فتنة الجزء الأول

47

الحلقة 47 😍😘
مشو ل salon de thé تفتق .... أول ما هبطو مالكرهبة ... لجين بالدات تجري و تصيح و تصفق ... كأنها كانت في حبس و سيبوها ... منى و فتنة باقين يخزرولها باهتين في هيجتها ههه... و محمود شايخ عليها بالضحك خطفها فوق كتفو و دخل بيها ... لقاو سليم جاي يتبسم من بعيد و حالل يديه ههه باش يعنق منى ...
و منى ماتت بالحشمة من محمود ... هههه جبدت بيه و رجعت خطوتين لتالي ... سليم مسكين تكونسا مالفازة اما بعد فهمها و قدم باش يعنق محمود ههه
- كيف قدر ربي ... إجا نعنقك إنت ... أما متفرحش ياسر أول و آخر مرة ... الي أن يأتي ما يخالف ذلك هههه ... و رما غمزة تقهر لمنى لي وجها حمار هههه
- إبعد يا ولدي يهديك قالو نعنقك ... ساهل التعنيق هو ؟؟؟
- شنيا هالبيعة الحولة هذي .... يعني لا نعنق خطيبتي ... و لا حتى الماسط خوها ... إجا نعنقك إنت لجين .. أنا لازمني اليوم نعنق حد هههه
- والله حاير شنيا عاجبك فيه يا منى !!! هو أنا صاحبي من سنين و ما ريت فيه حاجة تصلح ... بطل من توا أرجل هههه
- أوووووه .. بالله ليش جيبينو هذا معاكم !!!
- نعلمك يا سيد إلي أنا لي جايبهم لهوني ... و إنت تتلوصق فينا ... هههه ...قدملو و بقا يثبت فيه شويا و بعد تلفت يحكي مع أختو
- الله يهديك يا منى ... تو هذا رهط تدخلو للعايلة !!! هذا منضر نسيب عيلة الرايس !! منى و فتنة طرشقو بضحك من الفازة...
سليم عوج فمو و قال - كان كملت من مساطك نجمو ندخلوا !!
إجاو البنات ... هوكا عملت réservation لطاولة لفوق .. ... البنات فقط ههه...
طلعو .. و قعدو على طاولة إطلالتها عالبحر تفتق ... طلبو الفطور و بداو يحكيو ... سليم و محمود عملو العار بضحكهم و عركهم ...منى شايخة عليهم ...
... أما فتنة فكانت في عالم اخر... كانت مركزة مع محمود و رجوليتو الطاغية .... مركزة مع يديه القوا و المسكلين لي تمنات ترقد في وسطهم .. مع صدرو العريض و المخدوم ... مع الشعر لكحل لي باين تحت ال pull... هبلها هبلها... و خرجها من مخها... تمنات تنحيهولو و حط راسها على صدرو ... ركزت مع التاتواج لي زادو قوة و عطاه و هرة خاصة ... مع عيونو الصغار لي مترفعوش من عليها ... و مع شفايفو الرقاق لي تتموت و تبوسهم.... لحست شفتها بشهوة كبيرة ... وحست برعشة بنينة سرات في بدنها...
فتنة إعتبارا من اليوم هي بالنسبة لمحمود قنبلة موقووووتة ... من لحظة لي راتو عريان و يمارس في الحب مع مرتو ... فهمت إنها هي مرا مع ايقاف التنفيذ ... من لحظة لي سمعت مريم تنين فيها بين يدين محمود فهمت إنها هي عذراء
حتى هي مرا و من حقها راجل يلبيلها رغباها ...
ومش أي راجل ... بالنسبة ليها الموضوع محسوم ...هي ختارت تذوب بين يدين محمود ... هي خطارت تنين تحتو ... هي ختارت تعطيه ليه هو عذريتها و مش لغيرو ...
محمود قعدة كاملة و عينو مترفعتش من على فتنة ... نضرت الرجال ليها هبلتو ... ولي هبلو أكثر هو أفخاذها العراية .. كيف قعدت بجنبو الروب القصيرة تشمرت أكثر ... و ساقيها المفورمين برزو ... لمح وحمة على شكل فرازة في فخذها اليمين.... تجن ، هبل و سخن بالوقت ... مسكين عيونو وساعو و ريقو شاح ...حس بدنو تكبس و بالأخص منطقة معينة هههههه... باش تتطرشق من القوة لي فيها ... هز كاس الماء و قلبو لكل في فمو ... و سليم فهمو طول و ولا يضحك على حالتو ... و محمود عمال يقحرلو و يعملو بالإشرات باش يتلم هههه .... البنات قامو و حبو يخرجو لجين و يلعبو معاها شوي و سليم لقاها فرصة باش يحكي مع محمود
- صاحبي ... شنيا الحكاية !!
محمود وجهو تكبس و ضيق عيونو - حكايت شنيا !!
- شنيا حكاية شنيا !!! بالك ترا فيا سيدي تاتا ... تي الطفلة كليتها بعنيك .. حتى من لجين شلقت
محمود تنهد و رما ضهرو عالكرسي و لفت وجهو للبحر - أخطاني ... تعرفني منحبش نحكي سليم .. و بالأخص في الأمور هذي ..
- تي تكلم !! .. تزكم فيا ياخا ... من وقتاش تطلع كلمة من بينا أحنا !!
- مش حكايت تطلع كلمة ... أما أنا مش فاهم روحي...
- منحبش نلزلك محمود .. أنا فاهمك من غير ما تتكلم .. أما نحب نقلك حويجة وحدة ..
محمود ركز معاه و ضيق عيونو كأنو يقلو إحكي ... سليم بالنسبة ليه صديق الطفولة .. و ياما وقفو مع بعضهم ... و ياما نصحو بعضهم
- عيش يا خويا عيييش ... يكفي ما وقفت حياتك ... أعمل عيلة صغيرة ... جيب صغار و ربيهم ...ختار المرا لي قلبك يدقلها ... و مش لي ختارها بوك .. و أبدا من جديد ...
محمود تبسملو كأنو يقلو كلامك صحيح أما سكت ما قدر يقول شي ... شويا وقت و رجعو البنات قالولهم يحبو يتمشو عالبحر ...
خلصو و خرجو ... تمشاو لين تعبو و قعدو عالرمل ... لجين هبلتهم و مخلات ما عملت فيهم ... اما وأخيرا تعبت ... عنقت فتنة و رقدت في حجرها .... سليم جاه تلفون مهم استاذن منهم و بعد شويا يحكي ...و
محمود قدم من منى و قلها اجا لازم نحكيو .... بعدو شويا عليهم و وقفو مقابلين بعضهم ... منضر البحر يعشق قدامهم .. شمس قوية و نسمة تعشق تضرب فيهم يمين و يسار ... محمود تنفس بعمق ... ملا صدرو بالهوا و بدا يحكي ..       

                                                                                                                  .البناااات نلقا تفاااااعل على الحلقااات ..ا
نهبط الحلقة 48 .... حاقة نااااار 🔥🔥🔥
نااااار ... بين محمود و فتنة ..
..... هيا وييينهم الجااامات 😍😍😍

💋#ريما