فتنة الجزء الأول

35

الحلقة 35😍😍
محمود دخل كيف الثور الهايج لبيتو ... طربق الباب بقوة ... الدم يغلي في عروقو و يفرك بيديه بعصب ... نضرت زياد لفتنة جنتو .. صاحبو و يعرفو مليح إذا كان حط حاجة في مخو يوصلها يوصلها .. بقا يتفكر كيف قالو " لازم نطلقها في أقصر وقت .. كان جا بيدي نحل جد أمها المحكمة تو تو"... لا لا لا... شنوا معناها الكلام هذا ... عليش مزروب باش يحررها لدرجة هذي !!... يا خوفي يطلع لي نفكر فيه صحيح ... لا لا تي بالك عجبتو و برا ... أوووووف تي شبيك بهمت يا محمود ... زياد راجل واعي و رزين مش متع تعديت جو و فزات فروخ ... هي شنو معناها الكلام هذا !!!.. معناها باش يفكهالك يا مسطك ... معناها باش يعرس بيها يا بهيم .. معناها باش يرقد معاها ... معناها باش يجيبها تحتو ، يحسرها بين يدي و يغطس يتلذذ بحلاوت بدنها ... هههههه هذا آش كان سي الشيطان يوسوس لمحمود في وذنو...
محمود كيف جا منظر زياد و فتنة في الفرش معا بعضهم قدام عنيه زاد جن ، الدم طلع لراسو..... و فد فد فد لسماء ....هو بطبعو نرفوزي....
نحا سروالو بنطرة و حل زرار الشميز بقوة ... و رماهم في القاعة و دخل لبيت البانو ... قدم من الدوش و نحا البوكسير و خلاه رمي في القاعة .. آآآه آآآه آآآه من بدنو و زينو ... بدن راجل شرقي أصلي ... كل عرق و كل عضلة فيه يرمزو لقوة و شموخ مالكهم...و الكل الكل في كوم و سموريتو العذاب كوم آخر ...حل الماء السخون و قف تحتو يحاول يهدي في أعصابو لا يخرج يكسرلها وجها ... فتنة هي بالنسبة ليه خط أحمر ... لي يقربها أو حتى يتجرأ يخزرلها يكون حل على روحو و عليها أبواب جهنم الحمرة ... أما فتنة معندها حتى ذنب !! ... لا عندها ذنب .. ذنبها إنها هي فتنة لقلوب الرجال ... ذنبها إنها فتنة لقلب أكثر الرجال عشقا و جنونا ... ذنبها أنو هي فتنتهم و الفتنة أشد من القتل ...نيران الغيرة لي شاعلة في قلب محمود خلاتو يفهم و يتأكد إنو من اليوم فتنة ليه ... فتنة متاعو هو فقط .. لازمها تفهم إنو هي إعتبارا من اليوم تحت ذمتو ...ولي يتجاهل الحكاية هذي يحضر روحو للحرق بالنار ....
في الوقت هذا مريم كانت خارجة من بيتها متجهه لبيت محمود .. لابسة نويزات نوار كي بيها كي بلاش.... تحتها سوتيان فينو و سترينق يقهر مبينلها دريارها السكسي ... بدنها لكل على برا ... شعرها مجبود و مسبوغ سبغة جديدة عاطية عالروج كلاس عالأخر زادت بين لون بشرتها القمحية الفاتحة .. مكياج يسحر .. برفان ريحتها sucrée بنييينة ... متعدية تطرشق و مش هامها حد .. تمشي و جملة وحدة على لسانها .. " أنا الليلة لازمني نشبع براجلي"""