الحلقة 20💕💕
سي مختار من بعد ما حكا مع منى طلع لبيتو الخاصة للخدمة و سكر على روحو بالمفتاح مش طايق يشوف حد ... رما روحو على كرسي بيروه .. غمض عيونو و غرق في بير أضلم متع أفكار .. بير اضلم بكلو وجيعة .. سي مختار مش غايضو الفلوس ولا الشركات ...همو مش هم فلوس ... لي واجعو حاجة اكبر من هكا ... واجعو ولدو لي كرهو و نكر فيه .. كرهو لدرجت إنو مستعد يحرق تعب سنين ... كرهو لدرجت إنو يحطم بيدو الإمبراطوريا لي بناها بيدو ... لي زاد الطين بلة إنو سي مختار متأكد من إنو هو كان طرف في وجيعت ولدو اليوم .. أما كان عن غير قصد هو كان ينفذ في وصية المرحوم خوه و متوقعش إنو الحال يوصل لدرجة هذي .. تبسم كي تفكر علاقتو بولدو كيفاش كانت قبل سنين ... علاقة قوية مستحيل يزعزعها شي ... ديمة يقول لمرتو " يا للا خديجة أنا راني نربي في محمود لكبري ، نهار لي نطيح باش نلقاه في ضهري كيف الصيد" ... كي تذكر الجملة هذي دمعة سخونة نزلت من عينه تحرق ... ...
..زاد تفكر معاها كيفاش ربا محمود من الصغرة على الرجلة .. كيفاش علمو إنو الراجل عمرو ميهز حاجت الغير أو يطمع في حاجة مش ليه ... عينك بحاجة برا إمشي جيبها بذراعك... من لي كان في المكتب علمو الفلاحة ... علمو كيفاش يتعامل مع الأرض .. كيفاش يبيع المحصول .. كيفاش يتناقش مع التجار .. كيفاش ميسلمش كي يعود في ميترة من أرضو حتى لو كان تتقلب الدنياى... من الصغرة يهز فيه معاه لقعدات الرجال ... يعلم فيه كيفاش يتصرف معاهم و معا هذا الكل علموا و قراه و بعثو لأمريكيا و قالو نحبك ترجع رجل أعمال كبير .. نحب الناس كي تسمع إسمك تقرالك ألف حساب ... و في وسط الأفكار هذي الكل سي محمود هربت عليه فكرة وحدة ... و هي إنو محمود بالحق ميكرهش بوه.. مستحيل يجي نهار و يكره الراجل لي يرا في الدنيا بعنيه ... هو مجروح منو لا أكثر و لا أقل .. و أكيد تيجي اليوم لي يسامحو فيه ... و على قريب زادة ... أما محمود يتصرف بالطريقة هذي ك ترويح عن النفس .. كي يفيض بيه الكاس يسكر و يجي يحل فيهم فارعة ... الله غالب أما هذي الطريقة الوحيدة لي لقاها محمود باش يحسسهم بوجيعتو 💋💋
#ريما
أنت تقرأ
فتنة الجزء الأول
Romanceهذي من أنجح الكرونيكات التونسية فاها رسالة تحفونة برشا تحب توصلها الكاتبة احساس الأبوة #منقولة
