فتنة الجزء الأول

38

لحلقة 38 😍😍
فتنة أول ما رات المشهد حست النفس تقص عليها ... كميت الوجيعة لي حستها في بدنها ما تتوصفش... زادت نزلت على فمها بيدها أكثر باش تكتم شهقتها ...تراجعت خطوتين و خرجت تجري من غير ما تتلفت وراها ... دخلت لبيتها .. سكرت الباب و ترمات عل الفرش تبكي بحرقة كبيرة ...
بالحق فتنة حست ليلتها بوجيعة في قلبها عمرها ما حستها حياتها الكل ... تحب تصيح.. تحب تكسر .. تحب تقلب الدنيا أما المهم الوجيعة لي في قلبها تخف خاطر باش تقتلها .... حست بحرقة كبيييييييرة و نار شعلت فيها .. و مش فاهمة سببهم .. شنيا دخلها هي !!! ... راجل و مرتو و هما أحرار ... أصل كيفاش تتجرئ و تدخل لبيت نوم راجل !! .. منين جاتك هالجرئة يا فتنة !!! ... شنيا لبست و تزينت و صدقت روحك ؟؟؟
شنيا هاللي تحس فيه ؟؟ علاش محمود بالذات كي تراه قلبك يولي يدق !! علاش غرت و تمنيت تكون إنت في مكانها ... علاش تمنيت تكون إنت بين يديه و مش هي !! ناسية إلي إنت اليوم على ذمت راجل آخر يحاسبك قدام ربي ..ناسية إلي إنت اليوم ملزومة إنك تحافض على شرفو حتى في غيابو !! ... ناسية إنو مجرد التفكير في غيرو تتسمى خطية ...!! محمود خط أحمر يا فتنة ... حتى بعد ما طلق محمود باش يبقى خط أحمر .. راجل معرس و مستقر .. ولا خاطر وقف معاك باش تتجاوز حدودك ...
فتنة ليلتها كانت محطوطة بين نارين .. نار الغيرة و العشق و نار الندم و الإحساس بالذنب .. لي بكاتو ليلتها على المشهد لي راتو مبكتهوش حياتها كاملة ... لدرجت إنها فضلت ترجع لصلاح و لا تتكوى بالطريقة هذي ... زادت نقمت على وضعها أكثر و على الدنيا لي عاطيتها بالقفا ... عليه شنوا ناقصها هي .... عليه ما تعيشش كيف باقي الخلق !!! عليه كل فرحة وراها دمعة و وجيعة !!! علاه خذات راجل قد جدها حرمها من أبسط حقوقها الزوجية ... و عليه الراجل لي قلبها تمناه و مالو يطلع معرس و الدنيا تحكم عليها تراه في أبشع موقف ممكن ترا فيه المرا العاشقة معشوقها ... إبعد يا فتنة... إبعد لا تحرق روحك بالنار ... محمود مش ليك و لا عمرو باش يجي نهار و يكون فيه ليك ... عالأقل إنت اليوم حالتك أحسن من قبل ما تخصرش لي ربحتو ... عيش يا فتنة و تحرق بنار العشق .. عيش و شوف محمود كل يوم هو و مرتو ... عيش بغصة و قهر و سكر فمك ... عيش كيما الدنيا فارضة عليك مش كيف ما إنت تحب ..
تنهدت و تكمشت على روحها أكثر .. وجها المنور طفا ... و دموعها نازلة كيف الشتا.... سمعت باب بيتها دق جاوبت بصوت تااااعب "ادخل "
- ووووه .. شبيك فتنة ... سملة على وخيتي .. الله أحد عليك ... .. شبي حالتك هكا .. خليتك لباس عليك .. يا ناري تي حتى السخانة عند
جاوبتها بغصة و قهرة كبيييرة - تاعبة يا سمر تاعبة .. نحس وجيعة في قلبي باش تقتلني ..
- سملة عليك .. تحب نكلملك الطبيب ؟؟
- منضنش تلقا دوا لحالتي .. سكتت شوي و كملت تحكي ... متخافش تاعبة.. أكيد باش نمرض .. أمان أبقى بجنبي ..
-باهي حاول أرقد عيش أختي هاني بجنبك ... بقت تمسح على شعرها- و تشوف فيها كيفاش تبكي بحرقة و مش فاهمة شي .. أما متأكدة إنو صارت حكاية وصلتها للحالة هذي...
#ريما 💋