فتنة الجزء الثالث

42

الحلقة 134
وفا العرس مودي فرحان بش يروح بفتنة لكن حفصية  قاتلو دواو حتا بعد العرس حرمينو منها مسكين ههههه
مودي : شنوة امي حفصية العرس و عملنها و اشطيح و اشطحنا و البقلاوة و كليناها اشمزال تو وقت ليلة الدخلة
حفصية: انا دخلة و لمرا حبلة بتلاثة ماكش ترا في حالتها
مودي : تو نتلها باها انا
حفصية: اركح ريض و انتي وين تفهملها اومور انساء
مودي : عندي خبرة منيش جديد في دومان هذا
حفصية : سكت حسك كلمتين فتنة ماتتحرك من هوني كان ماتتحسن
فتنة على قد ما تخلي في قلبها على قد ماحالتها تتعكر
من غدوة حالتها زادت خيابت و شدوها اوجايع
حفصية : برا كلم الطبيب قولو يجاها
مودي : تي انا طبيب متاعك عندي ماخير هي جاية في الثنية
هو كمل كلام و الباب نوقز مودي هز يده يشوف فل منقالة متاعو مودي : ربع ساعة بضبط هي الناس لمنظمة و تعرف قيمة الخدمة
الناس الكل كان ملمومين بفتنة و حفصية مشات حلت الباب الطبيبة جات طفلة جون حليلتها اكا الشعر طويل ارطب بني و اكك العينين لخضر و اكا البشاشة الي في وجها دخلت عندهم : سلام
للا خديجة: مرحبا بنتي ايا تفضل
قربت الطبيبة من فتنة حستها متوترة تحكي كينها تقرا فاها : فتنة ظاهرة متوترة ثما حاجة مقلقتها و هذا مش باهي للمرا الحبلة لازمك تفضفض تنجم تحكيلي لمقلقك احسبني صاحبتك مش طبيبتك
فتنة على عصابها : لا شي جوست وليت نتحسس من كل شي مانعرش انحس روحي فادة
فتنة من كثر ماهي متوترة متعرش اشنوة تحكي مع طبيبة و طبيبة موسعة بالها تهدي فاها لين هدات
للا خديجة: بنتي ماشاء الله عليك انتي كلامك يبري ملا دواك كيفاه اش سمك ربي ؟
الطبيبة : كنزة
للا خديجة: ماشاء الله اسم على مسمي
مهيب كان حاضر انسا فتنة الي كانت مهبلتو بكرشها لمكعبرة و مركز مع كنزة من كلامها ظاهرها مرا متثقفة و متخلقة رغم الي زينها طبيعي لكن فارضة روحها بطريقة كلامها و اسلوبها
كنزة بقات لاهية بفتنة لين تحسنت
كنزة : كان استحقيت حاجة هو نومرويا و اتلها بروحك و ابعد على أي حاجة تنرفزك و خوذ دواك كيما قتلك عطيتك فيتامين يساعدوك عل حبالة و قويلك بدنك
فتنة : باهي
جات كنزة خارجة
مهيب : هيا انوصلك
كنزة : لا خلي عليك جيت بكرهبتي
مهيب : هيا حتا نوصلك الباب الدار
مهيب وصلها و شدها بلحديث : ماشاءالله عليك تي انا الي سمعت كلامك بريت مش فتنة تربية و اخلاق و ثقافة و طبيبة
كنزة : يعيشك انا ماعملت كان الي عليا
مهيب : انت عملت كل شي مش الي عليك بركا
كنزة : هكا تولي تبلغ
مهيب : لا لا هذاكا الموجود انا مازدت شي من عندي
كنزة : انتي قلت و ادرا ملا
مهيب : ايي انا خلط برشا و عرفت ناس اشكال و انواع اكيد بش نكون ادرا منك
كنزة : اكهو كي يتكلمو اصحاب الخبرة نحنا نسكتو
مهيب : اييي خبرة و تجارب و تمرميد و مغامرات
كنزة : امممم حياتك مليانة انتي صحة ليك
مهيب : اا بنتي كان نحكيلك مانبيتك قدام الباب
كنزة : اااا حكاياتك ماتوفاش
مهيب : ايي لازمهم قعدة صحيحة
حصيلو ضرب ساعة و هو يجبد من موضوع الموضوع ماتهنا كان ماربط معاها لخيوط خذا نومروها و تفاهمو بش يتقابلو