فتنة الجزء الثالث

8

الحلقة 101 💎💎
ههههه .. خديجة واقفة مرعوبة ... و حفصية ڨحرتلوهههههههه ... مغشة منو و مش حابة تكلمو ... حطت يدها في حزامها و عمال تڨحرلو بسكات... و هوا فهمها مغشة .. عارف انو مقصر معاها ... لكن الله غالب .... حس بوجيعة اقوا من طاقتو خلاتو يبعد على الناس الكل حتى حفصية ... لكن توا مش وقت وجيعة .. هوا جا لهوني باش ينسا ... وقابل لي شتعملو فيه حفصية الكل .. عارف مش باش تعديهالو سلمات ... هههههه .... تبسم بخبث و بلادة ..قدم منها .. طبع بوسة حنينة على خدمها .. عيونو فيهم لمعة ياااااااسر سبيسيال ... صحيح تعدت عليه ليلة صعيبة .. أما فرح عالأخر خاطر و أخيرا هوا من جديد في الفيرمة ... و أخيرا قلبو غلب عقلو و هزو بالسيف عليه لحفصيتو من جديد .. رجعو لأمو ... هي دواه و هي لي تحس بيه ... تبسم و قرب منها مرة أخرا ... ڨدمها في خدها بالشوية ... و بدا يدكك عليها ههههه... - ههههههه ... شاهية حويجة أخرا حفصية ؟ حفصية طفتو ...هزت كعبات الرمان ... و بدت تقدم تزرب بإتجاه الفيلا ... مرعوبة لا يرا فتنة ... و يقلب الليلة على رييوسهم .. وهوا ماهو فاهم شي ههههههه ... هز كتافو ... شد الضحكة و تكلم بالسيف .. - نرمال يا بنتي هههههه ...حتى كان تتوحم عادي ... .... قلي عليه شكون و انا نستر عليكم ههههههههه...ثبت فيها شويا و بعد كمل بلادتو .. - عادي يعني ... تقدر تحبل ...يحيي العضام و هي رميم ... ههههه .... قال أكلمة و طلع في كرهبتو شايخ ضحك ... حبس قدام الفيلا و دخل ... و خلاهم جايين وراه يزربو ... مفجوعييين .. وجوهم صفرا اصل هههه.... يلقا الباب محلول.. الفيلا داخلة بعضها ... ريحت القطو بالليم معبيا الدنيا ...حالين ال TV على قناة الحوار التونسي و الصوت قوييييي .... يقعر الوذن .. دخل نقص الصوت ... حط télécommande فوق الطاولة ... و إتجه يتبسم للكوجينة ... الريحة بنينة مش نرمال ... لقاها حتى هيا مقلووووووبة ... خبزا قطو طايبة و حاضرة و بكلها نوتيلا ..تبسم و قربلها ...يثبت فيها و قلبو واجعو ... اول ما راها تفكر فتنة قداش تحب النوتيلا ... اصل الفيلا بكلها تفكرو بفتنة ... تفكرو بالحورية لي قلبتلو حياتو ...تبسم بمرارة ... جبد السكين نحا مورسو قطو و بدا ياكل ...شويا وقت و دخلو حفصية و خديجة يلهثو ههعهه... زربو للكوجينة ... واقفو بجنبو باينين يتغصورو و يقلبو في عيونهم يفتشو على فتنة .. مرعوبيييين .... وهوا حاسهم مش عاديين جملة ... تكا بدنو على حافة الطاولة ... ضيق عيونو و سألهم ... - شبيكم مفجوعين اللطف !! ... تقول دك عليكم الحاكم هههههههه ... ( ايه يا مودي فعلا دك عليهم .. اما مش للحاكم .. انت هديت عليهم ههه )..خديجة تكلمت باش تلطف الموقف ... اما كان بقت ساكتة خير ... زادت شلقت على روحها ... - هههه .. لا ..