فتنة الجزء الثالث

36

الحلقة 129 💎💎
تفاعل على كلللللل حلقة .. قلت كوووووول حلقة ... اذا تحبو فتنة كل ليلة نحب تفاعل على كل حلقة .. ههههه ...كلمات خلات فتنة تتراجع وراها خطوتين ... قلبها يرعش في صدرها ... تحب تتكلم ....تحب تفرغ قلبها .... تحب تقلو راني نعشقو ... راني نموت و نفنى في بعدو ... لكن زادة كيفها كيف اي مرا تحب تحس انو مرغوب فيها....مش انو مرغوب في الصغار لي في كرشها ....بقات تخزرلو بنظرة مش مفهومة ... فيها بااارشا كلام ... برشا وجيعة و زادة كلها احاسيس متناقضة ... في لحظة مخها جات فيه الف حكاية و حكاية ... لسانها رزن ... و كيف العادة الصمت غلبها ....صمت بدا يستفز مختار الرايس ... يمكن خاتر لتوا مازال ما يعرفش شخصيتها ... ما يعرفش انها أضعف من إنها حنى تعبر ... و للاسف صمتها خلاه يفهمها بالغلط .. كبس روحو ... حط يدو على كتفها... تبسم بمرارة و تكلم بصوت موجوووووع ...- أكيد قاعدة تقول راهو يكذب عليا ... او شنوا يحب من ورا كلامو هذا ؟؟... فتنة جات باش تتكلم و هوا حبسها بيدو .. - بو قاسي ... حكم على ولدو بمرا ما يحبهاش .. قهرو سنين و اكيد مازال حابب يقهرو .. اكيد قاعدة تقول مش باش يحن عليا انا ... طبس راسو .. عطاها بضهرو .. حط يديه الاثنين في مكتوبو ... كبسهم عالاخر و اكا العروق برزو .. ههههه .. محمود لا مشا و لا جاء ... - حد ما سأل و لا عرف سبب قسوتي ... صحيح قسيت عليه .. قسيت خاتر متأكد انو محمود عزوتي و قوتي .... محمود الجبل لي صنعتو لكبري ... محمود حيط الصوان لي بنيتو باش نفرد عليه ضهري نهار لي نكبر و نهار لي قوتي تضعف ... ربيتو على الرجلة و خلقت منو نسخة من روحي ... حبيتو اكثر من اخوتو ... كل فين يكبر عام كنت نرا فيه في روحي و نرا فيه في رجولتي و قوتي ... قلت هذا هوا ... هذا لي ستنيتو و الحمد لله لقيتو .. طبس راسو اكثر . . عيونو لمت فيهم دمعة حنية .... و صوتو عمال و يغرق ببحة متع بكاء .. - نهار لي توافى خويا روحي ماتت معاه .. توفى و قبل ما يموت حط في رقبتي امانة تتهرب منها الجبال .. حط في رقبتي بنية صغيرة يتيمة البو و الام ... قالي بيني و بينك مريم بنتي ... نحاسبك عليها يا مختار نهار لي يبدأ ربي قاضي و ملايكتو شهود ... مايكفيش شوية خويا و مرتو ... زيد نتحمل مسؤولية يتيمة .. و ربي و الرسول وصاو على اليتيم ... خف عليها ... ذاريتها في عينيا ... ربيتها و انا نرعش عليها .. قتلي بابا من الصغرة و قالت للا خديجة امي ... كنت نحرص انها تاكل قبل صغاري ... نحرص اني نشريلها اكثر من صغاري ... اني نفرحها اكثر منهم ... لدرجة اني كنت ساعات نقصى على صغاري .. لا لشيء .. فقط باش نبري ذمتي من المسؤولية لي لسقت في رقبتي سنين .... سكت شويا ... تنهد تنهيدة من جروح القلب و كمل حديثو ...- ربيتها و بدات السنين تجري ...لي كسرلي ضهري هي نضرة الحزن لي كل عام نراها أغرق في عيونها ... نضرة نرا فيها من لي هيا بنت 8 سنين و كل عام نزيد نراها تكثر و تكثر ... قلت بالك خاطر بدأت تفهم و تحس انو هي يتيمة ... و تفهم معنا كلمة يتيمة ... لكن لا ....