فتنة الجزء الأول

26

لحلقة 26 <3 <3
فتنة بقت ليلة كاملة فايقة ... أول مرة تفكر فيها بعقلانية و من غير خوف.. يمكن كلام حفصية هو لي شجعها ... قالتها أهرب و أبدا من جديد ... ربي سمع دعاك و بعثلك محمود باش يخلصك ... قرر اليوم قبل غدوة خاطر الفرصة ما تتكررش و محمود يجي للفيرمة مرة في الفال ... قالتلها محمود راجل و عند كلمتو...أصل فتنة حست كلام حفصية صحيح .... برغم إنها حكات معاه كلمتين قلال لكن حست إنو رجولي ... و يتحمل مسؤولية كل كلمة يقولها ... تنفست بعمق و الهوا عبا صدرها ... قالت شنوا لي بيصيرلي أكثر من لي صار .. حياتي الكل معانات ... من بابا السكارجي لي عذبني في صغري و قتل أمي قبل وقتها لصلاح لي ميخافش ربي ...خليني نحاول و أكيد ربي يخلقلي في الهضيق طريق .. النهار فيسع ما طلع و محمود حضر روحو و معمل على ربي
- وليدي في ضمان نشاء الله .. أول ما توصل طمني .. و بالله بغلاوتي عند لا تغيب عليا مدة طويلة ... وليدي راي عنيا تتغمض عليك .. عنقها بمعزة كبييييرة ...
- باهي يا للا باهي .. ارضا عليا هذي الفايدة
- راضيا عليك دنيا و آخرة .. يعليك على من يعديك وليدي .. يعطيك بالقبول و محبت الرسول ..
. -باهي أسمعني مليييح أنا طاوعتك في موضوع فتنة .. أما هي رايها واضح .. منحبكش تغصبها على شي يا حفصية ... أصل الله يهديك .. كيفاش تدخل بين راجل و مرتو و تقلها طلق ... و نحبك تطمان .. حكيت مع الأولاد و نبهت عليهم باش ياقفو لصلاح .. قلتلهم ساقو يحطها في للفيلا اقطعوهالو ... و لسانو الموذي أقطعوه إذا كان يطولو على أمي حفصية .. حفصية تخزرلو بكل فخر و تتحسر على آك المغبونة
- لا يقطعك يا بابا .... يحميك و يعليك
- إجا اجا نعنقك و نبوسك شوي ... هههههه حفصية ترمات في حضنو تعنق و تبوس بقوة ...
- هيا خليني نمشي أنا .. وقيت ... قال آك الكلمتين و جا خارج يسمع في صوت هادي .
#ريما