فتنة الجزء الأول

10

حلقة 10 💔💔
بقات واقفة في نفس المكان ..أما حفصية عطتها قحرة ترعب خلتها تطلع بالوقت ... تخبت الفوق وطلعت راسها بسرقة تحب تعرف لي تيصر...كبست روحها و مشت للباب تتعكز ... حلت و رجعت وقفت في قلب الصالة .. قدم و ريحتو كلها شراب رخيص مخلط بعرق ناتن... يديه و رجليه مسخين يعيفو ... لبسة بكلها طين و مقطعة .. وجه مجلد من كثر الشرب و منضر يوحي كان بالشر ... يقلب في عنيه في الvilla الكل و بعد قدم من حفصية
-مش ناوية تودع انتي يا عزوزة .. رجل في الدنيا و رجل في القبر و باقي تعمل في الخنانة ... قداش من مرة نبهت عليك و قتلك متدخلش نسنوستك في مرتي
- آخر مرة باش نبهك صلاح ... آخر مرة باش نقلك إتقي الله في هاك اليتيمة .. أنا باقية لحد الآن محترمة عمرك ... جايتني صعيبة نخلي الأولاد تطيحلك قدر وإلا والله نقلهم يعشو بيك الكلاب
- شنوا تو حفصية جبتها بحذاك باش تحللها عيونها و تولي تهزها للأرض باش يكحلو على مرتي
- اسكت لعنت الله عليك راجل .. مش عيب تقول هكا على مرتك
- لا مش عيب .. مرتي وحدة عاهرة متصلحش ... في جرتها الرجال تتغامز عليا ...كل يوم جايني كلب لدار حاسب روحو يطل عليا ...ماشي في بالك بهيم منفهمش أنا
- بالك يتغامزو على حاجة اخرة ... يتغامزو على شايب الجنون لي في الستين و معرس بوردة عمرها 19 عام
-تحمد ربي لي رضيت بيها . هذيكا بلوة ..
وراها كان المشاكل .. أنواعها متجيبش الراحة والهناء .. كيفها كيف أمها ... عيشت بوها عمرو الكل على أعصابو..
- إتقي الله يا راجل ... حرام عليك كل ليلة هكا تسكر و تروح تضربها.. تتقتلها على صغر سنها
- خليني نقتلها و نرتاح ... هذيكا وحدة عاهرة .. همها الكل انه الرجالة تكحل عليها .. راجل برك ميملاش عنيها..
- وين يكحلو عليها وين ...مسكينة تعدي نهارها في دارك أو بجنبي في الvilla... و بين دارك و الvilla متلقاش حتى 10 ميترو ... تلبس في جلبيب و جبب متع عزايز و مغطية شعرها بحجاب اكحل.. حتى وجها مسكينة ديما في القاعة ميتهزش ... كلمتين على بعضهم توحل باش تقولهم .. يا راجل توب لمولاك
- توب إنت يزي ... و تو نحب مرتي ...و بدا يعلي في صوتو في نفس الوقت لي كان محمود هابط فيه ... أول ما راه صلاح ترعب .. غرس راسو في القاعة و بلع لسانو .. وقف محمود في وسط الدروج ... لابس سروال دجين طايح شوي ... بين السليب لي لابسو ... حفيان... شعر أكحل مفرفش .. صدر عريان .. عضلات مخدومة ... بطن طبلية شكلاطة .. اجناب ميتة.. وشمة في اليد ليسار... و وجه ملامحو تقتل.. تقطر رجولة .. كل شي رقيق فيه .. و سمورية عذاااب ... منظر خلا فتنة الحشامة تحس بضربة قوية في قلبها و رعشة بنينة تدغدغ في اخر بطنها ... تحت سرتها..
نتصور ملامح أبطالنا بدت تضهر :
محمود الرايس ، 37 عام و معرس ، موت صغارو خلاه يكره بوه و أمو و مرتو ، تو نعرفو بالوقت شنو السبب !!
فتنة 19 عام ، إسم على مسمى ، زينها يفتن أي حد تاقع عينيه عليه، عاشت معا بو سكارجي كارها من الصغرة و كمل قتلها بالحياة كيف عطاها لواحد ميخافش ربي كيف صلاح ... تفنن في عذابها.. #ريما لبنات كمنتار فل ريبوونص