فتنة الجزء الأول

31

الحلقة 31😍😍
في الوقت هذا محمود وصل لشركة .. و إخوتو منير ، مكرم و مراد
لاحقينو..
نفخ بعصب و دخل يزرب .. عارفها باش تلحم بيناتهم .. سبق و نبه على السكرتيرة ما تدخل حد ... و تناديلو زياد المحامي و تبعثلو أوراق الصفقة الجديدة
شويا وقت و الباب تهد
- شنوا لي تعمل فيه هذا ... شنيا هالإستهتار و قلت المسؤولية هذي ... هزز روحك و مخبي وجهك علينا ؟؟؟؟ كلاب أحنا قدامك !!! 4 أيام و إحنا نفتشو عليك !!! أوراق حابسة و صفقات معطلة و سي ز.. فاصع !!!
محمود ساكت ما عينو باش يرد على حدد .. و أصل مينجمش يرد .. منير هو خوهم الكبير ...
- يزي سيدي خويا صلي على النبي ... ما صار شي .. (مراد )
- كيفاش مصار شي !! كيفاش ما صار شي !!! نستناو حضرت جنابو لين يحرق جد بو أم عيلة كاملة !!! أنسى يا محمود انسى .. رتح روحك .. و رتح جد أمنا معاك .. هما ملايكة ربي حبهم .. و إنت عيش خويا و أنسى ..
لوحلو هالكلمتين و خرج هو و مكرم يهز فيهم الغزول و ينفض .. محمود مسكين عيونو بانت عليهم لمعت الدموع ... غضتو كيفاش خوه مش حاسس بيه و بوجيعتو ... مراد قدم
منو بالوقت و حضنو بالقوي .. حب يقلو أنا حاسس بيك أنا معاك .. اصل مراد أكثر واحد حاسسس بمحمود لدرجت إنو خلا بنتو لجين تعيش في قصر العايلة ... يعرف إنو محمود يعزها هي بذات أكثر من صغار اخوتو الكل .. يشم عليها في ريحت صغارو امير و ليث ... لجين تولدت بعدهم بأشهر قليلة و هي تربت معاهم من اول ما جات لدنيا...
تعدا نهار ازرق بالخدمة على راسو و روح بالسيف للعشاء لي قلو عليه بوه ... محبش يزيد يخلق مشكلة جديدة معاه ..كلا لقمتين و طلع يكمل في خدمتو لازم يحضر روحو لإجتماع غدوا ...
فتنة ميتة بالفرحة .. حست روحها مرتاااحة ... للا خديجة فرحت بيها عالأخر و قالتلها أنا من اليوم في مقام أمك .. عطاتها فلوس و قالتلها غدوة اخرج إنت و سمر و أعملو دوليشة صغيرة في السوق .. إشري لبسة كيف أندادك و عيش عمرك .. مازلت صغيرة إلبس و حمر و أنسى لي فات .. فتنة بتبهليلها بوزت شفايفه و قالتلها أنا عمري ما شريت لبسة جديدة ومنعرفش نخطار
للا خديجة و سمر قلوبهم ذابت دم عليها و علي عدتو في حياتها ... سمر قالتلها انا نختارلك حبي... حتى منى حبت فتنة من أول ما راتها و تعاطفت معاها و قررت تخرج معاهم ... و يعملو بااااارشا جو ... لمت بنات صافين
#ريما 💋