فتنة الجزء الأول

27

لحلقة 27 😍😘
- سي محمود أنا نحب نطلق ...كان مزلت عند كلمتك بالله عاوني
هز حاجبو وبقا يثبت فيها بملامح ما تعبر على شي... الحق صدمتو .. مكانش متوقع إنها تتجرأ و تاخو هالقرار ..صحيح حكايتها غضتو أما هو قالها هكاكا البارح ماخذة في خاطر حفصية ..
أما زايد الكلام هذا تو ....منين طلعت الكلمة تطلع الروح .. تو هو ملزوم إنو يكون قد الكلام لي قالو ... أما فما رعشة و فرحة غريبة في قلبو مش فاهمهم .. ... . قدم منها و حط يديه في مكتوب
- متأكدة !!!
خزرت لحفصية كأنها تستمد منها في القوة و قالت - اييييه
- ألحقني ... انا هاني البرة الكرهبة
بقت فتنة و حفصية يودعو في بعضهم
- يزي يا بنيتي من البكا ... مسحتلها دموعها .. من اليوم نحبك تنسا الدموع جملة ... يزي ما بكيت .. من اليوم ايام الفرح بدات .. تبسم و كملت تحكي .. تو تتفكر كلامي بعد سنين و تقول اك العزوزة قالت .
حطتلها صرفة فيها فلوس في يدها
- خلي هذوما معاك .. منحبك تخاف من شي .. أنا كلمت للا خديجة و وصيتها عليك .. دمعتك من اليوم منحبهاش تنزل من عيونك ... و ما نحب حد يتشكا منك ... حط للا خديجة في مقام أمك .. أي حاجة تستحقها قلها عليها .. والله مرا طيبة و باش تحسبك كيف بنتها ...هنيني بنيتي.. باستها من جبينها و فتنة ما قدرت تقول حتى كلمة ... أما دموعها حكات ... حفصية كانت متأكدة إلي كل شي باش يتبدل ... مرا فاهمة الدنيا .. من لي رات اللمعة في عينين محمود و ربثتو عرفت إلي باش تصير حكاية .. ههه ولدها و حفضاتو .. و هذا السبب لي خلاها تقترح عليه إنه يهز فتنة معاه للمدينة .. الوحيد لي تنجم تثيقه عليها و هو حقيقتا محل للثيقة...
فتتنة خرجت تلقا محمود يستنا ... حللها الباب التلاني و طلع هو من قدام ،ديمارا الكرهبة و خرج ... فتنة كانت فرحانة عالأخر أول مرة تركب في كرهبة في حياتها ... وزيد كرهبة مضخمة لدرجة لهذي ... ههههه عند حق حنانة أفرحي حتى هي كرهبة Porsche
طريق كامل ساكتين.. فتنة كانت مشبك يديها في بعضهم و راسها متهزش مالحشمة ... أما محمود كان كل مرة يسرق منها نضرة ... باهت في جمالها .... آية في الزين....بعد حكايت سويعة فتنة غلبها النوم و غفت .. عدات ليلة كاملة تفكر
#ريما