مش هذا سبب .. مع السنين فهمت انو محمود لي هوا مصدر قوتي هوا نفسو مصدر حزن و قهرة بنت خويا و لي هي امانة في رقبتي ... كذبت و نسيت و قلت اكيد توا تكبر و تفهم لكن لا... كل فين كانت تكبر كل فين حزنها يزيد.... دموعها بدات تسيل ...و نفسيتها بدأت تدهور ... و وقتها عرفت و تأكدت انو محمود هوا الاكسيجين لي تتنفس بيه .. فهمت و تأكدت انو مريم ما حستش بيتمها جملة معانا ... مش على خاتر انا ربيتها .. لا ....هي ماحستش باليتم بوجود محمود ...وقتها كلو كان ليه و تفكيرها كلو كان مركز معاه.. ضحك بوجييييييييييعة و كمل يحكي ... فهمت هي عليه تجيني تبكي وقت يلعب مع غيرها .. تجيني تشكي وقت خديجة تفرض عليهت تاكل و ما تستناهوش .... تجيني تتوسل باش نمنعو انو يخرج خاتر عارفة انو بنت الجيران تستنا فيه ... تجيني تتسكبن باش تاخو فلوس و تشري تالون هي ما تقدرش تمشي بيه و تتحمل وجيعتو في ساقيها فقط باش تبان كبيرة في عيونو ....فهمت و فهمت و فهمت ... عرفت حبها ووحسيتو و في نفس الوقت حسيت بولدي لي مش معدل عليها ... لحد ما في نهار دخلت عليا مريم في حالة يرثى لها ... قتلي نموت و لا محمود يبعد عليا .. يا عمي مريم عايشة بمحمود ... يا اما تعرسلي بيه و تشريلي سواري كيف العرايس .. يا اما تشريلي كفن و تحفري قبر بجنب امي و بابا.... تنهد من جديد ... عدا يديه بعصب على وجهو لين حمر ....و زاد كمل بحكي .. - غصبت عليه و ياريت ما عملتها .. ماكنتش نعرف نهايتها ... ماكنتش نعرف انو ولدي باش يتشوا ... ماكنتش نعرف اني باش ندفع ثمنها غالي ... موت زوز احفاد ...و نقمت ولد على بوه ... #ريما💋
ولد كان يرا في الدنيا بعيون بوه ... ولد لزو بوه باش يقلو احسبني متت .. انت من اليوما ما عندكش ولد .. انا دفنت اولادي و انت دفنت ولدك .... طرشق بالبكاء ....- ولدي لي ضلمتو باقي لتوا واقف في ضهري ..ااااعععععععع .. كلمات و كمية وجيييييعة تشويا يا ناس ... كلمات خلات فتنة تحس بكل حرف منهم . خلاوها من غير ما تحس تجري و تترما في حضنو ... شعرها يتلف على رقبتتو .. بدنها الصغرون يلسق فيه .....و شفايفها لي ترعش تنطق في كلام بزربة ...- حسدتها .. حسدتها ...والله حسدتها ... ياريت كان عندي عم كيفك ... ياريت ربي رزقني ب بو كيفك .. ياريت حسيت بربع الحنان لي انت عطيتهولها ... يا ريت كنت انت بابا و كنت نقدر نبكي و نخبي روحي في حضنك .. ياريت كنت لقيت شكون ياقف معايا كيف مريم و ما يخليش الايام تعفس بيا .. انت بابا ...انت بابا لي حلمت بيه في صغري .. انت بابا لي ياما طلبت ربي يبعثهولي .. انت بابا لي كيف كنت نبات جيعانة و عريانة و بردانة نبات نحلم بيه .. نهز يديا لسماء وونقلو يا ربي بدلي بابا بوحد اخر . انت انت ... انت بابا ..و في لحظات يا ناااااس .. جبل الكره و الحقد لي بينهم تهد ... هوا حس بوجيعتها و هي فهمت كمية صدقو و احترماتو ... بعد عناق طويييييييل هزت راسها و تكلمت بالشويا .. - ن ... ن.. نحبو أنا ....ههههههع قالتها بطريقة خلات مختار يضحك و يبهت .. - شكون هذا ؟ .. خبات راسها في صدرو ...- م .. مح ...محمود .. - ايه نعرف .. هوكا نرا فيك اليوم و طولو تتعارك انت و لجين عليه هههههه ... - هي تعارك فيا مش انا ... - ممممممممم .. و كيف انت تحبو ... تحب تعرس بيه ؟؟؟ ... ااااععععععع .... و هوني فتنة تتحول ... تهز اكتافها .. عيونها الڨري تلمع ... تعدي لسانها على شفايفها ببلادة و تتكلم بدلال ... - لا ما نحبوش ....ههههه كلمات صااااادمة يا مختار ...ولدك اخر عمرو يترفض ... محمود الرايس كلو يقولولو لا ...مانحبوش ... مختار ضيق عيونو ....و سألها ببهتا كبييييرة .. - كيفاش ...مثبتة ؟؟ ..- مش بارشا ....زاد ضيق عيونو و سألها ..- كيفاش ؟ ...- مش توا يعني ... زاد ضيق عيونو و قاللها كيفاش ؟؟ ..- مش هكا يعني ... اااااععععع ....و هنا عرق العصب ضرب عند مختار .هكاكا ارجع لاصلك هههه ... نفخ بنطرة ووتكلم بالقوي .. - يا بنتي فهمني ... شنوا هذا .... رقق صوتو و بدا يقلد فيها.. لا مش توا ..لا مش هكا .. لا مش برشا ...و اكا فتنة عوجت شفايفها ... تقول بيبي و باش يبكي هههه ... - هوا ... هوا ... هوا ما يحبنيش .. هوا يحب على صغارو ...هوا مخو مش مع فتنة .... سي .. سي ...سي مختار ... - لا اسمي بابا مختار ... شنوا قال توا ؟ بابا ... اااااه .. ااااه ... اااااه يا فتنة عشت طول عمرك و انت تستنا فيها ... كلمة نزلت على قلبها العطشان و رواتو .....قربت منو بلهفة ... شدتلو يدو بيديها الصغرونين .. و تكلمت بزربة و فرحة ...هي توا في بر الامان ... بر مختار الرايس ... حسسها بالأمان و قلها انا بوك.. توا ماعندوش الحق انو يتراجع ...توا لازم ينفذ .. ههههه .... قربتلو بزربة تقول بنوتة صغرونة مش ام و في كرشها 3 صغار .. تتبسم .... عيونها فرحانة .. وجها في لحظة نور ..خدودها وردو ... والله يا فتنة و جاتك الفرصة باش تنتقم لحد يديك ... - نحب نعذبو .. نحب يعرف قيمتي .. غمضت عيونها .. تنفست بكل قوتها .. عبات رواريها بالهواء البارد .. هواء نسمة الصبح .. عيونها المغمضين بداو يصورولها في حلم عمرها ....و شفايفها الروز بداو ينقلو في حلمها الصغرون لمختار .. - نحبو يخطبني ... نحب نحس كيف البنات .. خطيبي حاشتو بيا انا ....و يحبني انا ... و بابا يتعزز عليه في الخطبة و يصعب فيها عليه ... نحب سواري ابيض فينو ... نحب فرح و تزغريط و دربوكة ... نحب عرس ...نحب نلبس خاتم و يغنيولي كيف ما يغنيو للعرايس ... نحب نفرح .. نحب نفرح ... دمعة نزلت من عينها .. هههههه ... يمكن دمعة فرحة احلامها.. نحب نحس انو عندي عيلة .. هوا مش حاسس انو عندي عيلة ....هوا يسيبني وقت لي يحب و يرجع يعذبني وقت لي يحب انا تعبت ... و قبل كا تكمل كلامها .. حضن دافي من جديد يتلم على بدنها الصغرون الدافي ... - مش عاملي فيها عنطر زمانو ؟؟ ....مش مستقتل على العرس و مستقتل عليك ؟؟ ....ايه يتحمل ... اذا كان يقدر يتحمل ... ااااااعععععععع ... يا ناري عليك يا مودي اش يستنا فيك 😂😂..... في الوقت هذا كان فما حد يراقب في فتنة و مختار .. حضر من اول اللقاء .. شاف الاحضان و الدموع ووالمشاعر الصادقة ....و للاسف المشهد هذا خلا كمية الحقد و نار الانتقام يتفاقمو في وسط قلبو 😣😣....- باهي نحب بقلاوة انا .... ريحتها في خشمي ... - بقلاوة ؟؟؟ .. توا الستة متع الصبح ؟؟ .. - ايه شتهيتها ... شتهيتها عالاخر.. طرشق بالضحك و جاوبها .. -كيف ما شتهات القطوسة عشايا ليلتها ؟؟؟- #ريما💋