فتنة الجزء الأول

30

لحلقة 30 😍😍
فتنة مشات معا سميرة ... فرحت بيها عالأخر و عرفتها عالبنات لي تخدم معاها .. بكلهم فرحو بيها و بالأخص سمر بنت سميرة .. بنية دافية و عاقلة ... تخدم معا أمها في القصر و تقرا في نفس الوقت في الجامعة ... سي مختار هو لي يقري فيها و متحمل مصاريفها
- ياااااااا محلاها يامي .... محلا زينها .. هههه ترمت تعنق و تبوس في فتنة لي ولت تضحك و شاخت على تصرفات سمر
- يا بنيتي تتخنقها ... سيبها
- ههههه والله لا حسيت بروحي ... محلا زينها كيف البربي ... من اليوم نعيطلك بربي هههه
- اووووه يزي برك من الهدرة الفارغة كسرتلها راسها من اول نهار ... فتنة باش تولي تبات كيفنا في القصر ... عيش بنتي هزها و وريها بيتها
- ياااااا ... ههههه ملا من الليلة نولي نبات معاك ... يا ربي راني فرحاااانة و أخيرا لقيت مع شكون نقصر الوقت في الليل ... إجا عيش أختي نوريك بيتك ..
مشت معاها وراتها بيتها و بقو يحكيو شوي
- هههه أسمعني عيش أختي باش نعطيك القاعدة الذهبية باش تعيش مرتاحة هوني ...
فتنة ركزت معاها - ههههه باهي قلي على هالقاعدة
-ريتها اللفعة مرت سي محمود .. إبعدها بعد السماء عاللوطا ... مرا مجنونة و مقرعشة ... مستعدة تعمل كل شي
مسكينا حطت يدها على فمها مصدوووومة ...
- س.. سي ... سي محمود معرس !!!
سمر تدوح في راسها و تضحك - مش كان إنت تصدمت كي سمعت بيه معرس .. لي تسمع بيه معرس تتصدم كيفك بالضبط هههه ...و فما شكون تبكي أصل هههه .... محمودي راهو قاهر قلوب العذارة .. باهي نزيدك زيادة ؟؟
ضيقت عيونها كأنها تقلها إيه
- مرتو تموت عليه و تغير عليه غيرة عمية .. اليوم و طولو و هي تعس عليه ... ولي تراها حتى خزرتلو نهارها يشوام ... اليوم و طولو و هي لحقتو حتى في خدمتو .. يعني رد بالك منها
-- ربي يقدر الخير ... سمر أختي نجم نطلب منك حاجة !!!
- إيه اكيد .. تو هذا كلام !
- أنا ما عنديش لبسة تنجم تعطيني حويجة نبدل بيها .. مسكينة تقول فيها و تتغصور تتموت بالحشمة
- ههه غاااالي و طلب رخيص .. أسمعني إجا معايا نوريك دوش خوذ دوش تحفون ...و تفرشك بيه ..
و ماتنساش تمشي للا خديجة .. تعرف عليها ... والله مرا عسل دنيا و حنيييينة ...
-باهي ... ندوش و نمشيلها نشاء الله
- إيه نطيبو قهيوة و نمشي معاك ... نقعدو بحذاها شوي والله تفرح بينا
- يااااااا ... عيش أختي .. عيش أختي
#ريما 💋