فتنة الجزء الثالث

9

الحلقة 102 💎💎

و محمود اول ما حط يدو على كوبة الباب حس بدنو الكل تكهرب ... و حس قلبو خض بالقوي .. مايعرفش شنوا السبب ... لكن يحس بنخزة حتى هوا في كرشو .. نخزة بنينة ... نخزة يعرفها مليح مليح .. نخزة يحسها في حالة فقط .. او بالاحرا يحسها في وجود مرا فقط .. و هي فتنة .. من اول ما دخل للفيلا حسها موجودة و ريحتها فيها .. دخل بعضو .. و عقلو للحضة قلو يا محمود فتنة هوني .. تبسم و توجه بخطواتو للبيت لي كانت قاعدة فيها قبل ... دخلها ملهوف .. يقلب في عيونو فيها .. بالك يلقاها .. لكن ماقاهاش .. عيونو ترشقت في الفرش ... تبسم بمرارة .. و تفكر نهار لي قاللها ايجا معايا ... نطلقك و عيش تحت حمايتي .. يوميتها في الحقيقة ما كانش حابب يهزها .. لكن فما حاجة في قلبو قتلو يا محمود هذي قطعة من روحك .. كيفاش تقدر تخليها .. من اول ما راها زينها رهوجو ... سم بنين و تعدا في عروقو ...يوميتها كانت راقدة بكل إغراء و انوثة على الفرش هذا .. لافة بدنها المزيان بملحفة بيضة .. و ميتة بالحشمة منو .. هههههه .. تبسم و قدم شفتو .. كيف تفكر انو اكا البدن المزيان هوا الراجل الوحيد لي طبعو .. طبع عليه اسمو .. هوا باسم محمود الرايس .. حتى لو كان تمشي لغيرو .. تبقا باسمو .. تبسم .. قرب من اكا الفرش .. نحا سباطو و الفاست متاعو ... و ترما على اكا الفرش .. حضن المخدة بكل قوتو .. غرس خشمو فيها و جبد نفس طويل... يحب يدخل ريحتها لوسط صدرو ... و استرخا لنوم .. نهار طويييييل و صعييييب تعدا عليه ... في الوقت هذا فتنة ترخت شويا .. ههههه .. ملا كبسة كلتها هههه .... تربعت فوق الفرش .. خايفة من محمود .. وكان يفيق .. يقلب الدنيا والله .. حفصية و خديجة ما كانوش احسن منها حال .. شعرة ولا كشفهم مودي ... ( اما مادام ريما موجودة اكيد باش يكشفكم 😈) ... كلاو فجعة خايبة .. اما كيف راووه مشا للبيت الاخرا تنفسو شويا ... و بعدها كل وحدة مشات لبيتها مفجوعة وجها اصفر ههههه .. اما فتنة لا ... كانت شتموت و تراه ... شتموت و تقربو.. شتموت و تشم ريحتو .. ما قدرتش تشد روحها جملة .. حلت باب البيت بالشويا ... تمشي حفيانة على طراطش صويبعاتها الصغرونين ..اكا الصويقات مغرييييين بكلهم على برا ... تتلفت يمين و يسار بفجعة .. هههه .. خايفة لا تشوفها حفصية .. ترمش بربثة .. و ترجع في شعرها لي غلب عليها ورا وذنها .. وصلت لباب بيتو .. هزت نفس عمييييق .. غمضت عيونها و فكرت انها ترجع ..اما لااا .. شتموت و تشم ريحتو ... شتموت و تملي عيونها منو ... شتموووووووت و تقدمو في رقبتو ...هزت نفس و دخلت بشويا .. كيف الصارق هننه ...لقاتو في سابع نومة .. ههنهه .. حتى و هو راقد مغشش هههه .. يتنفس و كانو في حرب .. هههه .. صوت نفس متاعو هبلها ... قربت منو اكثر ... عيونها فيسع ما غرقو بالدموع .. دموع الوحش .. حطت يد على كرشها الصغرونة .. و حطت صويبعاتها برقة على شعرو .. و بعدها على شفايفو ... تلمستهم بحنية ... و تكلمت بصوت واااطي .. قريب للهمس .. صوت مخلط بين الرغبة و الوحش و البكاء .. - يا روحي .. يا روح فتنة .. شوف .. فما قطعة منك في وسطي .. و هوا رعش بالوقت.... حس بلمستها ... اما مشا لبالو حلمة ... تبسم من تحت النوم ... كبس على المخدة لي بين ذراعاتو اكثر ... غرس وجهو فيها ... وجاوب بشويا ... بصوت دوب يتسمع .. "نعشقك " .. كلمة خرجت من قلب محمود و هبطت على فتنة كيف الصاقعة شقتلها قلبها في ثنين ... توا ناقصة هي ؟؟ ... ناقصة يقللها نعشقك .. تي هي داخلة بعضها خلقة .. هههههه .. دموعها فيسع ما خانوها .. هبطو كيف الشتاء ... بالحق الوحم عامل بعمالو فيه .. تحبو يقوم يعنقها و يغفصها تحتو .. يقوم يحصرها ببدنو في الفرش كيف ما متعود يعمل و يهبلها ببلاتو و فازاتو ... غمضت عيونها و تفكرت اكا الليلة اليتيمة لي عدتها معاه ... ليلة يتيمة حسسها بيها انها مرا كيفها كيف اي مرا ... حسسها باحساس عمرها ما ذاقتو .. عدت لسانها على شفتها برغبة كبيييييرة .. و قربت منو اكثر ... هبطت على ركايبها و بدت تثبت بتركيز كبيييير في ملامحو .. سمورية و ملامح عذااااااب يقطرو بالرجولة يا خلق ربي ... الخط لي في وسط جبينو باين .. هههه .. حتى راقد و عاقد جبينو .. خشم واقف كيف خشم الصقر .. عيون صغرونين مغمضين باين عليهم التعب .. شفايف دوب ما يتشافو .. لحية كحلة هايجة شويا ... شعر ليل ارطب واقف بالجال .. كتفت يديها بغل ... عوجت فمها مش عاجبتها الحال ... تحمصت عالاخر .. شبيه مزيان هكا ؟؟ .. هههه .. تقول اول مرة تراه .. فدت منو و من ملامحو لي شهتها ترقد تحتو .. نفخت بعصب و خرجت تزرب ... و كيف خرجت سكرت الباب بنطرة من وراها... العصب يخض فيها ... اييييه .. ما تتصدموش ... هذا تأثير الوحم على فتنة .. تالمون توحشتو و شاهيتو .. كرهتو و غلغلت عليه ههههه .. هدت على حفصية في بيتها تبكي و تمخط .. قالتلها طردو .. نكرهو نكرهو .. مش طايقتو و مش طايقة ريحتو .. قهرني راهو قهرني ... طردو غدوا نحبش نرا منضرو ...و حفصية فهمتها .. تتوحم عليه و هابلة .. هدتها و رقدتها بجنبها .. اما بقت هي ليلة كاملة فايقة تفكر ..
هذا عمرو ما كان حل .. راجل و مرتو منتفارقين .. راجل راقد هوا و مرتو تحت نفس السقف و مش فايق بيها !! ... و لا فايق حتى بصغارو ؟ .. صحيح هوا غلط و لازم يتربا .. لازم يتعلم انو ما يفرطش فيها مهما صار ... اما حتى هوا حالتو تشكي لربي .. يكفي .. لازم تلقا حل لمحمود .. الى متى و هوا عايش في العذاب هذا .. حفصية واعدت روحها قدام ربي من يوم لي تخلق محمود انها تكونلو الام و السند و الضهر ... و توا جا دورها ... لازم ترجعلو فرحتو و في اقرب وقت .. لازم يرجع يعيش حياة طبيعية ... فكرت ملييييييح مليييييح ... و بعدين عيونها لمعت بخبث .. (يا افكارك يا حفصية 😈)...نهار جديد طلع على فيرمة دار الرايس .. و كيف العادة و الله لا تقطعلنا عادة ... كيف يبدا مودي موجود الطاولة تتنصب و تتعمر من ساسها لراسها .. حفصية و خديجة فاقو من صباح ربي يصنفو و يميلو في رييوسهم .. عكس فتنة لي صارت ترقد اكثر من ثلثين النهار .. مودي فاق شايخ .. خذا دوش تفرشك بيه .. حاسس حاجة غريبة هوني مرتحتو عالاخر اما مش عارف شنيا .. لكن حاسس انو مش مغشش على فتنة .. قبل ما يجي كان مغلغل خاطر سيبتو و مشت لزياد اما توا لا .. لبس و تأنق كيف عادتو و خرج من بيتو باش يهبط يفطر ... و هوا هابط تعدا من قدام بيت حفصية لي فتنة راقدة فيها .. و ريحتو ... اااااااععع ... ريحت برفانتو لي قلبت الفيلا قلب .. دخلت من غير ما تستأذن لبيت فتنة و فيقتها 😈... و هي بالوقت حلت عيونها فناجين .. تنطرت جت واقفة .. و بدت تشمشم و تبع في ريحتو كيف القطوسة .. هههههه ... هوا يمشي بكل وهرة و ثيقة .. دخل للكوجينة يشم في ريحة بنيييييينة ... تبسم و صبح عليهم .. باس راس حفصية لول و هي حقرتو و عطاتو ڨحرتين سمحين هههه ... عكس خديجة لي اول ما باس راسها ترهوجت و قلبها رعش بالفرحة ... عيونها تملاو بالدموع .. حست قلبو بدا يحن مادام باسها كيف حفصية .. حركة صغيرة عملها خلاها بيها تحيا من جديد .. حطت يديها الاثنين الصغرونين على صدرو و بدت تحكي بلهفة كبيييرة ... بصوت كلو فرحة ...