حلقة 6💔
طريق كامل و شريط حياته باقي يتعدا من قدام عنيه ... سي محمود الرايس .. 37 سنة ... رجل أعمال معروف .. ومن أكبر رجال الأعمال لي محتكرين السوق ... راجل ميعرفش على طرف خلاه وين ... الفلوس عندو بالهبال ..سافر لأمريكيا بعد الباك .. قرا فيها ادارت أعمال و تخرج من الأوائل .. أول ما تخرج دخل يخدم في شركة تضارب في البورصة و تبعث في المشاريع ... عرف تقلبات البورصة و فهم الدومان بسرعة ... و سار يضارب لحسابة الخاص وفي نفس الوقت يخدم في الشركة لي وصل ترإس إدارتها ... كان معروف بالذكاء و سرعت البديهة ... كان يتوقع تقلبات سوق البورصة و ديمة تكون توقعاتو صحيحة .. يشري الأسهم المربحة قبل ما تغلى و يبيع الاسهم لي باش تطيح قبل ما السوم يهبط و يسبب خصارة ...
لم تفتوفة فلوس باهية... اما بعد هبط لتونس خاطر بوه قالو إجا آقف معايا راهم إخوتك تعبوني و تقوا على ضعفي ... مفكر حتى لحظة خاطر بوه عندو خط أحمر... رجع في أقرب وقت... أصل شكون يقدر يقول لا لسي مختار الرايس ... أكبر فلاح في المنطقة .. فلاح ولد فلاح .. راجل بقدرو و قيمتو .. راجل مناضل بنا روحو من صفر .. أما يعمبو المرض لي يهد الرجال .. المرض لي تعب سي مختار و خلا أولاده يتعدوه...
اول مرجع محمود كان عارف شنية يعمل ... جاب معاه فكرت مشروع مفصلة و بعث أول شركة ليه في تونس ... مع الوقت الشركة ولات شركات و الفلوس بالهبال .. صحيح بوه كان ملاك و لباس بيه أما مش لدرجة كبيرة ... محمود نقل بعيلتو للعاصمة و دخل إخوتو يخدمو معاه ... ههه كيف ميقولو حطهم تحت جناحو .. و صنع إسم ليه في السوق و شهر عيلتو .. عيلة الرايس و ما أدراك !!!
بدنو ترخف و هو يتفكر في الماضي المشرف لي صنعو ... و فجأة يديه تكبسو على الفولون و حرك راسو بزربة يمين يسار ... فكرتو وصلت لأحداث و لماضي ميحبش يتفكرهم .. حرك راسو و كأن يطرد فيهم من فكرتو ... تمنى لو يمحيهم و يمسحهم أما يا خسارة ما يقدرش .. الطريقة لي ماتو بيها أمير ووليث هي لمعذبتو ... لحد الآن مش قادر يتجاوز الحكاية ... فكر حتى يمشي لطبيب نفسي أما بعد إستصعبها . #ريما
أنت تقرأ
فتنة الجزء الأول
Romanceهذي من أنجح الكرونيكات التونسية فاها رسالة تحفونة برشا تحب توصلها الكاتبة احساس الأبوة #منقولة
