فتنة الجزء الثالث

14

الحلقة 107💎💎
شنهبط ورا بعضو .. نحب تفاعل على كل حلقة 😍طل صباح جديد على فيرمة دار الرايس .. صباح كلو فرحة .. حب .. نشاط .. حيوية .. هههه اما بالنسية لفتنة فقط .. هههه .. فتنة لي رقدت بجنب حفصية .. معنقتها و شايخة ضحك .. شايخة ضحك على ذكريات طفولة مودي لي قاعدة تفضح فيهم توا حفصية .. ليلة كاملة و هي تحكيلها على مودي و صغرتو و عمالو الزرقة ..هههه .. بالحق كارثة هالراجل .. تضحك و شااااايخة بكل اتم معنا الكلمة .. كل شويا تتلمس اكا الكريشة .. و تتنفس من قلبها وقت لي تتفكر انو قطعة منو مزروعة في وسطها .. كل شويا ترا في خيالو ماشي جاي قدام باب بيت حفصية .. و تسمع في تنهيداتو لي عبات الفيلا .. هههه باين مقهوووور .. مقهووور و محموص عالاخر .. كل شي خططلو طاح في الماء .. شيجن و يدخل عندها .. اما لا .. هههه .. حفصية سكرت الباب و طردتو .. ههههه بالنسبة لفتنة هذا كان اول انتصار ليها على محمود ... بنسبة ليها هذي اول خطوة في طريق التمرد و العصيان عليه .. و بنسبة لأي حد خطوة البداية هي اول المشوار .. و الليلة اول ليلة في حرب الاعصاب لي شنتها فتنة على مودي .. حرب مستحيييييل يخرج رابح منها .. حرب نتيجتها محسومة من توا .. ملكة على عرش الفتنة و الجمال قررت انها تحرق قلب عاشق بدون رحمة .. هههههه .. اما يا فتنة لي يحسب وحدو يفضلو .. 😈 .. هذا محمود الرايس .. و مودي مسكين ليلة تعدات عليه اللطف .. بايت يتقلى على نار .. فكر الف مرة انو يعملها بالحق .. يهد عليه بجنب حفصية .. و يخطفها من جديد و يهرب بيها .. و بعدين يتراجع في اخر دقيقة .. عدا ليلة كاملة ماشي جاي .. يسمع في ضحكها المايع و ياكل في روحو .. يحرق في الدخان .. و كل شويا تجي قدامو فكرة منحرفة .. بالاخص بعد ما راها بآكا الكاب-دوبان .. مشا لبالو الليلة يبات عروس .. اما مسكين يا مودي ... شتبات منكوس هههه .. نهار جديد طلع .. مودي رقد والعصب ينفض فيه .. حتى في نومتو عاقد جبينو .. اااااعععع .. مبنووووو ... صحيح راجل مزيااااااان .. قلبو حنييين .. اما عصبانة و نرفوزي ههه .. راقد مسكين و كرايمو مكسرة .. مش مرتاح بالنومة جملة .. كل شويا يتخيلها بجنبو .. يقرص على المخدة بين ذراعاتو القوا .. يتنهد .. و يتخيل انو لي بين يديه هي فتنة ... راقد و يسمع في حركة كبييييييرة في الفيلا .. بارشا حس و باااارشا حركة .. قام فادد .. خذا دوش .. و هبط كيف عادتو .. وهرة و كرييزما ..😍.. ااااااععععع ... زينو يرهوج يا ناااس .. لابس bombers ڨري غامقة بالكابيش .. pull كاروات ڨري و نوارو و بلون.. دجين .. و موكسان كلاااااس.. دان في النوار .. آكا الموكسان تحشم باش تعفس بيه في القاعة من الذخامة .. لينات على عيونو مارك hugo boss .. و من غير ما نحكي على البرفان لي سابقتو بأمتار .. هههههه .. هابط في الدروج... عاقد وجهو و مكشبر .. و في نفس الوقت يقلب في عيونو في كل مكان يفتش عليها .. يحب يراها ... اما ستغرب ما فما حد في الفيلا ...دخل للكوجينة .. يلقا حفصية و خديجة لابسين و متشيكين على غير العادة .. و قاعدين يوتوتو بالشويا .. ههههههه .. و فتنة .. اااااععععععع .. فتنتو غاطسة في حكة النوتيلا ... شفايفها لي عذبو بكلهم شكولا .. خشمها الصغرون .. صويبعاتها .. خديداتها الموردين ...كلهم ..كلهم نوتيلا ..هههه تاكل و تبعد في شعيراتها الحرير من علا و جها ...مغمضة عويناتها و تتبنن فيها ...و كل شويا تقول "مممممم"...و ما نحكيلكمشي على حاالة مودي و هوا يرا فيها ... شايخ عالاخر في مخو ... و مركز معاها عالاخر كيفاه تاكل ... و اكا كلمة مممم لي خارجة منها تسخنو و تهبلو بالوقت ..