- صباح لفل و الياسمين يا بابا ... لا يقطعك وليدي .. ربي يدوم هالضحيكة يا بابا .. شوف شوف .. جبدتو من يدو و قدمت بيه لأكا السفرة المنصوبة .. - شوف اش حضرنالك .. قلي شنيا نحطلك .. و كان نافح في حاجة اخرا قلي ... نعملك توا .. ميل راسو .. حك لحيتو و تكلم .. - ريق الشامية و العسل و هالنوتيلا مش جوي .. نحب حاجة محرحرة .. ثبت شويا في الطاولة و تكلم ..- أهيااااا ... اعملي كسكروت بالهريسة و الكبدة ... ههههه يحكي و يڨحر لحفصية لي غلبت عليه بالحقرة ... و خديجة تبسمت و عملتلو الكسكروت لي شاهيه .. خبزة كاملة بالهريسة و محشية بكبدة العلوش مممممم .. و زادة حطت في وسط الخبزة فريت و فوقهم رشة صغيرة معدنوس هههه .. ما تحيروش مودي يحب يفطر هكا .. تي بالله البدن هذاكا تبارك الله اش باش يشبعو ؟؟ ... و في اللحضة هذي بالذات فتنة كانت مرهوجة .. اما المرة هذي مش من مودي .. تي نساتو جملة مودي .. اما مرهوجة من الكسكروت لي قدامها .. تبع في خديجة بالسرقة كيفاش تحضر فيه بالمرحلة بالمرحلة ...تبلع في ريقها بلعان .. تلسح في شفايفها و عيونها مرشوقة في اكا الكبدة باش تهبل اصل .. - ايجا يا بابا .. هاو حضرت لولدي كسكروت كيف ما يحبو .. - يعطيك الصحة .. حطو فوق الطاولة متع الصالة و كمل مزيتك و حلي التلفزة ههههه ..مدام انا نجيب باكو الدخان ... خرج للكرهبة يجيب فيه ...و في سرعة البرق .. فتنة خطفت اكا الكسكروت و طلعت تجري لفوق .. تجري بقوتها .. شعرها يطاير وراها و عيونها القري تلمع بالفرحة ... سكرت الباب و وقف وراه ترجع في النفس بالسيف .. تضحك .. تقول سرقت كنز مش لعب .. تربعت فوق الفرش و تحولت الى وحش .. تڨدم في ڨدمات اكبر من فمها و تعاون بصبعها .. باش تدخل لي بقا خارج من الڨدمة في وسط فمها الصغرون .. و تضحك بخبث .. محمود مسكين رجع يزرب باش يفطر اما دوييييو .. يا فرحة ما تمت .. خدها الغراب و طار هههه .. لقا كان الصحن فااااااااااارغ ... عقد حواجبو بإستغراب و نفخ بعصب .. و هز صوت يلعلع .. - وينو فطوري ياخي ؟؟؟ ' .. خديجة خرت تجري من الكوجينة ... و تحكي من قبل ما توصلو .. - وووه وليدي مش قتلي حطو في ... و قبل ما تكمل كلمتها كانت الصدمة .. الصحن فارغ .. تربث و عرفتها فتنة .. هذي عمالها .. ما عرفت ما تجاوب .. و هوا زاد فد ..- تي وينو الفطور !! .. - صرقتو القطوسة .. هههه .. جملة ساخرة جاوبت بيها حفصية على مودي .. هي رات فتنة كيفاش هزتو .. و شدت روحها بالسيف على الضحك .. هز حاجبو و تكلم .. - هكا !! .. قطوسة صرقت خبزة كاملة !! .. - ايه تلقاها نفحت في طريف كبدة .. تجاوب و شادة روحها بالسيف .. عارفتو كيف يجوع ما يفهم شي .. و فتنة خطفتلو فطورو .. هط يديه في مكتوبو و تكلم بعصب .. - شنوا توا !! .. تفرك فيهم عليا !! .. نفحت في طرف كبدة .. مش في خبزة بالهريسة ... عندكم قطاطس تاكل الهريسة و انا ما فيباليش ؟؟ - ايه تلقاها قطوسة تتوحم و شتهاتو .. قالت اكا الجملة و طرشقت بالضحك هي و خديجة.. مش قادرين يشدو روحهم اكثر من هكا ...و لنا محمود فد و طيقر .. حسهم يتزعبنو عليه .. زايد معصاب ... - انا هاني خارج .. و اقعدو فيها ..- ايجا يا وليدي .. توا نحضرلك واحد اخر .. - لا .. ماعينيش .. محمود خرج فادد .. و حفصية طلعت تزرب لفتنة ... في مخها حاجة و لازم تعملها .. حلت الباب ... لقتها كلت الخبزة الكل ... و تلسح في صويبعاتها .