فتنة الجزء الأول

39

الحلقة39 😍😍
تعدات ليلة صعيبة على الناس الكل .. ما عدا زياد .. بايت ليلة كاملة يتبسم و يتفكر في فتنة و جمال فتنة و عيون فتنة لي قتلتو بنضراتها الذابلة .. بايت ليلة كاملة يستنى بالدقيقة و درج في طلوع النهار ... يتخيل في المقابلة كيفاش باش تكون و يفكر في الكلام لي باش يقولهولها .. أول مرة يحس بالطريقة هذي .... أول مرة مرا تملالو عينو و تقدر تهز عرش قلبو .. زياد عمرو ما كان شخص هوائي ... بالعكس.. هو راجل رزين في حياتو و يعطي قيمة لأدق التفاصيل... بالنسبة ليه العلقات الثنائية لازم تكون علقات مدروسة باش تنجم تنجح .... والعلاقات الوقتية بالنسبة ليه هي محاولة ناجحة لتدمير النفس.... أصل هو معندوش وقت ليهم ... قضاياه و عملاؤو مش مخلينلو حتى الوقت باش يتنفس ...يعني نهار لي يفكر باش يعطي لمرا مساحة في حياتو و يكرسلها جزء من وقتو فهي أكيد مرتو ... وقتو حاجة غالية و مش مستعد يعديه معا لي يجي... و فتنة هي المرا المناسبة لي تستحق تملك وقتو و قلبو و تسيطر على كيانو ..ههههه كمية الفرحة لي حاس بيها كبييييييرة لدرجت أنو ما صبرش و بدا يحضر في أوراقو و المرافعة لي باش يترافعها .. لازم يطلقها في أسرع وقت ..
تعدات الليلة و طلع نهار جديد ... محمود فاق بدنو مكسر من العصب متع البارح .. قام بالسيف خذا دوش و ريقل أمور و هبط باش يفطر مع العيلة .. هو وصل لبيت الفطور قد قد و فموا تحل طاقة ..
- دين ولديك بايت تحلم بينا !!
- أووووووه ملا مغط ... صبلي صبلي عصير يا خدوجة راهو ولدك خلالي الكبدة ممروجة ... للا خديجة تحط في الفطور لزياد و تضحك .. وين يجي يفركهم على مجمود و يجلطو بالدم البارد ههه
- لامن قالق إلي إنت واحد رمز !!!! محمود يحكي معاه و هازز حاجبو .. باهت في وقاحتو
- هاني نسمع فيها تو من عند واحد مربط و ماسط و الأهم من هذا مغط
...
- يا ولدي آش مجيب ولديك هالصباح ... نرمال في مخك نهبط 8 متع صباح باش نفطر في دارنا .. نلقاك مادد وجهك على الطاولة !!!!
- إيه نرمال ... نرمال عالأخر زادة .. هذا إذا دل على حاجة يدل على إني إنسان منضبط .. و كي تبدا عندي قضية النوم يطير من عيني و قلبي و مخي يتبرنشاو معاها .... كمل كلامو و عطاه تبسيمة تقهر و معاها غمزة عذاااااب ...
- يتبرنشا معاك إبليس إنشاء الله ... هذي داري مهياش الشركة يا بابا .. على ما نضن عروق مخك ضربت و غلط في الأدريسة ..
- آه يا صاحبي آه ... من اليوم نحب نقلك إلي طربتني بدارك حاجة قوية .. حاجة سامية و عضيمة ...
- آ سامية ... تفضل أفطر ... و تفضل إقلب منضرك ... نراك في الشركة و الدار ياسر على جحيح .
- هههه يا مسيو جحيح نحب نقلك ديزولي مشني جاي لواحد ماسط كيفك ... بالله إفهم راهي بهامتك جلطتني .. حبيبي العبدو لله إنسان مهم و عندي رنديفو مهم كيفي .. خدوجة بالله عيطلي لفتنة خليني نتصبح عليها و نخرجو ... وجه ولدك يجيب الفقر ...
محمود سمع إسم فتنة ضربو الكورون و تفكر إنهم اليوم بالحق عندهم رندفو و خارجين مع بعضهم ... فد و تيقر لسما ... قعد يفطر بالساكتة و يرعش في سقيه في الوقت لي خديجة بعثت تنادي لفتنة ..
- صباح الخير يا جماعة .. للا خديجة حبيت نقلك إلي فتنة مريضة و مش باش تقدر تجي
ضربت على صدرها و سإلتها بحيرة - وووه شبيها يا سمر.. آمس كيف الوردة المفتحة
- يمكن بدايت grippe
-حليلي على بنيتي .... الله غالب ي زياد وليدي مش كاتب اليوم .. نشاء الله نهار آخر
- بالله لا عاد تخليني نتصبح في وجه مغط كيفو يا خدوجة
زياد خرج فادد ... لي خمم فيه البارح و حلم بيه ليلة كاملة طاح في الماء.... و محمود وقتها وين حس بالإنفراج ههههه .. نضرتو لي كانت من دقيقتين نضرت خوف و توتر فيسع ما تمحات و عوضتها لمعت انتصار هههههههه
فطر خف لف ... وقام يمشي بخطوة خفيفة و واثقة ... كيف العادة حاطط يديه في مكتوبو ... اكتافو العراض زادوه وهرة و شموخ ... راسم بسمت خبث على شفتو و متوجه لبيت فتنة ....
. #ريما