فتنة الجزء الثالث

17

الحلقة 110 💎💎
.. لبنات تفاااااااعل .. احداث نااااار 💋🔥و فتنة مسكينة مش فاهمة شي ... تلفتت تلقا بجنبها للا خديجة و حفصية راكبة من قدام .. تخزر و حايرة ههههه ..كانت توا تبكي في الفرش شنوا لي جابها للكرهبة .. و زيد حفيانة .. و من غير لا تلبس لا veste و لا شيء .. تي الدنيا باردة عليها و على البيبي .. ثبتت مسكينة في حتلتها لي تضحك ملييييح مليييييح .. لفتت راسها تلقا خديجة تضحك بشويا ببلادة .. و اكا حفصية تڨحر لمحمود ... هزت عيونها شويا لمودي .. و يا ريتها ما هزت ... لقاتو يخزرلها من الrétroviseurs ... راشق عيونو في صدرها و يلحس في شفتنو ببلتدة .. و اول ما جات عينو في عيونها .. عطاها غمزة يا ناس عذااااااب ... هههه .. اما هي في المقابل عطاتو ڨحرة يا ناس عذاااب ... كبست رويحتها .. رجعت شعرها ورا ضهرها بنطرة و تكلمت بصوت عامل في روحو مغشش .... - إنجم نفهم انا توا فين ماشية !!!! ... اذا ما فماش مانع يعني .. بكلهم شادين رواحهم على الضحك .. خاطر بالحق حالها يضحك .. و مودي الوحيد لي جاوب بتمقسيس.. -خارج .. عندي rendez vous شخصي شويا ههههه ...و فتنة زادت فدت من طريقت كلامو .. تحكي و تنطر بيدها .. - و انا شنيا دخلي .. عليه مكركرني كيف المعزة وراك .. اااععععع .. و هنا كانت الجلطة .. جاوبها بكل برود .. - ههه .. يزي معادش تقول هالكلام و تشبه روحك بيها ...المعزة تتغشش .. هههههه اكا حفصية و خديجة طرشقو بالضحك .. مودي لفت وجهو للناحية الشباك يتبسم و شادد روحو .. و فتنة طريق كامل تغلي ... و لي زاد جلطها يا ناس الغناية لي حاططها محمود و يغني فيها .. بعلو صوتو .. غناية نصيف زيتون .. عندي قناعة 😍😍... .يغني و عيونو مرشوقة في وسط عيونها .. يقول في أكا الكليمات بشفايفو الرقاق لي يشهو .. عيونو الصغرونين لي بكلهم قوة و صلابة توا فيهم لمعة وليد صغير ... لمعت وليد فرحان و الدنيا مش سايعتو ... يغني في كل كلمة من قلبو .. و هوا راشق عيونو في وسط بحر عيونها ... يغني بخفة كبييييرة لدرجة انو حفصية صارت تغني معاه ههه .. -عندي قناعة ... بتموتي فيي .. و بتحلامي بكلمي مني .. عندي قناعة .. شو سهل عليي .. بغمزت عنيي .. باخد منك شو ما بدي بربع ساعة .. و بالحب عينك دووم عليي .. انت بحبي مستويي .. ماعندك 1 بالمية .. ضدي مناعة .. ضدي مناعة .. و كل ما توفا اكا الغناية يعاودها ههههه .. طريق كامل و هوا يهدد في حفصية .. يقلها يا تغني يا تهبط من كرهبتي توا ههههه .. و مرة في آخر الغناية .. تلفت لحفصية .. ضيق عيونو و سألها ببلادة .. - قلي حفصية .. تعرف تزفر !! ههه .. اااااااعععععع ...و اكا حفصية شعلت .. تضرب و تسب فيه هههههه .. وآخيرا بعد طريق كلو بلادة وصلو للكلينيك ... حفصية و خديجة هبطو .. لكن فتنة لتوا مش فاهمة شي .. طريق كامل و هي عاملة فيها منبوزة من محمود ... و زيد جلطها بآكا الغناية هههه .. يمكن خاطر كلام الغناية صحيح .. هي تموت فيه .. و في ربع ساعة يقدر ياخذ منها اش يحب .. لأنو و ببساطة هابلة عليه .. الوحم قاتلها .. بمجرد انها تراه او تشم ريحتو تحس بحاجة بنينة في كرشها هههه .. هزت راسها شويا ... ترا كان في الكلينيك لي متعودة تعمل فيه في فحص للبيبي .. و ترا في مودي حال الباب ببلادة .. و طبس عليها حملها بحنية كبيييرة ..هههه حط يدو ورا دريارها البومبي و قرصها .. و هي كيف العادة بدات تفرفت .. - سيبني ياخي هبلت .. نحا الفاست متاعو حطها فوق كتفها و تكلم..- والله و كان نسيبك باش يقولو عليك انت المهبولة مش انا .. باش يقولو مهبولة و غالطة في سبيطار لمهبلة .. اخزر لساقيك .. فما حد يخرج حفيان كان المهبول !! ... مودي محملها بين يديه و شاااااايخ ...و فتنة مسكينة مصدووووومة ... مش لاقية ما تجاوب .. فقط قعدت تخزرلو بعيون كلهم دهشة و استغاراب ... و تحس كل مرة بقبضت يديه لقوا عمال تتقوا عليها .. حستو كان يلقا يدخلها لوسط صدرو و يسكر عليها .. الحاجة لي خلاتها تركش عندو .. تلسق بدنها الصغرون لبدنو الدافي الميسكلي .. اكا الرمانات متع الميسكل لي في يدو مكبوسين و باينين عالاخر .. مفورمين يقهرو .. يشوو يا ناس يشوو القلب ... و هي ... ااااععع .. عيونها لمعو .. لقاتها فرصة باش تشبع شهوتها فيه .. لسقت فيه بدلال .. غرست راسها في رقبتو .. و كل شويا تعمل روحها تحرك يديها .. تفارع فيه... و تتلمس اكا الرمانات من غير ما يشلق بيها .. اما دويييييو .. محمود الرايس ما يفوتو شي ...#ريما 💋💋