حلقة 23 <3 <3
في الوقت لي بدا محمود باش يحكي فيه ... حفصية حلت الباب و دخلت تتبسم ... على شفتها بسمة عريضة و عويناتها الصغار يلمعو من الفرحة .... هي كانت متأكدة إنو محمود باش يوافق على طلبها ... كانت متأكدة انو باش يغير رايو و يعاون فتنة ... من بعد ما حكت معاه بقت مركزة مع تحركاتو و تستنا بفارغ الصبر أول خطوة باش يخطيها الشي لي خلاها ساهرة لنص الليل ... كيف راتو قاعد في الضلام يخمم في الصالة عرفت إنو كلامها أثر عليه .. و أول ما راتو متوجه لبيت فتنة زربت و لحقت .. فضلت إنها هي لي تحكي معاها في الموضوع مش محمود خاتر عرفتها تتحشم منو و ترفض إذا هو عرض عليها الحكاية ... و إذا رفضت فتنة تكون ضيعت فرصت حياتها ...
قربت من محمود بفرحة و كبست على كتفو كأنها تقلو خلي عليك تو نحكي أنا معاها ...
محمود كيف را حفصية داخلة تتبسم ... رجعلها تبسيمة متع " يا لفعة هاني باش نعمل لي قتلي عليه ههه " ... عارفها عليش جاية ... وقف و بدا يهبط بيدية في سروالو خاطر تشمر من القعدة ... وقف كي الصيد وحكا بصوت راكز
- فتنة أسمع مليح الكلام إلي تتقولو حفصية تو ... إنت ماكش مجبورة باش تنفذو .. أعمل كان الحاجة لي ترتاحلها و انت تراها صالحة .. أنا مجيتش باش نقلك الكلام هذا ... أنا جيت باش نقلك كلمتين نحبك تسطر عليهم بالأحمر ... أنا باش نعاونك يا فتنة ... مهما كان الإختيار متاعك باش تلقاني في ضهرك ...
قال هالكلمتين... باس راس حفصية ووقلها بتوشويش "أرضا عليا إنت برك هاكي الفايدة " و خرج ... 💋💋
#ريما
أنت تقرأ
فتنة الجزء الأول
Romanceهذي من أنجح الكرونيكات التونسية فاها رسالة تحفونة برشا تحب توصلها الكاتبة احساس الأبوة #منقولة
