الحلقة 50 😍😍
(قبل ما تقرا أعمل جااام للحلقات ... نلقا تفاعل نكمل الجزء الثاني في اقرب وقت 💋💋)
حالتها دخلتو في بعضو .. لا عرف لا يقدم و لا يوخر .. لا عرف يغطس في شفايفها و يملك بدنها ... و لا فهم يتراجع خاطر هي مش ليه ... أما هي امانت أمو حفصية .. كيفاش يقدر يعمل هكا معاها !!! ... كيفاش يقدر يتعدا حدودو ....
تنهد رجع لبلاسطو ... و فتنة باقي تثبت فيه بعيون ذابلة ... خزرتها حرقتلو قلبو ...عيونها تترجا فيه باش يكمل لي بداه ... حس كأنو ماهو فاهم شي ... حس كأنو ضايع ... عدا يدو على شعرو بعصب .. كمل هبطها مسح بيها على وجهو .. و نفخ بنطرة... شنيا باش تعمل توا يا محمود !!
خمم شويا ...
و فجأة يديه تكبسو و عضلاتو برزو ... حطهم على حزامها و خطفها بكلها و جابها فوقو ... وفتنة ماتت بالفرحة من حركتو ... قلبها ضرب بقوة ... و عيونها لمعت بخبث كبيييير .. تبسمت و غرست راسها بالوقت في رقبتو العريضة ....تستنشق في ريحت برفانتو لي جنتها .. ريحة spécial .ما تلقاها كان عندو ... ريحة برفان قوية مخلطة برجولة طاغية ...
خنست عندو ... و الحس بات و النفس يتسمع طالع هابط ... الشمس غربت من مدة و الضلام لي في الكرهبة كمل على حالت محمود ...
كبشت بيديها الصغار في أجنابو بقوة .. و زادت غرست راسها في رقبتو أكثر ... و بسمت الخبث ولات بسمة عريييضة ههههه ... بنسبة لفتنة هي منتصرة ... لي حبتو وصلتلو ... تمنت تغرس راسها في صدرو الحنين ... و هي توا قاعدة في حضنو جملة .. و مالكة بدنو الكل .. تحس في حاجة تحتها عمال تتكبس أكثر ... ضحكت بصوت خفيف و هو فهمها ... أما ما عندو ما يعمل ... مش قادر يتحكم في روحو ... مرا بالفتنة و الجمال هذا ... قاعدة في حجرو و مسلمة...
هو مهما كان راجل... و أي راجل ضعيف قدام الجمال ... و بالأخص جمال فتنة ...
مسكين اول مرة يكون داخل بعضو لهدرجة... عكس فتنة لي كانت شايخة و عاملة جو ... بالنسبة ليها هدفها واضح ... هدفها هو محمود و قلب محمود ...
هزت راسها شوية ... جا وجها مقابل وجهو ... شفايفها قراب من شفايفو ... بوست الخالة عذبتو ... و نفسها السخون في وجهو ... زاد على حالتو. ..
ركزت نضرت عيونها في وسط عنيه ... عيونها bleu gris ذبحتو .. و شفارها الكحل قهروه... تخزرلو بنضرة مش مفهومة ... نضرة ذااابلة و بكلها ترجي ..
بقا يعشق فيها بعيونو ... هز يدو مسح على عيونها بحنية .. و بعد عداها على شفايفها و قلها بصوت باح بالرغبة ..
- شنيا تحب إنت توا
فتنة تبسمت بحشمة و عيونها لمعو أكثر ... أما منجمتش تجاوبو و تقلو لي في قلبها ..
- نتمنا نفهم هالنضرة لي في عيونك يا فتنة...
حطت يدها على صدرو ...تململت فوقو و جاوبت بصوت حنييين ..
- و انا نتمنا ندخل لقلبك يا محمود
تبسم و عنقها بقوة .. غرس راسو في رقبتها و طبع بوووسة حنيييينة
- تو تدخل يا فتنة ... تو تدخل و تملكو .. أما كل حاجة في وقتها حلوة ...
هو توا فهمها أكثر ... فهم إنها نضرتها هي نضرت مرا عاشقة .. مرا مستعدة تعمل المستحيل و تكون بجنب حبيبها ... خبرتو في النسا وااااسعة و تخليه يفهم لغت الجسد ... أما محبش يتسرع في قرارو ... محبش يغلط معاها ... مش عارف لي يعمل فيه صحيح ولا غالط ... أما متأكد إنو التوقيت مش مناسب ...
جبد روحو منها شويا .. باسها على خشمها الصغرون ... حب يخرج من الوضع لي هما فيه و يجبد موضوع اخر ...
- بالله فهمني آش توكل فيك حفصية !! ... رما عينو على دريارها البومبي و تبسم .. جا بين عيونو أول نهار راها فيه ... راها بسليب نوار و دريارها الكل باينة ... دريار بيضة و معبية ....تنهد و كمل كلامو
- مهما كان لي توكل فيك فيه .. نحب نقلك إلي هو عاطي مفعولو ... و ماشي في المكان المناسب هههههه ....
عطاها غمزة و تبسيمة تقهر يا عباد ربي.... تقهههههر ... هزها و رجعها لكرسيها ... رجعلها السنتير و هو يضحك عليها كيفاش مش عاجبها الحال ... مكتفة يديها و قالبة شفايفها خاطر هبطها من حجرو ... خزر لحالتو و لبدنو كيفاس مكبوس ... و لسروالو لي باش يطرشق ههههه ... عض شفتو ... تنهد ... دوح راسو و تكلم بهمس بينو بين روحوا
- آش يستنا فيك يا محمود
ضحك و ديمارا بالقوي ...
#ريما 💋
أنت تقرأ
فتنة الجزء الأول
Romanceهذي من أنجح الكرونيكات التونسية فاها رسالة تحفونة برشا تحب توصلها الكاتبة احساس الأبوة #منقولة