ول.. ول .. وليدي ... احنا تصدمنا كيف جيت ... هز حاجبو و جاوبها بإستغراب ..- تصدمتو ؟؟؟؟؟- لا يع .. يعني .. نقصد .. ضمت شفايفها و سألت بتبهليل ... انت ليش جيت ؟؟؟ هههه- ساهلة برشا ... هز كتافو و تبسم .. -جيت باش ناكل القطو ... تلفت حفصية.. غمزها ببلادة .. و كمل كلامو ..- اما بينن اه !!في الوقت هذا فتنة كانت الفوق في بيتو .... بعد ما حضرت خبزت القطو و عباتها بالنوتيلا ... حست روحها بردت ... طلعت تجيب حاجة تحطها على كتافها و تعاود تهبط فيسع تستنا الرمانات هههههههه ... وفعلا هذاكا لي صار ... هابطت تزرب في الدروج ... شتموت و تبدا تاكل ... اما للحضة يبست في مكانها ... وقفت في الدروج كيف المصدومة .... حطت شعرها ورا وذنها بربثة .. كبست عيونها عالاخر ... و عمال تستنشق في الهوا و تدخل فيه لوسط صدرها بلهفة كبيييييرة ...هذي ريحتو ... والله ريحتو ... ريحت محمود ... مستحيل تغلط فيها ... بقات شويا وقت هكاكا و بعد تبسمت بوجيعة ... ههههه .. حست روحها تحلم .. محمود مستحيل يكون هوني ... هبطت يدها و مسحت بحنية على كريشتها الصغرونة ... كريشتها لي فيها قطعة منو .. قطعة من روحو و من دمو ... تنهدت خزرت لكرشها و تكلمت .. كأنها تحكي مع البيبي .. و كأنو هوا باش يفهمها .. " توحشت papi يا روحي ؟ ... توحشتو و تشمم فيا في ريحتو البنينة؟ "" ... مسكينة عيونها فيسع ما غرقو بالدموع .. بالحق الوحم تعبها في غيابو .. و بالحق هيا متوحشتو و باش تموت على قربو .. لكن هوا ما خلالها حتى حل اخر .. لازم تلم ما بقا من كرامتها و تبعد عليه ... تنهدت و كملت هبطت الدروج ماشيا للكوجينة .. و لنا كانت الصدمة .. هوا .. هوا بشحمو و بلحمو .. هوا .. والله هوا . ايه محمود .. هههههه ... محمود الرايس ... واقف في الكوجينة و عاطيها بضهرو ... مسكينة بدنها رعش في لحضة ... ريقها يبس .. قلبها يضرب في المية ...ساقيها باش يخونوها و يهزوها ليه ... كرشها وجعتها وجيعة بنينة .. خدودها حمارو و وردو .. و حست بالدوخة لعبت عليها .. هذا الكل جرا فيها وقت لي راتو ... لهدرجة تاثيرو قوي عليها ؟؟ .. لهدرجة مالك قلبها و بدنها ؟ .. لهدرجة وجودو خلا قلبها يلين و يحن بعد ما كسحتو ؟ تي قلبها باش بخرج من صدرها و يمشيلو .. و بدنها باش يخونها و يترما في حضنو ... حتى البيبي حاستو باش يموت و يقرب يشم ريحت بوه .. يحب يراه .. و يحب يقلو انا موجود معاك .. انا جيت لدنيا على خاطرك انت .. انا هوني يا بابا ... تلفت و خليك تراني ... هالمرة اكيد باش تحس بوجودي .. انا شديت بإيديا و ساقيا في الدنيا هذي على خاطرك ..مسكينة بالحق شتدوخ ... يد تعمدت بيها على الحيط و يد شدت بيها كرشها لي تقرص فيها ... خايفة لا يتلفت و يراها ... مصدومة و مش فاهما شنيا تعمل ..
