فتنة الجزء الثالث

18

الحلقة 111💎💎..
انا هاني نهبط ورا بعضو👎👎.. ما نلقاش تفاعل حد ما عاد يفتش عليا هههه 😂😘الحاصل .. حطها في حجرو ... و بدا يبوس فيهم بالواحد و يلعب عليهم ... شاايخ معاهم و شايخين معاه ... يحاول يعنقهم الكل و يشبع من ريحتهم بكلهم .. قلب محمود فيه حنان يكفي 1000 صغير .. قرب منو وليد صغروووون بوقوس .. يمكن عمرو 3 سنين ... شعرو بالجال واقف أرطب .. عيونو شهل كبار يعشقو ... خديداتو حمر .. و حاطط صبعو في فمو و يقحر لفتنة .. و مودي جبدو بقوة لحضنو .. تكلم بصوت باش ينطق من الفرحة لي فيه .. - ليث .. يا رجال ... تي وينك .. توحشتك انا قد ما مشا الكلب حافي ههههع ... و اكا ليث جاوبو .. (ليث أسمو على أسم ولد محمود لي مات 😣)- حتى انا مودي .. سبيك معادس تزيني ؟؟ (شبيك معادش تجيني ) .. و سكوني (شكوني ) هذي ؟؟ .. و سبيك معنكها ( و شبيك معنقها ) هههه ؟؟ .. و محمود هز حواجبو الاثنين باهت .. - يا معاااااالم ... 3 سؤلات في سؤال ؟؟ .. طرشق باضحك و تلفت لحفصية لي وراه .. - حفصية هذا بحاث باهي .. تقدر تعملو فورماسيون عندك و دخلو يخدم في فرقة الابحاث معاك .. طرشق بالضحك مرة اخرا و تلفت ل ليث .. - ليث حفصية هذي نسناسة كبيرة .. نتصور تتفاهم معاها .. و بالنسبة لشهرية ما تخافش .. الخلاص باهي و نصبو عليك ههههه 😂😂😂.. حفصية طرشقت بالضحك و ليث مسكين مش فاهم شي .. اما قرب من مودي وشوشلو في وذنو .. - مودي مذيانة ياثر (مزيانة ياسر ) هذي .. ثنوا إثمها؟ ( شنوا إسمها ) .. زاد وطا صتو .. رجع صبعو في فمو و تكلم .. أذين من ثاحبتي لي تكرا معايا ( ازين من صاحبتي لي تقرا معايا ) ...ااااععععع .. تصدق و تمنو بالله كيف نقلكم محمود غار هههههه ؟؟.. ايه .. غار عليها من وليد صغير .. غار و كيف عرف روحو غاير شااااخ على روحو .. ضيق عيونو .. وقرب يوشوشلو بالشويا .. - معلم ... تبزنسلي على المدام ؟؟ ... غمزو و كمل كلمتو بشويا باش فتنة ما تسمعش .. هذي راهي متاعي ... كمل كلامو و هزلو يدو الصغرونة .. باسهالو بمعزة كبييييرة .. حطها فوق كرش فتنة و فوق منها يدو هوا .. عيونو فيسع ما تملات بالدموع .. بلع ريقو .. و بالسيف ما خرج الكلام من لسانو ..- ليث .. خوك هوني .. ولدي لي ستنيتو باش يجي .. سلم عليه و قلو راني نحبك .. ليث ضحك و عدا يدو الصغرونة ببرائة على كرش فتنة .. و فتنة مسكينة من قوة الاحساس عيونها تملاو بالدموع .. رشقت عيونها في عيون محمود .. و لأول مرة ما فهمتوش .. عيونو فيها مزيح من الاحاسيس و المشاعر متناقضين لدرجة انو مستحيل تفهمهم .. لكن فهمت منهم حاجة فقط .. فهمت انو الراجل لي توا بجنبها باش يكون اعضم اب في العالم .. شويا وقت و جا مدير الكلينيك يمرحب بمودي .. فرح بيه .. و قلو تفضل معاية الطبيب يستنا فيكم .. و مودي حمل فتنتو من جديد و توجه بيها للطبيب .. لكن .. لا لا .. لحضة لحضة ... شبيه الطبيب مزيان هكا !! .. شبيه بوقوس هكا !!...ميسكل و برفان .. و عيون خضر .. محمود اول ما راه حس بالإشمئزاز هههههه ... و الطبيب اول ما را فتنة حس بالفرحة .. تبسم من غير ما يشعر .. و تكلم .. - مرحبا .. مرحبا.. الكلينيك نور .. مرحبا بفتنة ... محمود هز حاجبو مستغرب .. طبس راسو لفتنة لي راكشة عندو و تكلم .. - متقليش المبلي هذا هوا الطبيب !! ... فتنة تبسمت و هزت راسها .. و محمود حس بأم الدم ضربو في أم مخو .. هز راسو ثبت في الطبيب مليييح .. و عاود هبط راسو يحكي مع فتنة .. - هذا الطحان لي جايتني الصبح و تقلي رنديفو شخصي شويا !! ..و قبل ما يسمع الاجابة .. يرا كان في الطبيب توجه لبيت الفحص .. حل الريدو .. حط يدو على اكا لي يتكو عليه النسا الحبالة و تكلم ...- هيا فتنة .. هز الروبة و ايجاني !! ... اااالععععععع ... لاااا .. هههههههه .. و توا محمود الرايس يتحول من جديد 😈😈..- عندك حبوبة تقوية ولا نخطف روحي للفرمسي و نجيبلك !! .. الطبيب استغرب مش فاهم شي .. و محمود كمل كلامو .. - كان ما عندكش قلي .. مش مشكل .. مش باش نبطا ما هزت هي الروبة كان ما أنا خطفت روحي جبتلك الحبوب و نجيب معاهم بالمرة شويا شمع رمنسي باش تريقل جوك و اعصابك هادية 😂😂😂😂...الطبيب مخو عكش ههههه .. جمد في مكانو من لهجت محمود لي بكلها تمقعير اما مخلطة بيااااسر غش ... مدير الكلينيك يغمز في الطبيب باش يسكت .. و كيف العادة خديجة و حفصية يتضيحكو .. و لإنقاض الموقف المدير تكلم .. - سي محمود هذا من اكثر الطبة كفائة عنا .. هوا لي يتابع في حالة مدام فتنة من لول .. و هذا الطبيب الوحيد لي عنا توا .. كلام المدير زاد نرفز مودي ... لكن تمالك اعصابو .. - جاي نشري في سروال انا تقلي هذا لي عنا توا !! ... حفصية طرشقت بالضحك .. اما خديجة قرصت بيدها على كتفو .. و وشوشتو .. - فتنة بدنها ضعيف .. و هذا اقوا طبيب .. يكفي من التصعصيع و هبط المرا خليها تعدي يا مكبوب .. محمود زاد غزل و تحمص .. الطبيب بكلو مش عاجبو .. مش طايق يخليه يلمسها .. نضرتو ليها محملهاش .. اصل هوا متأكد انها على درجة من الجمال تفتن الحجر مش انسان من لحم و دم ...#ريما💋💋