فتنة الجزء الأول

37

لحلقة 37 😍😍
آش تعمل إنت هوني !!! .. كيفاش دخلت !!! ... دزها بالقوي ووبعد-.
عليها كيف الملسوع .. خرج يزرب من الدوش و سطر روحو بمنشفة... و رما عليها منشفة باش تلم بيها روحها .. مش طايقها و لا طايق يراها من أصلو .. من سنين محرمها على روحو و مش حاسبها مخلوقة على وجه الأرض .. خرج يزرب من السال دو بان .. و قعد يمشي و يجي و العصب يهز فيه و ينفض .. ستناها لين سطرت روحها و خرجت و هجم عليها كيف الصيد ...
شدها من فمها بقوة. ... يحكي بعصب و ينزل عليه ...
- آش قتلك أنا .. آش نبهتك ... آش فهمتك أنا ... مش قتلك وجهك المسخ منحبش نراه ... مش قتلك لاك مرتي و لا نعرفك .. مش قتلك متبري منك قدام ربي و عبادو ...
مريم مسكينة غمضت عيونها و دمعتها السخونة نزلت بالوقت ..قلبها وجعها من كلمت محمود و كيفاش قلها متبري منك قدام ربي و عبادو .. 3 سنين و هي تحاول فيه ...3 سنين و هي تتعذب من غيابو ... و هو لحد الآن مش قابل لا يسامح و لا يغفر ... لهدرجة قلبو صوان!! علاش عمرو ما حس بحبها ... علاش عمرو ما لاحظ نضرت العشق لي في عيونها ... شنوا ذنبها هي !!! ذنبها الوحيد إنها عشقتو عشق أسود .. عشق تعدا جميع الحدود ... عشق عمرو ما تعشقهولو مرا غيرها حتى ولو كانت فتنة ..
شدها من مرفقها قرب يكسرهولها و رماها قدام الباب - آخر تنبيه .. آخر تنبيه !!! ... إذا كنت اليوم قاعدة تصول و تجول هوني براحتك فهذا راهو يرجع لبابا ... لحد اليوم مسكر جد أم فمي و مش حابب نعكسو .. زااد قرقص على يدها أكثر .. يحكي و ينزل على سنيه
- ما تركبش و تدلدل ساقيك زيادة عن اللزوم .. و متختبرش صبري أكثر .. قادر نحرق الأخضر و اليابس و ما نسإل على حد ....
هز راسو يلقا أمو و منى يخزرولو .. معالم الصدمة على وجوهم و عيونهم فيها نضرت خوف .. خايفين لا يطور الموقف و مش قادرين يقدمو و يفكوها ما بين يديه .. يعرفوه كيف يتسكرر مليح مليح .. عيونو تضلام و ما يكبر في عينو حد .. عطاهم قحرة ترعب و كمل كلامو كأنو يقلهم كلامي هذا موجه ليكم بالأخص .. أو بالأحرا موجه لأمو خاطر منى معندها حتى دخل
- ما تختبروش صبري أكثر راهو الكاس قرب يفيض ..
سكر الباب قرب يخلعو و دخل كيف الثور الهايج .. عيونو تعبات بالدموع .. قرص عليهم بيدو كأنو يقلهم لا متهبطوش .. جاو مبين عنيه صغارو يلعبو و يناديو عليه ... حسهم معاه في البيت و سمع ضحكتهم ... تنهد و حل الporte fenêtre .. جات عينة عالقصر المشؤوم لي شهد على أخيب يوم في حياتو .. صغارو التواما ماتو فيه بطريقة بشعة و سبب موتهم هو أمهم 😣😢
كبس على جبينو بدين ترعش من القهر .. ناقم على ضعفو و قلت حيلتو .. ناقم على الوضع لي طحت فيه .. هربت بيه الذاكرة ليوم الفاجعة و تفكر كفاش بديه دفن زوز صغيرات ملايكة ما عندهم حتى ذنب إلى إنو عندهم أم كيف مريم ... حتى هو بحد ذاتو ما عندو حتى ذنب في هالمأسات .. ذنبو الوحيد إنو ساير بوه في ماخذت مريم .. هو ما عرسش بيها عن إقتناع .. بالعكس هي كانت بنسبة ليه أمر مجبر و مش إختيار .. تنهد و قال بغصة
- الله يهديك يا بابا
#ريما 💋💋