فتنة الجزء الأول

40

لحلقة 40 😍😍
موديييي ... مودييي .. (محمودي ) .... أول ما راتو سقيها الصغرون - هزوها طول ليه... عاملة مجهودها باش توصلو و تعنقش فيه ... و هو أول ما راها حملها لفوق ... دار بيها دورة كبيييييرة في الهوا ... و بقا يلعب بشعيراتها لي لونهم من لون الذهب ... محمود وين يراها قلبو يدق و يولي يرفرف بالفرحة ... و هي زادة حالها ميختلفش عليه ... محمود بالنسبة ليها هو الدنيا و ما فيها ... تحبو حتى أكثر من بوها مراد ..
ترمت بين يديه و بستو بوسة مرسوسة في خدو ... و عمال تتبسملو في تبسيمت خبث ...
- مغسة (متغشة ) أنا ... تحكي و غارسة راسها في رقبو و تتبسم
- ممممممم ... و عليش مغشة هي العصفورة
كتلي باس نسريلك كلاب ب تلا و كتلي باس نمسو لكلتاج لاند و كزبت عليا ( قتلي باش تشريلك كراب بالنوتلا و قتلي باش نمشو لقرطاج
لاند و كذبت عليا )
- ممممم ... ولي يطلب حاجة يطلبها بطريقة هذي !!! قربلها خدو و هز حاجبو يستنى ... و هي مسكينة طاحت تطبعلو في بااارشا بوسات صغار على خدو بلهفة كبييييرة و تضحك
- يزي كهو .. قتلتني بالبوس ... عملت over dose بالبوس أنا ... هبطها و قلها - قول لميمة تبدلك دبشك اليوم باش إنفذلك طلباتك ...
- ياااااااا ... مرثييييي مودي (مرسي محمودي) ضحكتها عبات القصر الكل و بدت تجري و تنادي - ماميييي ... ماميييي....
ههه جرات شوية و بعد حبست و تلفتتلو و عيونها فيسع ما تعباو بالدموع ..
- متكليس تتهلب عليا ... ( متقليش تتهرب عليا ) ...
- يعجبكش تو ... يا بنتي برا بدل في عقلك و إجا ... والله تنستاك ... دوح راسو و قال - قدرك طاح يا محمود ... الفرخة ولت تكذب فيك ههههه. ..
كمل طريقو ويضحك على لجين ... وصل لبيت فتنة دقدق و دخل ...
أول ما دخل قلبو وجعو عليها ...يرا فيها كيفاش راقدة في الفرش .. وجها طافي و عيونها ذابلة .. فهمها طول
- صباح لخير سي محمود ... قالتها و هي مطبسة راسها .. مش منجمة حتى تهز عيونها فيه ...
- صباح النور .. جاوبها بنضرة كلها خبث و بسمة مش مفهومة على شفتو
- حا.. حا ...حاشتك بيا سي محمود ... سامحني مريضة ... مش قادرة نخرج ... بالله إعتذرلي من سي زياد ... قلوا نشاء الله غدوا كان متفاضي و ميقلقوش
- لا انسى ... لا فما خروج لا غدوة و لا بعد غدوة و لا حتى بعد 100 عام ... و امسح على الخروج مع زياد و مع غيرو .. حاجتك بتوكيل قوم إلبس تو نهزك أنا ...
- ن ... ن .. نعم !! كيفاه ... مسكينة قلبها تقبض في صدرها من الفرحة .. كلام محمود هبط عليها كيف البلسم
هز حاجبو و تكلم بصوت خشين ...
- قتلك إجا نخرجو ... ولا ما عينكش ؟؟؟
- لا عيني .. حشمت و طبست راسها ...و هو قدم منها و يتبسم في بسمة مش مفهومة .. طبس عليها و هي في الفرش ... مسكينة بدنها برد ... و الريقها شاح من كثر قربو منها ... و زادت عليها ريحت برفانتو الرجولية .. غمضت عيونها تستحلى فيها و حست الدوخة لعبت عليها بالوقت ...
قرب وجهو من رقبتها أكثر ... و غرس خشمو في شعرها يشم في ريحتو ... بعدو بيدو بحنية و طبع بوسة حنيييييينة في رقبتها ... كورون ضرب في بدنها و حست بفوارة مكنتها ..
محمود كان متأكد من تأثيرو على بدنها و حاسس بلي جرا فيها... حط يديه الزوز على حزامها كبس عليه و قرب لوذنها و حكا بصوت أقرب للهمس
- آخر مرة تدخل لبيتي من غير إذن ......