هي مالحضتش وجودو.. اما هوا مركز معاها.. سكتت شويا هههههه .. تطعمت النوتيلا مليح مليييييح ... عوجت راسها و بعدين تكلمت ..- امي خديجة .. توا النوتيلا كيف نعمل فيها شويا ملح تجي بنينة !! ...هههههه .. محمود بهم .. حل عيونو على وسعهم ...و حفصية طووول عوجت فمها مش عاجبها الكلام ... - هاوكا بدينا في موال كل يوم !! ... بدينا في نفحات للا فتنة ... فتنة حلت عيونها .. مش عاجبها الكلام .. حطت يدها في حزامها و تكلمت ...- خالتي حفصية .. مش انا لي شتهيت .. عدت يدها على كريشتها ... مودي الصغرون هو لي شتها مش انا .. ااااااععععع ... و مودي ترهوج ... مسكين من تأثير الكلمة لي قالتها فتنة ... قلبو خض في صدرو بالقوي .. و تبسم من غير ما يشعر .. 😍😍 مودي الصغرون 😍.. اما حفصية ضيقت عيونها .. و ڨحرتلها .. - مادام مودي الصغرون هوا لي شتها .. ناديلو مودي الكبيرون يحققلو رغباتو .. احنا تعبنا من شهواتك لي مش معقولين جملة .. كل مرة و احنا باعثين اكا الشيفور المغبون للتونس يجيبلك في شهواتك .. و ما يلقاهم كان ما ريقو يشيح ... دوحت راسها و كملت كلامها ... و زيد عقبات الليالي .. مسكين حسيتو توا يهج منك و من وحمك .. تعرف اخر مرة كي فيقتو بالليل شنيا قالي !! ... قالي يا خالتي حافصية مرتي كرهتها .. نهار لي قتلي راني نتوحم فيه بعثتها لدار باباها .. كرهتوني في الوحم .. صارت عندي منو عقدة هههههه ... خديجة طرشقت بالضحك خاطر كلام الشيفور صحيح ..حفصية و فتنة يقحرو لبعضهم ..... اما محمود مسكين قلبو وجعو من الكلمة .. هوا موجود .. مرتو تتوحم .. لا في علمو لا في درايتو .. و الشيفور هو لي يجيبلها في شهواتها .. تقول ولدو يتيم !! .. ما عندوش بو .. كيفاش يغلطو و يتصرفو هكا معاه !! ...كيفاه يحرموه من ابسط حقوقو ..#ريما 💋
محمود توا فين حسها .. توا فين عرف انها الفازة لي عملوها توجع عالاخر ... توا فين حس انو هوما حرموه من حقو .. حرموه من انو يعرف بولدو .. كبس روحو و دخل ... عاقد جبينو .. حاطط يدو في مكتوبو .. و يحكي بلهجة منرفزة عالاخر .. - والله c normal الراجل يفد .. يقلك انا شنيا دخلي ... بوه مهملو و مش متولهي بيه تجي في راسي انا !! .. محمود الرايس مهمل صغارو .. مش هكا فتنة ؟؟ .. و تلفت لفتنة يا ميمتي .. عيونو تقدح بالنار .. خزرتو تشوي .. كل شي يقدر يسامح فيه .. حتى بعدها و حتى هجرانها .. اما صغارو لا .. خط احمر بالنسبة ليه .. حد ما يقدر يحرمو من حقوقو فيهم .. محمود راجل كان طول عمرو مسؤول على صغارو .. بو بأتم معنى الكلمة .. نعرش كيفاه نفسرلكم احساسو .. لكن .. هوا بالحق توجع .. هوا تشوا من سنين .. و من سنين يستنا في صغير يداويلو جروحو .. يرجع يحس معاه اكا الاحساس البنين ..يرجع معاه يحس انو عندو سبب عايش على خاطرو .. يحب هوا يحققلو شهواتو .. يحب هوا يخرج في االيل يدور و يفتش كيف المهبول .. و يجيبلها لديها كل شي .. يحبها تددل عليه هوا .. مش على الشيفور .. و بالاخص انو الاحساس هذا حتى مع مريم ما حسوش .. لا نهار توحمت و لا نهار شتهات حاجة ..يمكن خاطر كانت فادة من الحبالة .. و محمود هوا لي غصب عليها باش تجيبهم الصغار .. و فتنة مسكينة جمدت في مكانها من نضرتو ... ملامحو مكبوسة تخوف .. ما عرفتش شنيا تقول .. هههه .. غطست راسها في اكا حكة النوتيلا .. و رجعت تاكل من سكات .. خديجة حبت تلطف الموقف .. تبسمتلو تبسيمة عسل .. مسحت على شعرو و تكلمت ..- صباح النور يا بابا ..رقدت مليح !! .. شنيا تحب تفطر قلي توا انا نحضر لولدي الغالي .. - اعملي قهوة .. راسي شيطرشق من الوجيعة ..