فتنة الجزء الأول

12

حلقة 12 💖💖
طلع نهار جديد.. شمس زرقت وعبت الدنيا بسبايلها الذهب ... الطيور ملات السماء ... فاردا جنحاتها وتحلق في قلب سماء زرقا صافية كأنها تبعث في البهجة لسكان المنطقة ... فتنة اليوم أول نهار تفيق فيه فرحانة .... هههه ليل كامل تحلم ب محمود و تتبسم ... تحلم بالفارس الشجاع لي منعهم من الشرير ... تتفكر في وجه صلاح كيفاش صفار و خضار أول ما سمع عياط ولد الخالة حفصية ...أما يستاهل ... هي الحق ستغربت في الأول و مصدقتش إنو صلاح يخاف من حد ... راجل مؤذي لأبعد الحدود ... الناس الكل تتجنبو و تتجنب الحديث معاه ... مش خوف منو أما يتجنبوه خاطر إنسان مشاكلي و عيبو قريب ....
صحيح فتنة ليها عامين عايشة في الفيرمة مع لي ما يتسمى ... و تعرفت فيهم على الخالة حفصية لي حنت عليها و عاونتها بعد ما حكتلها حكايتها و حسبتها كيف بنتها ... أما في هالعامين عمرها ما رات محمود أو عيلتو ..كانت تسمع ديما بإسم عيلة الرايس... أكبر عيلة معروفة في المنطقة ... و تعرف إنو الفيرمة و الأراضي لكل ملكها... و تعرف زادة إنو الفلاحة لكل تخدم في أرضهم و أولهم راجلها صلاح.... اما عمرها ما راتهم و لا حتى سألت على القرابة لي بينهم و بين حفصية ..
الحاجة الوحيدة لي تعرفها هي إنها الخالة حفصية هي المسؤولة على المحصول و الخدامة و الأرض و هي لي تسير فيهم ... هذا السبب لي خلا الناس الكل تهابها و تقرالها ألف حساب...
هههه مسكينة مشا لبالها إنو محمود ولد حفصية عن حق ... متعرفش إنو لي بايت معاها تحت نفس السقف و إلي وقف لصلاح البارح هو سي محمود الرايس ولد مالك الفيرمة .. أكثر إسم تسمع بيه من أول ما جات للفيرمة و أكثر انسان الناس تحكي على رجولتو ... ههه ما تعرفش إنو حفصية مش أمو عن حق ..هي المرا لمربيتو و يعتبرها أمو الثانية ...
ستوات الفرش و هبطت تزرب باش تشكر الخالة علي عملو ولدها ... بردلها قلبها كيف نبز صلاح البارح .. و أخير فما حد قدر عليه.. و في نفس الوقت تنسنس عليه شوي هههههه... أول مرة تحس الإحساس هذا قلبها فرحان و ملهوف على حد.. تعدت للكوجينة ملقتهاش قالت أكيد راهي قاعدة في الجنينة ... زربت بخطوات خفيفة و فجأة وقفت. ... ترا في الخالة حفصية قاعدة هي و ولدها يحكوا ... حشمت و حاولت تتراجع من غير ما تراها أما عيون الصقر لقفتها هههههه...
- فتنة يا بنيتي جيبلنا قهيوة ... بلعت ريقها و رجعت تزرب للكوجينة .. محمود لفت راسو مستغرب ... حتى صباح الخير ما قالتهاش !!! ...إلي في الفيرمة الكل يقدروه و يحبوه ... بكلهم وين يراووه يبشبشو بيه و يبقو يحكو معاه بالساعات .. تصرفها جاه غريب شوي .. حس كإنها حقرتو اما بعد تلف ... فتنة مسكينى حضرت القهوة و بقت تتغصور كيفاش تتقدمها ... تنهدت ، كبست روحها و قدمت ناحيتهم ... لقت محمود و حفصية يحكو مش منتبهين فرحت قالت نحط القهوة بزربة وونرجع ... أما ريحت القهوة سبقتها وشقت مخ محمود في ثنين ...ريحة قهيوة عربي بنينة باااارشا... يستنى وقتاه يطحت قدامو فنجان القهوة بفارغ الصبر.. لفت إنتباهو يدين صغيرين طرا و بيض يحطو في الفنجان بزربة.. يدين مرا مرتاحة في الدار مش فلاحة في الأرض ...مش متعود يتصرف بالطريقة هذي اما فما حاجة شدتو وخلتو بالوقت يهز عنيه... حب يثبت في والمرا لي جابتها ... أما ما را شي... الخمار ياسر هابط و مخبي وجها ... فتنة تبسمت لحفصية و رجعت تزرب
- شنية حفصية كبرت و جبت شكون يعاونك ..
- ايييه بنية دافيه و عاقلة .. جبتها تونسني
- ضاهر ، أما علمها تقول صباح الخير ههه
- مسكينة بنيتي عورت بالعقوليه وين ترا حد تحشم و تسكت فرد مرة هههههه
فتنة مسكينة رجعت للكوجينة تمروح على خدودها بالصينية . وتضحك على حالتها .. وضع عادي جدا خلا وجها يحمار ... أما تبسيمتها ما دامتش .. صلاح تسرسب و دخل لجنينت ال villa و دارلها من باب الكوجينة التلاني و جبدها من شعرها .. تفجعت .... جمدت في بلاصتها ... #ريما