فتنة الجزء الأول

41

الحلقة 41 😍😍😍
هز راسو و شاف حالت الصدمة لي هي فيها ... هههههه ... فمها محلول طاقة و عيونها محلولين على وسعهم ههه .. منضرها ضحكو اما شد روحو بالسيف ... خرج يزرب محبش يضحك قدامها و قبل يسكر الباب قلها
-حضر روحك .... أنا راني منستناش... في يدك 5 دقايق
خرج يلقى لجين تستنا فيه ... من الفرحة ما صبرتش لين تلبسها للا خديجة صباطها ...جت و جابتو في يدها ... ههه
فتنة باقية مصدووووووومة من كلام محمود ... شنو معناها !!! ... يعني هو راها !!!
إيه .. إيه .. لي متعرفوهوش إنو محمود شاف إنعكاس صورت فتنة في بلار الدوش.. كيف شافها ترهوج و حار ... إذا كان فتنة بعيدة ملا شكون لي بين يديه توا ... الشراب مرهوجو أما باقي يحاول يثبت في وجه المرا لي قدامو ... ثبت و لقاها مريم ... صحيح معجبتوش إنو فتنة تجرإت و دخلت لبيتو بدون إستأذان و راتو عريان .. أما حمد ربي مكملش العلاقة ... حمد ربي إنو جبد روحو منها في الدقيقة ال90 ... كان غلط و رقد مع مريم ليلتها عمرو مكان باش يسامح روحو ... كان باش يبقى يلوم في روحو طول العمر...
فتنة كميت الصدمة و الفشلة لي هبطو عليها خلوها حتى متقدرش ترمش عيونها ... بقت كي صنبة شوية وقت و بعد تنطرنت جات واقفة على الفرش و بدت تضرب بشوية في خدها
- يا بهيمة يا فتنة ... يا مسطكة يا فتنة ... يا ناري على تبهليلي وين وصلني ... حطت يديها على صدرها ... ياناري راهو شافني ... يا حشمتك قدامو يا فتنة .. آش باش نقلو .... باش نقلو راني ريتك عريان كيما جابتك أمك !! .. يا ناري و أنا ليش نقلو من اصلو و هو أصل شافني ..
سكتت شوي ... حطط يديها الزوز على جنابها و عوجت راسها .. بقت واثقة كيف التمثال و بعد شهقت فرد شهقة و بدات تنقز و تصفق فوق الفرش بفرحة ... عيونها تملات بالفرحة كيف الصغار ... و شعرها الحرير يتمايل يمين و يسار مع بدنها
- باسني ... باسني ... والله باسني ... أقسم بالله باسني... تنقز و تصفق بديها كيف الصغار .. و بعد حطت يدها على بلاسط البوسة لي تحرق ... بمجرد إنو محمود باسها نساها في كميت الوجيعة لي حستها البارح ... قادر إنو بمجرد بوسة وحدة ينسيها في أخيب مشهد راتو في حياتها ...تنهدت و هبطت بزربة تختار في لبسة مزيانة ... لازم تهبلو ... لبست jupe نوار محزوق على بدنها يوصل لتحت الركبة بشوي ... بودي قري فصللها صدرها المغري ... لبست espadrilles روز بيبي ... و عملت شعرها ضفرة على جنب ... روج روز في شفايفها ... و بنسو فوق عيونها زادهم إغراء ... ساك سبور على جنب روز و رشة برفان و خرجت تطرشق ... لقت محمود يستنا فيها بتبسيمة خبيثة و في يدو لجين ... فرحت بيها عالأخر ... ركبت و حطتها في حجرها ...
و هوا ديمارا الكرهبة بفرحة كبييييييرة ... حس إنو حتى هو ولت عندو عيلة صغيرة .. حتى هو بو و عندو صغير و مسؤول منو...
#ريما