فتنة الجزء الأول

54

لحلقة 54😍😍 ( قبل ما تقرا أعمل جام ...نلقا تفاعل نكمل الجزء2 )
💋💋آخر حلقة في الجزء الأول من فتنة 💋💋
محمود من الصدمة بدنو برد و ترخف ... مش مصدق تصرفها و لا مبالاتها .. و مريم إستغلت الفرصة و جبدت يدها منو ... قدمت بخفة و حطت غناية "celin dion "encore un soir ... و علت في الصوت أكثر ...تفط ضو البيت و الجو المكهرب تقلب رمنسي ... عالأخر ...
(اسمعوها البنات والله لاهي عادية ... إحساس ولا أروع .. <3 <3 ).
رجعت بزربة و عنقتو بالقوي و غرست راسها في صدرو و تكلمت بصوت هادي مخلط بغصت بكا ... صوت زعزع جبل الجليد لي بناه محمود من سنين ...
- محمود حس بيا ... حس بحبي لي كل يوم يزيد في قلبي ... حس بغيابك كيفاش يقتل فيا كل يوم ... صوتها غرق أكثر و غلبتو نبرت البكا ... حس باللوجيعة لي في قلبي ... راهي باش تقتلني يا محمود والله باش تقتلني ... ... سكرت شفايفها بقوة و غمضت عيونها ... خرجت هوا سخون يحرق من صدرها شوا محمود في رقبتو ...و كملت تحكي ...
- كل يوم نفيق و نقول اليوم آخر نهار فراق بيني و بينو ... نقول اليوم نحاول من جديد و أكيد باش يجي اليوم لي يحس حتى شويا من كمية حبي ليه ... هزت راسها شويا و حطت يدو على قلبها ...
- محمود القلب هذا يدق كان ليك ... مريم جات لدنيا هذي فقط باش تعشق محمود ... من اول ما تخلقت مريم قلبها دق كان لمحمود ... من لي كانت بنية صغيرة ما تعرف شي ... من لي كان عمري ثلاثة أو أربعة سنين قلبي خذا قرارو ... دخلك في وسطو و سكر اأبوابو الكل ... قال أنا عايش بمحمود ... و اذا كان محمود مش موجود .. مريم زادة مش موجودة..
هزت عيونها في عيونو وركزت فيهم بنضرت مرا عاشقة لحد الجنون ... بنضرت مرا منهارة من شدة العشق..
- توحشتك محمود ... توحشت ليلة في حضنك ... باش نموت و نعدي ليلة وحدة بين يديك ...
محمود مسكين ترهوج قدام كمية اللوجيعة لي باينه في عيون مريم ... ترهوج من كمية الأحاسيس و الحب لي في قلبها تجاهو .. هو عارف و متأكد انو الحب لي حبتهولو مريم مستحيل تحبهولو وحدة غيرها ... حتى لو كانت فتنة ... حتى لو كانت أمو لي جابتو لدنيا ...
منجم يقول حتى كلمة ... منجم يقوم بحتى ردت فعل ... إكتفا فقط بالوقف .. إكتفا فقط بمشاهدة مرا وصل بيها العشق لدرجة الهيام... مرا ليها سنين تحول توصلو حبها بأي طريقة ... و برغم من كل شي ... و برغم من كل حد ... ميأستش...
ضلام البيت و ضو الشموع كملو على حالتو و عطو رونق خاص للحظة لي هما فيها توا ...
بيت ضلمة ... موسيقى رومنسية ... ضو خافت أما يعكس بوضوح دموع مريم و عطاهم لمعة spécial تسحر أي حد ...... الصمت ملا البيت ... النفس طالع هابط .. مريم قربت منو .. دورت يديها الصغار على ضهرو العريض و شبكت صويبعاتها وراه ...كبشت فيه بأقوا جهدها كأنها تقلو متردنيش هالمرة راني تعبت ... متردنيش خاطر آذا تعملها هل المرة تكون حكمت عليا بالإنهيار ..
و في وسط هذا الكل محمود ضعف ... هو اليوم واقف لا حولا و لا قوة...واقف لاسق فيها و مسلم .. ... للحظة ضاع و مش عارف شنيا يعمل ...و مريم حست بضعفو ...
زاد علا صوت celine dion في الغناية أكثر ...
و راحت تتلاعب بمشاعرهم... كل ما يزيد نسق الغناية يتسارع... كل ما يزيد معاها نسق دقات قلب مريم و محمود...(لي تعرف الغناية تتحس بمشاعرهم الكل)
إحساسها و هي تغني روعة ... مستحيل حد يسمعها و ما يتأثرش بيها و ميحسش قوة كلماتها ... بعدت منو شويا ... حطت يدو ليمين على حزامها .. و الأخرا حطتها في يدها... بدات تغني مع كلمات الغناية بإحساس غير عادي و تدور بين يديه بكل فيانة .... تغني بكل ما فيها من حب و وحش ... تغني في كلمات تعبر على حالتها هي توا ... و مع كل كلمة و كل جملة تهبط دمعة تلمع من عيونها ... برغم من الضلام أما دموعها واضحة لمحمود ...كل دمعة تهبطها تهبط تلمع كيف كعبة ال diamant ... يمكن اللمعة هذي جاية من صفاء و نقاوة حبها ليه ....
encore un soir ...
encore une heure ...
encore une larme de bonheur...
une faveur comme une fleur
un soufle, une erreur
un peu de nous ...
un rien de tout...
pout tout se dire encore ou bien se taire en regards....
just un report..
À peine encore. ..
je sais il est tard..
C pas grand choses. .. rien qu'une pause..
que le temps les horloges se reposent. ..
et caresse...
juste un baiser ....
قربت منو عالأخر .. حطت يدها بحنية علي خدو ....و كملت آخر جملة من الغناية بإحساس كبيييييييييييييييييييييييير ... إحساس خلا لحم محمود يقشعر من شدت صدقو..
encore un soire... encore une heure....
un peu de nous... un rien de tout...
لسقت فيه وحطت شفايفها على شفايفو بحنية .... قوة حبها غلبت محمود و هزماتو ... غمض عيونو .... و بدنو رعش بالوقت ... 😣😣😣
البنات زعما شنيا باش يجرا توااا ؟؟
تي شنيا البيعة الحولة هذي !!
مسكينة شنوا ذنبها فتنة يجرا فيها هكا .. بعد ما علقت روحها و قلبها فيه !! بعد ما روحت فرحانة و قالت الأيام زهاتلي و الدنيا معادش باش تعطيني بالضهر 😣😣
باهي شنيا باش يجرا لمريم ؟؟ ... لوين باش يهزها عشقها !!! .. زعما تقدر ترجع محمود ؟؟
باهي شبيها شخصية محمود ولات هكا ... كان كيف الجبل ... مشاعرو واصحة و ما يهزها حتى ريح !!!... عليه في لحظة تقلب .. عليه في لحظة صار كيف السفينة لي تتلاعب بيها الريح و مش عارفة على أما شط باش ترسا !! ... أما الأكيد إنها باش ترسا على الشط لي ريحها أقواا ..
إنتضروووونييييي في الجزء الثاااني من فتنة ...
إنتضروني في حلقات العشق الغير متوقعة 💋💋متتفجعوش فتنة راجعة و بقوة .... هيا أفرحولي بالحلقات 💋
مع حبيييي😍😍 😙
#ريما