قال اكا الكلمتين و وقف بجنب خديجة يستنا في قهوتو ... و كل شويا يڨحر لحفصية و فتنة في نفس الوقت هههه ... و اكا حفصية قالت خليني ندكك شويا .. - فتنة اش رايك في النومة بجنبي ؟؟ .. رتحك الفرش .. عادا جرايتي بالماء مريحة .. اااععععع .. و اكا فتنة تبسمت ببلادة .. فهمتها تحب تدكك على مودي ... غرست راسها في النوتيلا و جاوبت .. - عالاخر خالتي ... والله مش نرمال .. كل ليلة باش نرقد بجنبك .. اصل انت لا تتحرك و لا تقلقني ..حفصية شدت اكا السبحة و شدت الضحكة بالسيف .. - كهو .. متفاهمين .. من اليوما جنبي على جنبك . هوما يتضيحكو و محمود ياكل في روحو .. لكن حس بحاجة غريبة .. بكلهم لابسين و متشيكين .. تي حتى من حفصية لي مش من عوايدها .. جا شيسألهم و بعدين بطل .. اما بقا مركز مع فتنة عالاخر .. يستنا فيها باش تاقف من الطاولة .. هي قاعدة توا و مش قادر يرا شي ..يترشف في القهوة و كل شويا يسرق في النضر منها .. يسمع في كلامهم و ساكت .. اما مركز معاها ياااااسر ..شويا وقت و فتنة كملت فطورها و قامت .. و يا ريتها ما قامت .. اااااععععععع 😍😍..شبيها لابسة هكا .. شبيها مزيانة و ساكسي بالطريقة هذي !! .. روب نوار اجستي قصيرة ... شتترشق على بدنها .. كريشتها دازة لقدام .. دريالها مفصلة ...دخلت الفورم لي في بدنها شتهبلو ...روب نوار صدرها محلول شويا من فوق .. شعرها شدتو queue de cheval عالي ياسر .. قصتها عاملتها على جنب .. قداه تواتيها شدت الشعر هذي .. وجها مدور .. يزيد يحلا و يضوا .. قداش تعجب محمود كيف تعملها .. هي اصل تعجبو في كل حالاتها .. و مش تعجبو كان هوا .. مستحيل راجل تجي عينو عليها و ما يتفتنش بجمالها .. لابسة تحت الروب collant opaque نوار .. bottines فييييينو نوار مارك chanel .. و ..foulard de cou زادة مارك chanel فيها بارشا الوان زاهيا .. ااااااعععععععع ...عذاااااب ... و كلو كوم و الروج لي عملتو في شفايفها كووووم .. روج احمر vif كلاس عالاخر و مبلحط بالنوتيلا .. هههههه .. منضر خلا مودي يسخن بالوقت ... عيون فوقهم بنسو رقيييق زاد حلاهم .. كبرهم و خلا لونهم يضهر اكثر ... مشهد قد ما اغرا مودي قد ما استفزو .. ضيق عيونو .. من غير ما يشعر قرب منها .. جمالها استفزو .. عدا يدو بحنية على شعرها لي يوصل لاخر ضهرها و تكلم بحنية .. - شبيك لابسة هكا !! .. - خارجة ... هههه .. جاوبتو بكلمة وحدة .. زادت لهبتو بيها .. - شنيا خارجة !! ... كيفاه !! .. فين ماشية .. ههههه .. فرصتك يا فتنة شتعذبو و تقهرو ... هزت كتافها بدلال و عاودتلو نفس الكلمة .. - خارجة .. طريقة اجابتها هالمرة خلات مودي يبدا يجن .. اما باقي شادد روحو ... حاجة فيها مخليتها تسيطر عليه بكلو .. مش حابب يغششها .. بالعكس .. يحب يقرب منها .. - فين خارجة .. - والله موضوع ما يهمكش ... هزت كتفها و جاوبت بإستهتار .. انا حرة ... ااااعععع .. هههه .. صدمة لمودي .. عمل ڨريماس بوجهو متع صدمة .. مش مصدق الكلمة لي سمعها توا ههععع ... هز حاجبو لفوق .. ڨدم شفتو .. غمزها غمزة متع عصب و تكلم .. - مافهمتش !! ..ليا انا الجملة لي قلتها توا !! ... - ايه ليك انت .. انا خارجة .. رجعت قصتها ورا وذنها بدلال و تكلمت .. عندي rendez-vous شخصي شويا .. و لنا محمود بالحق شعل .. عدا عيونو عليها بزربة .. جمالها لي ستفزو طلع مش ليه هوا ؟؟ .. الزين هذا لغيرو ؟؟ ..في لحضة معالم وجها تعقدو من جديد .. و صوتو تكبس ..- نعم !! rendez vous شخصي شويا !! ... بالك ترا فيا طحان انا هوني !! .. مش راجل !! .. كيفي كيف كرسي الطاولة .. مرتي تدخل و تخرج من غير اذن !! .. اه نسيت .. ولا قول عندك شهر تدخل و تخرج على كيفك ... و مركحة جوك ..#ريما 💋💋