني الحكاية !!!!!
أراكم تهمني💋💋
#ريما
أنت تقرأ
فتنة الجزء الأول
Romanceهذي من أنجح الكرونيكات التونسية فاها رسالة تحفونة برشا تحب توصلها الكاتبة احساس الأبوة #منقولة