manal9ach jaime 3la l 7ala9at l kol walah la 3ad nhabt walah
...خبت روحها بالباب .. و بقت تثبت في كل تفاصيلو .. باقي كيف ما هوا .. وهرتو.. زينو ..بدنو ..قوتو ..صوتو ... صدرو و كتافو العراض ... لحيتو لي هايجة شويا .. شعرو لي كيف الليل... عيونو الصغار .. كيف كعبات الزيتون كيف ما تقول حفصية .. كيف يضحك يتغمضو وحدهم ... شفايفو الصغار لي كل شويا يعدي فوقهم لسانو باش يبلهم هههههه .. يديه القوا و صوابعو لي فيهم شويا شعر ههههه ... الرمانات ( العضلات ) لي باش ينطقو من تحت الpull ... و لون الpull الابيض لي زاد في عذابها .. blanc cassé عامل سنفونية ألوان مع سموريتو لي تعشق ... اااااه .... اااااااه ... اااااه ...قاعدة تثبت فيه و في ادق تفاصيلو ... تثبت فيه بعيون مدمعة ..تميل في راسها.. تڨدم في شفتها بشهوة كبييييرة ... شاهيتو عالاخر .. و تعمل كيف القطوسة ... هازة خشمها الصغرون في الهواء و وتشمشم في ريحتو ملييييييح .... ههههه .. لكن في هذا الكل ما نساتش انها تغزل عليه .. تغزل و تعاود .. تحب تضربو .. تحب تڨدمو ...تحب تبرد قلبها فيه ... شويا من الوحش و شويا من الغش و شويا من اللوم ... و شويا على اكا خبزت القطو لي كلاها الكل ... 😣😣😣..😆😆😆... هههههه .. كل شويا ينحي مورسو قطو و يبلعو .. و يزيد شويا ينحي مورسو اخر و يبلعو .. ههههه .. شادد اكا السكينة في يدو .. يڨحر لحفصية و ياكل ورا بعضو ... تقول عمرو لا را قطو ... عععع فتنة تتوحم و محمود ياكل ههههههه ... و فتنة شتبكي على القطو متاعها .. تي هيا باش تموت عليها .. قيمت للا خديجة في الليل باش تطيبهالها ...و خرجت حفصية في البرد باش تجيبلها رمان .. باش في الاخر يجي سي محمود ولد الرايس ياكلها !!(ايييييه ... صحة و فرحة لمودي 😈😈.. كول يا روحي كول .. رم عضمك .. قولو ريما خايبة )... تحمصت عالاخر ... ضربت ساقها بعصب في القاعة ... وهو حس بحركة غريبة وراه ... شم ريحت فتنة لي ليها توا شهر غايبة عليه ... زعما لهدرجة الوحش عمل بعمايلو فيه؟ ...من غير ما يشعر لفت راسو باش يثبت .. اما ما لقا شي ..لكن هذا ما يمنعش انو فما حاجة غريبة ... اصل تصرفات حفصية و خديجة مش مرتحينو ... للا خديجة جبدت روحها و طلعت لفوق لفتنة ... و مودي بقا راس راس هو و حفصية ... هههههه .. اول حاجة عملتها عطاتو قحرة تفجع ... فكت من يدو خبزت القطو .. أو بالاحرا ما تبقا منها ... خاطر مودي رحل بشترها ... سكرت باب الكوجينة و تلفتلو متحزمة ...كسحت قلبها و تكلمت بصوت مغلغل .. - ايه ... هاك تعرف طريق الفيرمة .. انا قلت نسيتها ؟تنهد بحرقة مسكين ... تنهد بطريقة تفهم اي حد قداش حامل هموم على كتفو ... تنهد بطريقة خلت حفصية تفهم بطريقة واااااضحة قداشو تاعب .. تنهد ... تسند مرة اخرا على الطاولة .. ثنا ساقيه قدامو .. طبس راسو في القاعة و بدا يحكي .. هوا اصل جاي باش يفرغ قلبو ...اما ما لقا شي ..لكن هذا ما يمنعش انو فما حاجة غريبة ... اصل تصرفات حفصية و خديجة مش مرتحينو ... للا خديجة جبدت روحها و طلعت لفوق لفتنة ... و مودي بقا راس راس هو و حفصية ... هههههه .. اول حاجة عملتها عطاتو قحرة تفجع ... فكت من يدو خبزت القطو .. أو بالاحرا ما تبقا منها ... خاطر مودي رحل بشترها ... سكرت باب الكوجينة و تلفتلو متحزمة ...كسحت قلبها و تكلمت بصوت مغلغل .. - ايه ... هاك تعرف طريق الفيرمة .. انا قلت نسيتها ؟تنهد بحرقة مسكين ... تنهد بطريقة تفهم اي حد قداش حامل هموم على كتفو ... تنهد بطريقة خلت حفصية تفهم بطريقة واااااضحة قداشو تاعب .. تنهد ... تسند مرة اخرا على الطاولة .. ثنا ساقيه قدامو .. طبس راسو في القاعة و بدا يحكي .. هوا اصل جاي باش يفرغ قلبو ..#ريما 💋💋
