فتنة الجزء الثالث

2

الحلقة 95 💎💎
ههههههه ... من اول ما عرفها تعلم يعيش الدنيا و من اول ما عرفها تعلم يكون اناني .. اناني و اكثر من اللازم .. اناني لدرجة انو حلل على روحو الحرام ... الأفكار هذي الكل في ثواني دارت في عقلو بسرعة كبيييييرة ... شويا لا تحرقو ... تكبس بكلو من الغش و في نفس الوقت تنهد بحسرة كبيرة ... تنهد خاطر حس روحو الدنيا غدرتو بوجيعة كبيرة ... وجيعة هوا ما عندوش طاقة ليها...حاول يسند ضهرو من جديد و ياقف .. وقف كابس يديه عالاخر و يدور في عيونو على كل ماهو داير بيه ... هذي الكل املاكو ... البذخ هذا الكل لي عايش فيه متاعو ... ملكو و بحر مالو ....ههههههههه يقول القايل الملك هذا الكل و هوا مش فرحان !! ... الفلوس هذي الكل و هوا الهم على قلبو جبال ... و في لحظة بدنو تكبس اكثر ... بقا شويا و هوا حابس في مكانو ...و بعدها تبسم بوجيعة .. عيونو ترشقت في نقطة ضعفو ... و من جديد رجليه خانتو و بدت تقدم بيه لمكان هوا مش قادر يدخلو و هوا في احسن حالتو .. خلي يا توا و هوا في اتعس حالاتو ..و شكون ما يعرفش نقطة ضعف محمود في القصر !!! ... ايه هوا ...هوا نقطت ضعفو .. اكا الباب الازرق الصغيييييير لي يفصل بين قصرو و قصر بوه ... اول ما عيونو ترشقت فيه بدنو رعش ... و قلبو خض... ما يعرفش علاش ... اما حس انو بيت صغارو هي المكان الوحيد لي يقدر يهرب فيه ... يعني بعد هذا الكل ... الخطوة لي قدمها مع فتنة لقدام في مدة اشهرة ... هالليلة الكلبة رجعتو عكسها عشر خطوات لتالي ... 😠😠دز اكا الباب و بدا يقدم ... قصر حالو يبكي كيف حالة محمود توا ... جنينة ميتة لونها اصفر ... شجر يابس ... بيسين كبييييير مكسر و مهجور... و هو يقدم في وسطهم بدون اي هدف .. ضايع ومش عارف شنيا يعمل ... قلبو يعصر عليه ... باش يخرج من مكانو حابب يطمن عليها .. اما خوفو من الحقيقة يقلو لا ... حس بيد تحطت على كتفو بقوة ... و دورتو بكلو ... وكف يرهوج على وجهو ... خلاه للحضة يرجعلو شاهد العقل .. كف فيقو من الصدمة لي ستولت عليه و رجعو لأرض لواقع .. و من شكون هالكف ؟؟ ... من بوه ... من سي مختار ... من بوه لي سيب الناس الكل و تبع ولدو .. خاتر خزرت محمود ليه و ملامح الوجيعة لي على وجه ولدو شقتلو قلبو في ثنين ... و هذا الكل كوم .. و كيف راه ماشي باتجاه القصر القديم كوم اخر ... قلبو طاح بالفجعة .. زرب و لحقو .. خاف لا ترجع نفسيتو تتعب كيف قبل .. و يرجع محمود القديم .. و مكانش عارف انو باش يلقا محمود جديد ما يعرفوش جملة 😣😣... ما يعرفش انو الكف لي عطاهولو بش يقلبو 180 درجة ... و محمود 😣😣... اااااه ... محمود شد خدو بيد من الكف لي كلاه ... و هز عيونو لي تقدح بالنار قدح في بوه ... هوا توا فيق فيه وجيعة سنين ... فيق فيه كل كف كلاه من عندو و ذكرو بكل مرة عفس فيها عليه من غير رحمة ...عمل المسافة لي بينهم في خطوتين ...قدم منو كيف الصيد الهايج ... حط عيونو في وسط عيون بوه... و هز يدو لي ترعش يسأل بيها .. . و يحكي بصوت اللطف يزعزع من قوتو .. و يشوي من نبرت الحرقة لي فيه..- علاش !!! ... علااااااااااااااااش!! ... علاش كان انا !! .. علاش هذا !! .. و ضرب بيدو بقوة على صدرو شيرت قلبو ... و من شدة الضربة شعرة ولا يكسر ضلع لروحو.. - علاش كان هالقلب هذا محكوم عليه بالشوية ... علاش كان انا يموتو صغاري ... تتفكرو هذا ؟؟ .. تتفكرو ؟؟؟هز يدو و اشر بصبعو لأكا البيسين الكبييييييير لي في قصرو ...