لحلقة 15 💔
- فتنة ، فتون ، فتوني
دخل سكران يترهوج .. منضرو يقزز .. في يدو دبابز شراب حطهم فوق الطاولة و دخل يفتش عليها ... أول ما شافتو و شافت حالتو ترعبت ... نفس الموال متع كل مرة... قدم منها و شد يدها بقوة يبوس فيها بلهفة كبيرة ..
- إجا يا روحي ... أنصبلنا قعيدة حلوة في الوسطية ... حط عشا من يديك العسل ... و إلبسلي حاجة حلوة ... بلعت ريقها مسكينة و هزت راسها لفوق و لتحت حبت تقلو باهي ... تلفتت و بدت تحط في العشا .. ربي يعدي هالليلة على خير ...
محمود عدا نهار كامل في الvilla مع حفصية .. أول النهار يتحدثو و بعد نص النهار طلع للمكتبة لي عندو .. ختار كتاب و هبط للصالة ... تفرش على الكنبي و بدا يقرا .. الحقيقة مش عوايدو ... من عادتو أول ما يوصل للفيرمة يعمل دوليشة صغيرة فيها ... الفلاحة الكل يحبوه و يحترموه .. يمشيلهم و يبقا معاهم بالسوايع... يحكي معاهم .. يعرف مشاكلهم و يعاون بلي يقدر ... أما هالمرة غير ... فادد و مش طايق حتى روحو... مش حابب يثقل أكتافو بمشاكل الناس .... لي فيه مكفيه...
- حبيبييي .... قرب منها و لف على وسطها حزام .. الليلة نحبك ترقصلي ...
مسكينة جمدت في بلاصتها و فمها تحل طاقة .. هالليلة باينه مش باش تتعدا على خير... من الخوف حتى كلمة مش قادرة تخرجها
- ك.....كي .. كيفاه ؟؟
- إمشي عاد ... سيبلي روحك .. .. بقت ساكتة .. تخزر و باهتة في عجب ربي ... صاح عليها ..
-قتلك تحرك ...
هههه كثر الهم يضحك .. تترقص بشايح لا غنا و لا والو .. آآه لا لا تي هاو صلاح هو لي تيغني .. لا الحق صويت عليه ... تي صوت البهيم أرحم ... ههه يغني في غنايت "أنا لي صنتك يا وردة "هههه ...الحاصل .. نفخت و بدت تتمايل .. قالت نطاوعو لين يسكر و يتكب .... هو باقي يشرب و يثبت فيها ب نضرة ذابلة ...
كل سكرة و هو ممرث بحالها .. كل مرة و هو طالعلها بطلعة شكل ... الليلة رشقتلو باش فتنة ترقصلو ... هي ترقص و هو يغني ...هذي السكرة ٱش حكمت عليه و هذا ٱش قالو مخو أعمل... منحكيلكمش على القهرة لي حست بيها فتنة وقتها ... حست كإنها من بائعات الهوى و جايبها باش تلبيلو رغباتو...
بدنها لي يتمايل قدام عنيه هبلو لدرجت إنو تكونسا و مش قادر حتى يقلب دبوزت الشراب في فمو ... بقا شادد الدبوزة و فمو محلول ... يثبت في أدق تفاصيل بدنها ...بدن ممشوق ... صدر معبي .. أجناب اولهم ضيق أما كيف يوصلو لحزامها يتحلو أكثر عطو لبدنها رونق .. افخاذ مفورمين و منحوتين نحتان ... ساقين بيض صغار و كعبهم أحمر ... ترهوج من لي يرا فيه .. وقف يطايح و لسق فيها .. ريقتو سايلة كيف الكلب... غرس يديه في صدرها بقوة و قرص عليه ... و بدا هابط يتحسس في كل قطعة منها ... فتنة عيونها جمر ... ترعش و مش طايقة يديه المسخين على بدنها ...
حس روحو فاشل و العرق لبو من ساسو لراسو ... هههه الحربوشة لي شربها قوية عليه و باقي مش مسلم ... هبط على ركايبو ... وفجأة هبط للقاعة يبوس في ساقيها بلهفة ...
- نحبك فتنة ... نحبك ... والله نحبك ... و بدا يطلع في أطراف الجبة و بدنها بدا يتعرا
فتنة ما طاقتش ... دزتو بقوا طاح .. و وقتها تجن ... نظرت الإشمئزاز لي في عيونها استفزاتو .. العيون لي نضرتها تذبح فيه كل يوم بحلاوتها.. فد من عجزو قدامها و زاد تغلغل أكثر .. وقف و جبد سبتة في يدو
- الليلة قاتلك قاتلك يا فتنة ... و هبط يضرب بهمجية كبيرة ...
في الوقت هذاكا محمود خرج لجنينة .. يشم في هوا نضيف ... وقف جامد يثبت في الصوت .. صوت مرا تعيط بحرقة ... زاد عقد جبينو حب يثبت أكثر .. سمع نفس الصوت ... صوت مرا تستنجد
... صوت قريب منو مش بعيد يتسمع بوضوح ... الدم غلا في عروقو و خرج يجري ... يحب يعرف شني الحكاية...
#ريما
أنت تقرأ
فتنة الجزء الأول
Romanceهذي من أنجح الكرونيكات التونسية فاها رسالة تحفونة برشا تحب توصلها الكاتبة احساس الأبوة #منقولة