مشت معاه يا حفصية .. مشت معاه .. سيبتني و مشت لعشير عمري .. حفصية بهمت مسكينة .. ذيقت عيونها و سألتو بيدها .. - فاش تحكي ... و هوا تبسم بالمرارة .. - شنيا حفصية .. غمزها .. متعودة تفهمني من غير ما نحكي .. سكت شويا و كمل كلامو .. فتنة يا حفصية فتنة ضهرت مع زياد .. مشت لعشير عمري ... انا قالب الدنيا و هيا معاه .. حفصية تحمصت من كلامو .. اصل هي لتوا تغلغل عليه كيفاش خلاها غارقة في دمها .. مسخفو حالها ... صغيرة و الوحم تعبها في غيابو ..- انت شارب و الشرب باين لحسلك لي باقي من مخك ... - لا ... مش صحيح .. انا يا حفصية نقول في الحقيقة .. لي حسبتها مرتي و عرضي ... ههههه .. غدرتي ... مريم قتلي مشات مع زياد .. و زياد هوا لي قلها .. حط يدو على قلبو و حكا بشويا .. - هذا تشوا يا حفصية .. تشواااا ...حفصية ضربت يدها على صدرها ... عرفتو ملعوب من اكا اللفعة ... عرفت تستغل الوتر الحساس و تلعب بيه .. تعرف محمود يسامح في كل شي كان الحاجات هذي .. بقت تفكر شنيا تعمل .. حابة تقلو لي هيا هوني .. اما خايفة من ردت فعل فتنة .. رافضتو و مش قابلة تسامحو .. و بالفعل .. فتنة كانت في الوقت هذا عاملة مناحة في بيتو .. تبكي بالشهقة .. محملة مخدتو ووتبكي و تقول لخديجة طردو .. نحبش نرا ... و تحبش بفيق بيا ...هههههه .. دلال فتنة صار بالهبال توا .. تتوحم .. و وحمها جاي عليه ... و زيد يخافو عليها توا .. بدنها بالحق تاعب و الطبيب ينبه و يعاود على الغش .. قلهم مش باهي ليها .. و فتنة استغلت الوضع شر استغلال ... خرجت للا خديجة من البيت .. مشت لدريسينغ متاعو ... الوحش قتلها قتل .. ميلت راسها تثبت دبشو المعلق .. قدمت و هزت منو شوميزتو لبستها .. صدر مفصل .. افخاذ مسقولين ...ااااااااع .... جاتها ساكسي عالاخر ... محمود كان يراها بالزين و الاغراء هذا يجن ... .. هزت برفانتو غرقت بيها روحها ... و ركشت في فرشو ... عنقت اكا المخدة و تصرت على روحها كيف القطوسة تحت الكوفيرتة .. قلبها يضرب في المية .. شويا تتبسم كيف تتفكرو .. تتبسم لين حفر الزين يضهرو مليح مليح ...و خدودها يوردو ...و شويا تولي تبكي من الغزول و الوحش ... هههه .. دموعها تغرق عيونها .. و خدودها .. و تهبط حتى لشفايفها الحمر المالحين .. لي كان يراهم مودي في الحالة هذي ينسا كل شي ... كل شي .. كل شي .. و يغرق فيهم .. يطعم في بنتهم .. (زعما يعملها ؟؟ ههه )و زيد خايفة من ردت فعلو .. تعرفو عصبانة و مغشاش ... داخلة بعضها عالاخر .. مش فاهمة شي ... اما فاهمة حاجة وحدة .. انها مش باش تعديهالو بالساهل ..هيا هكاكا ... غارقة في افكارها .. و تسمع كان في خطواتو عمال تقرب من بيت النوم .. هي خطواتو الثابتة .. وقف قدام الباب ... و قلبها ضرب في المية ... تصرت على روحها اكثر .. نفسها قوا عالاخر و دخل بعضو .. كبست يديها الاثنين على كريشتها لي تحس بوجيعة فيها ... اما المرة هذي وجيعة بنييييينة عالاخر ... وجيعة بنيييينة خلتها تغمض عيونها من غير ما تشعر و تقدم شفتها بالوقت #ريما 💋